260 keli bekire balyǵyn aýlaǵan brakonerler ustaldy

NUR-SULTAN. QazAqparat – Atyraý oblysynda bekire tuqymdas balyqty zańsyz aýlaǵan brakonerler ustaldy. Bul jaıynda QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Facebook-tegi paraqshasynda jazdy, dep habarlaıdy QazAqparat tilshisi.

Onyń atap ótýinshe, 2019 jylǵy 5 qyrkúıek kúni Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń qyzmetkerleri Kaspıı teńiziniń Soltústik bóligine sholǵyndaý sharasyn júrgizgen. Shamamen saǵat 12-30-da ınspektsııa qyzmetkerleri 200 attyń kúshi bar aspaly «ıAmaha» motorly «Baıda» qaıyǵyn mingen Atyraý qalasynyń 2 turǵynyn qolǵa túsirgen.

«Júzý quralyn tekserý barysynda jalpy salmaǵy 264 keli bolatyn bekire tuqymdas 92 balyq, jalpy salmaǵy 34 keli bolatyn 39 dana bekire tuqymdas balyqtyń basy, salmaǵy 22 keli tartatyn 2 sazan, sonymen qatar uzyndyǵy shamamen 300 metr bolatyn aý men «Garmın» spýtnıktik navıgatsııasy quraly tabylyp, tárkilendi. Tárkilengen balyq Jaıyq-Atyraý bekire balyǵy sharýashylyǵy zaýytyna tapsyrylyp, al «Baıda» qaıyǵy Atyraý qalalyq polıtsııa basqarmasyn ýaqytsha saqtaýǵa jetkizildi. Atalǵan fakti boıynsha oqıǵa ornynan Atyraý qalalyq PB jedel tergeý toby shaqyryldy. Jınalǵan materıal QR QK 335 baby boıynsha qylmystyq is qozǵaý úshin polıtsııa qyzmetkerlerine tapsyryldy», - dedi S.Dildahmet.