26 sýretshi robot baıqaýǵa qatysyp jatyr

ASTANA. QazAqparat - RobotArt sýretshi robottardyń alǵashqy baıqaýynda 100 myń dollar báıge úshin 26 robot saıysyp jatyr, dep jazdy The Guardian basylymy. 18 sáýirde ashyq daýys berý bastaldy, jeńimpazdar 15 mamyrda anyqtalady.

Sharany uıymdastyrýshy Endrıý Konrýdyń aıtýyna qaraǵanda, baıqaý maqsaty - stýdentterdi shyǵarmashylyqqa shabyttandyryp, nazarlaryn tehnologııalarǵa aýdartý.

Qatysýshylardyń biri - Konstantsskıı ýnıversıtetiniń (Germanııa) professory Olıver Doısen qurastyrǵan bir qoly ǵana bar e-David roboty. Oǵan paıdalanýǵa bes qylqalam, 24 tústi boıaý men óz jumystaryn túsirýge arnalǵan fotoapparat berilgen. E-David boıaýlardy ózi tańdaıdy.

Kelesi sýretshi Van Arman robotynyń salǵan portretteriniń quny 100 - 2000 dollar shamasynda. Ol barlyǵy myńǵa jýyq týyndy salǵan. Robottyń portretti salýyna 12-den 24 saǵatqa deıin ýaqyt ketetinine qaramastan, oǵan óz beınesin saldyrýǵa yqylastylar kóptigi sonshalyqty, kezek jarty jylǵa sozylyp ketken.

Qalǵan robottardyń sýretteri satylmaıdy, deıdi sharany uıymdastyrýshy Endrıý Konrý. Alaıda robottardyń sýretteri naǵyz ónerge aınalyp bara jatyr, olar salǵan kartınany satyp alatyndar da bar eken.