26 tamyzda Qazaqstannyń basym bóliginde kún raıy ashyq bolady
ASTANA. QazAqparat - 26 tamyzda respýblıka aýmaǵynyń basym bóliginde kún ashyq bolady, soltústik-batysta ǵana keı jerlerde naızaǵaı oınap, ótkinshi jańbyr jaýady. Qazaqstannyń soltústiginde túnde jáne tańerteń keı jerlerde tuman túsedi. Ońtústik pen shyǵysta keı jerlerde jel 15-20 m/s-qa deıin kúsheıip, ońtústikte shańdy daýyl kóteriledi, dep habarlady QR ІІM Tótenshe jaǵdaılar komıteti.
Soltústik Qazaqstan oblysynda túnde jáne tańerteń keı jerlerde tuman túsedi. Ońtústik Qazaqstan, Jambyl oblystarynda keı jerlerde jel 15-20 m/s-qa deıin kúsheıip, shańdy daýyl kóteriledi. Kúndiz Shyǵys Qazaqstan oblysynda jel 15-20 m/s-qa deıin kúsheıedi. Kúndiz Aqtóbe oblysynda, Mańǵystaý, Qostanaı, Batys Qazaqstan, Atyraý, Qaraǵandy oblystarynda aptap ystyq bolady. Aqtóbe, Qyzylorda oblystarynda, Ońtústik Qazaqstan, Jambyl, Batys Qazaqstan oblystarynyń basym bóliginde, Atyraý, Qaraǵandy, Qostanaı, Almaty oblystarynyń keı jerlerinde óte joǵary órt qaýpi saqtalady.
Taıaýdaǵy táýlikterde Qazaqstannyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý deńgeıi qubylady. Іle ózeniniń Qapshaǵaı sý qoımasynan joǵary tusynda sý deńgeıi tómendeıdi. Syrdarııa ózeniniń Ońtústik Qazaqstan jáne Qyzylorda oblysynyń ońtústigi tusyndaǵy bóliginde Shardara sý qoımasynan keletin aǵyn sýdyń azaıýy esebinen sý deińgeıi tómendeıdi.
