26 jastaǵy jigit «oqýshy qyzben» kezdesýge barǵan: Polıtsııa vıdeoǵa túsinik berdi

PETROPAVL. QazAqparat – Soltústik Qazaqstan oblysynda oqýshy er bala qyzdyń atynan akkaýnt ashyp, 26 jastaǵy jigitti kezdesýge shaqyrǵan. Kezdesý sońy janjalmen aıaqtaldy, dep habarlaıdy QazAqparat Rolisia.kz-ke silteme jasap.

«31 naýryz kúni oblys ortalyǵyndaǵy mektepterdiń biriniń oqýshysy kámeletke tolmaǵan qyzdyń atynan jalǵan akkaýnt qurǵan. Osy akkaýnttan hat almasý barysynda 26 jastaǵy qala turǵynymen kezdesý belgilengen. Oǵan jasóspirim dostaryn erite barǵan.
Er adam men kámeletke tolmaǵandar arasynda janjal bastalyp, sońynda polıtsııa qyzmetkerleri shaqyrylǵan.
Bul fakt Petropavl qalasy Polıtsııa basqarmasynyń Aqparatty esepke alý kitabynda tirkelgen.
Kámeletke tolmaǵandarmen zańdy ókilderiniń qatysýymen profılaktıkalyq áńgime júrgizildi», - delingen polıtsııa habarlamasynda.