26 jastaǵy frantsýz Sebasten Gros «Kazakhstan Open-2015» halyqaralyq golf týrnıriniń jeńimpazy atandy
ALMATY. QazAqparat - Almatyda ótken «Kazakhstan Open-2015» halyqaralyq golf týrnıri óz máresine jetti. Birneshe kúnge sozylǵan sport dodasynda 26 jastaǵy frantsýz Sebasten Gros jeńimpaz atandy.
Chempıon 70 myń eýro kóleminde syıaqyǵa ıe boldy. Frantsýzdyń sońǵy aınalymdaǵy soqqysy óziniń básekelesi Mads Sogaardtyń soqqysynan senimdirek boldy.
Nátıjesinde 26 jastaǵy frantsýz Sebasten Gros jalpy esepte 274 ball (-14) jınap birinshi orynǵa ıe boldy. Ekinshi orynǵa 275 balmen (-13) Mads Sogaard, úshinshi orynǵa 277 (-11) ballmen AQSh ókili Denıel Im turaqtady.
Aıta keteıik, bıylǵy týrnırde álemniń túrli elderinen 132 golfshy baǵyn synady. Olardyń ishinde «European Challenge Tour» reıtınginiń alǵashqy «júzdigi» bar.
