26 jeltoqsan kúni Qazaqstanda ótetin mańyzdy is-sharalar

NUR-SULTAN

9.30-da «Nur Otan» partııasynyń qalalyq fılıalynda QR densaýlyq saqtaý mınıstri Eljan Birtanov azamattardy qabyldaıdy.

10.00-de Qylmystyq-atqarý júıesi komıtetinde qylmystyq-atqarý júıesi mekemelerindegi ekonomıkalyq jáne óndiristik qyzmet máseleleri boıynsha birinshi respýblıkalyq keńes ótedi.

10.00-de QR Parlamenti Senatynyń kezekti otyrysy bolady.

12.00-de «Azamattarǵa arnalǵan úkimet» memlekettik korporatsııasynda «Memlekettik korporatsııa iske asyratyn mindetti zeınetaqy jarnalaryn, áleýmettik aýdarymdar, sondaı-aq BJZQ-dan tólenetin zeınetaqy tólemderin qaıtarý jónindegi qyzmetterge baǵalar jobalary» taqyrybynda jarııa tyńdaý ótkizedi.

15.00-de «Saryarqa» velotreginde «Prezıdenttik synaq jáne Prezıdenttik kópsaıys federatsııalar Odaǵy» ZTB keńesiniń kezekten tys otyrysy ótedi.

15.30-da «Ańsar» bıznes ortalyǵynda Qazaqstannyń azamattyq alıansy QR qoǵamdyq keńesteriniń qyzmeti týraly keshendi baıandamany tanystyrady.

ALMATY

11.00-de «Almaty» qonaq úıinde «TT Aspandau» pikirtalas klýby Prezıdent Qasym-Jomart Toqaevtyń Ulttyq qoǵamdyq senim keńesiniń ekinshi otyrysyndaǵy saıası sheshimderin talqylaıdy.

11.00-de QR Ulttyq kitaphanasynda akademık Mámbet Qoıgeldiniń jańa jınaǵy tanystyrylady.

11.30-da Almaty qalasy ákimdiginde «Aýrýlardy basqarý baǵdarlamasynyń úzdik patsıenti» atty birinshi respýblıkalyq baıqaý qorytyndysy týraly brıfıng ótedi.

11.30-de «Medeý» muz aıdynynda áleýmettik beıimdelý máseleleri men qysqy sport nysandaryndaǵy estý qabileti buzylǵan balalardyń qaýipsizdigine kóńil bólý jóninde shara ótedi.