26 jeltoqsanǵa arnalǵan aýa raıy boljamy - Qazgıdromet
ASTANA. 25 jeltoqsan. QazAqparat - 26 jeltoqsan kúni Qazaqstan aýmaǵynyń basym bóliginde aýa raıynyń turaqsyzdyǵy saqtalady, atmosferalyq aǵyndardyń ótýine baılanysty keı jerlerde qar jaýady dep kútilýde, jel kúsheıedi, boran soǵady, kóktaıǵaq bolady, tuman túsedi. Bul týraly «Qazgıdrometke» silteme jasap, QR TJM baspasóz qyzmetinen habarlady.
Respýblıkanyń batysyna aýa raıy jaýyn-shashynsyz bolady dep kútilýde, keı jerlerde tuman túsedi. Shyǵys Qazaqstan oblysynda keı jerlerde boran soǵady dep kútilýde, jel 15-20 m/s-ke kúsheıedi, Jarma aýdanynda jel ekpini 25 m/s bolady. Almaty oblysyndaǵy Jalańashkól aýdanynda jel 17-22 m/s-ke kúsheıedi. Qostanaı oblysynda keı jerlerde boran soǵady dep kútilýde, tuman túsedi, kóktaıǵaq bolady, jeldiń ekpini 15-20 m/s bolady. Soltústik Qazaqstan oblysynyń jekelegen aýdandarynda boran soǵady dep kútilýde, kóktaıǵaq bolady, jel 15-20 m/s-ke kúsheıedi. Jambyl, Ońtústik Qazaqstan oblystarynda keı jerlerde tuman túsedi, kóktaıǵaq bolady, jel 15-20 m/s-ke kúsheıedi. Qyzylorda oblysynda keı jerlerde tuman túsedi dep kútilýde, kóktaıǵaq bolady, túnde jekelegen aýdandarda jel 15-20 m/s-ke kúsheıedi. Aqmola, Qaraǵandy oblystarynda, túnde Aqtóbe oblysynda keı jerlerde boran soǵyp, jel 15-20 m/s-ke kúsheıedi. Atyraý oblysynyń jekelegen aýdandarda tuman túsedi dep kútilýde, kóktaıǵaq bolady. Mańǵystaý, Batys Qazaqstan oblystarynda keı jerlerde tuman túsedi dep kútilýde. Túnde Pavlodar oblysynyń jekelegen aýdandarda jel 15-20 m/s-ke kúsheıedi.
Jaqyn táýlikterde Qazaqstannyń sýly nysandarynda muz qalyptasý úrdisi jalǵasady, respýblıkanyń ońtústigi, ońtústik-shyǵysy jáne shyǵysynyń jekelegen ózenderinde seń qalyptasýy, sý deńgeıi kóterilýi múmkin.
