26 tamyzda Qazaqstanda ótetin mańyzdy oqıǵalarǵa sholý
NUR-SULTAN. QazAqparat – «QazAqparat» halyqaralyq aqparat agenttigi 26 tamyzda elimizde ótetin mańyzdy oqıǵalarǵa sholý usynady.
Saǵat 11:00-de elordadaǵy QR Ulttyq kitaphanasynyń Konstıtýtsııa zalynda QR Konstıtýtsııasy kúnine arnalǵan «Prezıdent – Qazaqstan Respýblıkasy Konstıtýtsııasy turaqtylyǵynyń nyshany ári kepili» taqyrybynda halyqaralyq dóńgelek ústel otyrysy ótedi.
Sonymen qatar elordadaǵy QR Syrtqy ister mınıstrliginiń ǵımaratynda, saǵat 11:00-de «Qazaqstan sheteldik BAQ kózimen» baıqaýy jeńimpazdaryn marapattaý rásimi ótedi. Іs-sharany QR Syrty ister mınıstrligi elmizdiń Táýelsizdiginiń 30 jyldyq mereıtoıyna oraı Qazaqstan Bas redaktorlar klýbymen birge uıymdastyrǵan bolatyn.
Dál osy ýaqytta «QazAqparat» halyqaralyq aqparat agenttiginiń alańynda QR Básekelestik qorǵaý jáne damytý agenttigi satyp alýlardaǵy básekelestik taqyrybynda Open Space ótkizedi. Ony QazAqparattyń https://www.youtube.com/watch?v=ADz-_HhrrWk Youtube-arnasynan kóre alasyzdar.
Al saǵat 12:00-de «Antıkontrafakt» IX halyqaralyq forýmy uıymdastyrylady. Іs-shara ónerkisiptiń ónimderdiń zańsyz aınalymyna, kontrafaktilik jáne jalǵan taýarlardyń taralýyna baılanysty problemaǵa arnalǵan. Іs-shara elordanyń Máńgilik el dańǵyly boıyndaǵy 57A úıde ornalasqan Ulttyq zııatkerlik menshik ınstıtýtynda ótedi.
Sondaı-aq saǵat 12:30-da QR Prezıdenti janyndaǵy Ortalyq kommýnıkatsııalar qyzmetinde «2021 jylǵy kúzgi áskerge shaqyrý naýqanyn uıymdastyrý týraly» taqyrybynda baspasóz máslıhaty bolady. Іs-shara barysynda QR QK BSh Uıymdastyrý jumyldyrý jumystar departamentiniń bastyǵy Sáken Júsipov, QR QK BSh Uıymdastyrý jumyldyrý jumystar departamentiniń baǵyt aǵa ofıtseri Rýslan Tapashev kópshilikti tolǵandyrǵan saýaldarǵa jaýap beredi.
Saǵat 17:00-de «Astana Opera» sahnasynda BAQ ókilderine arnalǵan is-shara uıymdastyrylady. Ol Abaı atyndaǵy Abaı atyndaǵy qazaq memlekettik akademııalyq opera jáne balet teatrynyń gastroline arnalady.
