26 jeltoqsanda eldegi qaı joldar jabyq tur
ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, aýa raıynyń nasharlaýyna baılanysty birneshe óńirdegi joldarda qozǵalys shekteldi.
Shyǵys Qazaqstan oblysy
• «Almaty – Taldyqorǵan – Óskemen – Shemonaıha – RF shekarasy» avtomobıl jolynyń 1013-1062-shaqyrym aralyǵynda (Abaı oblysynyń shekarasy – «Rýbej» beketi ýchaskesi) barlyq kólik túriniń qozǵalysyna shekteý engizildi.
Abaı oblysy
• «QHR shekarasy – Maıqapshaǵaı – Zaısandy aınalyp ótý jolymen – Qalbataý – Semeı – Pavlodar – RF shekarasy» avtomobıl jolynyń 910-1002-shaqyrym aralyǵynda (Qalbataý aýyly – Kókpekti aýyly ýchaskesi);
• «Almaty – Taldyqorǵan – Óskemen – Shemonaıha – RF shekarasy» avtomobıl jolynyń 971-1013-shaqyrym aralyǵynda (Qalbataý aýyly – Shyǵys Qazaqstan oblysynyń shekarasy ýchaskesi) barlyq kólik túriniń qozǵalysyna shekteý engizildi.
Jetisý oblysy
• «Úsharal – Dostyq» avtomobıl jolynyń 84-164-shaqyrym aralyǵynda (Kóktuma stantsııasy – Dostyq stantsııasy ýchaskesi) barlyq kólik túriniń qozǵalysyna shekteý engizildi.
Qostanaı oblysynda «Astana – Atbasar – Jaqsy – Rýzaevka – Sarykól – Qostanaı» avtomobıl jolynyń 539-418-shaqyrym aralyǵynda (Qostanaı qalasy – Qarabalyq kenti ýchaskesi) jolaýshylar reıstik avtobýstary men dızeldi qozǵaltqyshpen jabdyqtalǵan avtokólikterdiń qozǵalysyna shekteý engizildi.
Sondaı-aq tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.
Al Pavlodar oblysynda «Astana – Shiderti – Pavlodar – Ýspenka – RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.
Eske salaıyq, buǵan deıin sınoptıkter 26 jeltoqsanda Qazaqstannyń 15 oblysynda aýa raıy qolaısyz bolatynyn eskertken edi.