Naızaǵaı, jańbyr, +42°S ystyq: birqatar óńirde daýyldy eskertý jarııalandy
ASTANA. KAZINFORM — 26 shildede Qazaqstannyń birqatar óńirlerinde daýyldy eskertý jarııalandy. Sınoptıkterdiń boljamynsha, eldiń kóptegen aımaqtarynda naızaǵaı oınap, nóser jańbyr jaýady, burshaq túsedi, ekpindi jel soǵyp, shańdy daýyl kóteriledi. Sonymen qatar aptap ystyq saqtalyp, birqatar óńirde órt qaýpiniń deńgeıi óte joǵary bolady.
Jetisý oblysynda oblystyń shyǵysynda, ońtústiginde jáne taýly aımaqtarynda ótkinshi jańbyr men naızaǵaı kútiledi. Kúndiz taýly jerlerde qatty jańbyr jaýyp, burshaq túsýi múmkin. Jeldiń ekpini sekýndyna 15–20 metrge deıin jetedi.
Soltústik Qazaqstan oblysynda kúndiz oblystyń batysynda, soltústiginde jáne shyǵysynda jańbyr, naızaǵaı, burshaq jáne qatty jel kútiledi. Túnde jáne tańerteń keı jerlerde tuman túsedi, al kúndiz shyǵysynda shańdy daýyl bolýy yqtımal. Jeldiń jyldamdyǵy 15–20 m/s, keı jerlerde ekpini 23 m/s-qa deıin kúsheıedi. Oblystyń batysy men ońtústiginde órt qaýpi joǵary deńgeıde saqtalady. Petropavl qalasynda túnde jáne tańerteń tuman túsip, kúndiz jańbyr, naızaǵaı, burshaq jáne qatty jel kútiledi.
Abaı oblysynda oblystyń soltústiginde, ońtústiginde jáne ortalyǵynda jańbyr men naızaǵaı bolady. Kúndiz burshaq jaýyp, ekpindi jel soǵýy múmkin. Túnde jáne tańerteń oblystyń ortalyǵynda tuman kútiledi. Jeldiń jyldamdyǵy 15–20 m/s, kúndiz ekpini 23 m/s-qa deıin jetedi. Oblystyń soltústik-shyǵysy men ońtústiginde tótenshe órt qaýpi saqtalady. Semeı qalasynda túnde jańbyr men naızaǵaı kútiledi. Kúndiz jeldiń ekpini 15–18 m/s bolady.
Shyǵys Qazaqstan oblysynda túnde oblystyń soltústiginde, shyǵysynda jáne ońtústiginde jańbyr men naızaǵaı, keı jerlerde qatty jańbyr jaýady. Kúndiz soltústik pen shyǵysta nóser jańbyr, burshaq jáne qatty jel kútiledi. Túnde jáne tańerteń soltústikte tuman bolýy múmkin. Jeldiń jyldamdyǵy kúndiz 15–20 m/s-qa deıin jetedi. Oblystyń ońtústiginde órt qaýpi joǵary, al ońtústik-shyǵysy men ortalyǵynda tótenshe deńgeıde saqtalady. Óskemen qalasynda túnde jáne tańerteń jańbyr men naızaǵaı kútiledi. Kúndiz jeldiń ekpini 15–18 m/s bolady.
Almaty qalasynda ótkinshi jańbyr men naızaǵaı kútiledi. Qalada tótenshe órt qaýpi saqtalady. Іle Alataýynyń taýly aımaqtarynda kúndiz qatty jańbyr jaýyp, burshaq túsip, jeldiń ekpini 15–20 m/s-qa deıin kúsheıýi múmkin.
Almaty oblysynda oblystyń ońtústigi men taýly aımaqtarynda ótkinshi jańbyr men naızaǵaı, ortalyǵynda azdaǵan jańbyr kútiledi. Taýly óńirlerde kúndiz qatty jańbyr men burshaq bolýy múmkin. Jeldiń ekpini 15–20 m/s. Kúndiz aýa temperatýrasy +35°S-qa deıin kóterilip, aptap ystyq bolady. Oblystyń soltústiginde, batysynda, ońtústiginde jáne ortalyǵynda tótenshe órt qaýpi, al shyǵysynda joǵary órt qaýpi saqtalady. Qonaev qalasynda túnde jáne tańerteń azdaǵan jańbyr men naızaǵaı kútiledi. Kúndiz +35°S ystyq bolyp, tótenshe órt qaýpi saqtalady.
Jambyl oblysynda taýly aımaqtarda ótkinshi jańbyr men naızaǵaı kútiledi. Jeldiń jyldamdyǵy 15–20 m/s, kúndiz ekpini 23 m/s-qa deıin jetedi. Oblys boıynsha tótenshe órt qaýpi saqtalady, al shyǵysy men ońtústiginde órt qaýpi joǵary deńgeıde bolady. Taraz qalasynda kúndiz jeldiń ekpini 15–20 m/s-qa deıin kúsheıedi.
Atyraý oblysynda jeldiń ekpini 15–18 m/s-qa deıin jetedi. Atyraý qalasynda da kúndiz jel kúsheıedi.
Aqmola oblysynda oblystyń batysy men soltústiginde jańbyr, naızaǵaı, kúndiz burshaq pen qatty jel kútiledi. Túnde jáne tańerteń keı jerlerde tuman bolady. Jeldiń jyldamdyǵy 15–20 m/s. Oblystyń batysy men ońtústiginde aýa temperatýrasy +35°S-qa deıin kóterilip, aptap ystyq bolady. Batysynda joǵary, al ońtústik-batysynda tótenshe órt qaýpi saqtalady. Kókshetaý qalasynda kúndiz jańbyr jaýyp, naızaǵaı oınaıdy. Jeldiń ekpini 15–20 m/s bolady.
Shymkent qalasynda kúndiz soltústik-shyǵystan soqqan jeldiń ekpini 15–20 m/s-qa deıin kúsheıedi.
Túrkistan oblysynda taýly aımaqtarda ótkinshi jańbyr, naızaǵaı, burshaq jáne qatty jel kútiledi, al oblystyń soltústiginde shańdy daýyl bolýy múmkin. Jeldiń ekpini 15–20 m/s. Kúndiz aýa temperatýrasy +40…+41°S-qa deıin kóterilip, aptap ystyq bolady. Oblystyń soltústiginde, ońtústiginde jáne ortalyǵynda tótenshe órt qaýpi saqtalady. Túrkistan qalasynda kúndiz jeldiń ekpini 15–20 m/s-qa deıin kúsheıedi.
Batys Qazaqstan oblysynda kúndiz oblystyń batysy men ońtústiginde shańdy daýyl kútiledi. Jeldiń jyldamdyǵy 15–20 m/s, keı jerlerde ekpini 25 m/s-qa deıin jetedi. 26–27 shilde kúnderi oblystyń soltústik-batysynda, ońtústiginde jáne ońtústik-shyǵysynda joǵary, al batysynda tótenshe órt qaýpi boljanyp otyr.
Aqtaý qalasynda kúndiz jeldiń jyldamdyǵy 15 m/s-qa deıin jetedi. Aýa temperatýrasy +38…+39°S bolady.
Ulytaý oblysynda jeldiń ekpini 15–18 m/s-qa deıin kúsheıedi. Kúndiz aýa temperatýrasy +35…+38°S-qa deıin kóterilip, aptap ystyq bolady. Oblystyń ońtústigi men shyǵysynda tótenshe órt qaýpi saqtalady. Jezqazǵan qalasynda kúndiz +35°S ystyq kútiledi.
Qaraǵandy oblysynyń shyǵysy men ońtústiginde tótenshe órt qaýpi saqtalady.
Pavlodar oblysynda oblystyń soltústigi men shyǵysynda jańbyr, naızaǵaı, kúndiz burshaq jáne qatty jel kútiledi. Jeldiń ekpini 15–20 m/s. Oblystyń shyǵysynda tótenshe órt qaýpi saqtalady. Pavlodar qalasynda kúndiz jańbyr, naızaǵaı jáne burshaq kútiledi.
Qyzylorda oblysynda kúndiz oblystyń soltústiginde, ońtústiginde jáne ortalyǵynda shańdy daýyl kóterilýi múmkin. Jeldiń ekpini 15–20 m/s. Aýa temperatýrasy +40…+42°S-qa deıin kóterilip, aptap ystyq bolady. Oblys boıynsha tótenshe órt qaýpi saqtalady. Qyzylorda qalasynda kúndiz +40…+41°S ystyq kútiledi, tótenshe órt qaýpi saqtalady.
Eske sala keteıik, buǵan deıin Mańǵystaýda aýa temperatýrasy +47 gradýsqa deıin kóteriletinin jazdyq.
