2600 astanalyq memlekettik tildi oqytý kýrsynan ótti

ASTANA. 17 qyrkúıek. QazAqparat - Astanada jyl basynan beri 2600 tyńdaýshy memlekettik tildi oqytý kýrsyn támamdaǵan. Bul týraly búgin Astana qalasy máslıhatynyń áleýmettik-mádenı damý máseleleri jónindegi turaqty komıssııa otyrysynda aıtyldy, dep habarlaıdy elordalyq resmı saıttan.

«182 memlekettik qyzmetshi (7%), 2 363 bıýdjettik mekemelerdiń qyzmetkeri (90,9%), sonymen qatar, 55 qala turǵyny óz erkimen (2,1%) memlekettik tildi meńgerdi. Memlekettik emes organdardyń ókilderi joq. 2012 jylmen salystyrǵanda kýrstan ótken bıýdjettik uıym qyzmetkerleriniń sany 45 adamǵa artqan», - dedi astana.kz saıtyna qalalyq Tilderdi damytý basqarmasynyń basshysy Erbol Tileshov.

Aıta keteıik, kýrsty támamdaǵan 1043 tyńdaýshynyń 680-i sertıfıkattar, 363 tyńdaýshy anyqtama aldy, al qyrkúıek aıynan bastap 1 522 adam 133 topta oqýyn jalǵastyrýda.