26 shilde. Tulǵalar týǵan kún
Búgin, 26 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
68 jyl buryn (1957) qazaqtyń memleket qaıratkeri, Zyrıan aýdanynyń qurmetti azamaty Ermak Bıdahmetuly SÁLІMOV dúnıege keldi.
1981 jyly Qazaq polıtehnıkalyq ınstıtýtyn, 2001 jyly Qazaq memlekettik zań akademııasyn bitirgen.
Eńbek joly: 1985-1987 jyldary bas ınjenerdiń qaýipsizdik jónindegi orynbasary, «Ertis» kenishiniń № 3 jerasty taý-ken ýchaskesiniń bastyǵy, 1987-1989 jyldary «Ertis» kenishi partııa bıýrosynyń hatshysy, 1989-1994 jyldary Shyǵys Qazaqstan oblysy Glýbokovskıı aýdany Ertis polımetall kombınaty Ertis kenishiniń No3 jerasty taý-ken ýchaskesiniń bastyǵy, 1994-1996 jyldary Shyǵys Qazaqstan oblysy Glýbokovo ákimshiligi basshysynyń birinshi orynbasary, 1996-1997 jyldary Shyǵys Qazaqstan oblysy Glýbokovskıı aýdany «Ertis polımetall kombınaty» aktsıonerlik qoǵamynyń senimdi basqarýshysy, 1997-1999 jyldary Shyǵys Qazaqstan oblysy Glýbokovskıı aýdany ákiminiń orynbasary, 1999-2000 jyldary Shyǵys Qazaqstan oblysy Glýbokovskıı aýdany «Ertis mys qorytý zaýyty» JShS, «Ertis taý-ken baıytý kombınaty» JShS bankrottyq jónindegi menedjeri, 2001-2008 jyldary Shyǵys Qazaqstan oblysy Glýbokovskıı aýdany ákiminiń orynbasary, 2008-2009 jyldary Shyǵys Qazaqstan oblysynyń kásipkerlik jáne ónerkásip basqarmasynyń basshysy, 2009 jyly Shyǵys Qazaqstan oblysynyń Rıdder qalasynyń ákimi, 2010-2015 jyldary Shyǵys Qazaqstan oblysy Zyrıan aýdanynyń ákimi, 2015-2021 jyldary Semeı qalasynyń ákimi boldy.
40 jyl buryn (1985) Qazaqstan Respýblıkasy Ortalyq saılaý komıssııasynyń múshesi Lázzat Keńesqyzy SÚIІNDІK dúnıege keldi.
Qostanaı oblysy Rýdnyı qalasynda týǵan. 2007 jyly L. N. Gýmılev atyndaǵy Eýrazııa ulttyq ýnıversıtetin, 2009 jyly Qaztutynýodaǵy Qaraǵandy ekonomıkalyq ýnıversıtetin, 2015 jyly Ulybrıtanııanyń Sheffıld ýnıversıtetin (magıstratýra) bitirgen.
Eńbek jolyn 2005 jylyAstana qalasy ákimdiginiń ishki saıasat bóliminiń sarapshysy bolyp bastaǵan. 2008-2010 jyldary QR Aqparat jáne mádenıet mınıstrliginiń bas sarapshysy, 2010-2016 jyldary QR Aqparat jáne baılanys mınıstrligi Aqparat jáne muraǵattar komıteti elektrondyq BAQ basqarmasynyń bastyǵy, 2016-2019 jyldary QR Aqparat jáne kommýnıkatsııalar mınıstrligi Aqparat komıteti tóraǵasynyń orynbasary, 2019-2021 jyldary QR Aqparat jáne qoǵamdyq kelisim mınıstrligi Aqparat komıtetiniń tóraıymy, 2021-2022 jyldary «Habar» Agenttigi» AQ Basqarma tóraǵasynyń orynbasary qyzmetinde boldy. 2022-2024 jyldary bıznes-qurylymdarda jumys istedi.
Qazirgi qyzmetin 2024 jylǵy qarashadan bastap atqaryp keledi.
89 jyl buryn (1936-2021) belgili ǵalym, eńbek sińirgen oftalmolog, Qazaqstan oftalmologııalyq mektebiniń negizin salýshylardyń biri Janar Ǵabıdenqyzy MUSTAFINA dúnıege keldi.
Novosıbırsk qalasynda týǵan. 1960 jyly Molotov atyndaǵy Almaty memlekettik medıtsına ınstıtýtyn bitirgen, dáriger-oftalmolog.
Eńbek joly: Qazaq kóz aýrýlary ǵylymı-zertteý ınstıtýtynda kishi, aǵa ǵylymı qyzmetker, dırektordyń ǵylym jónindegi orynbasary (1960-2003); Qazaq kóz aýrýlary ǵylymı-zertteý ınstıtýtynyń dırektory, Almaty memlekettik medıtsına ınstıtýtynyń kóz aýrýlary kafedrasynyń meńgerýshisi, TMD-daǵy tuńǵysh «Oftalmologııa» oqý-ádistemelik, ǵylymı-óndiristik birlestiginiń meńgerýshisi (1987-2001); Asfendııarov atyndaǵy Qazaq ulttyq medıtsına ýnıversıtetiniń tárbıe isi jónindegi prorektory, rektordyń keńesshisi, professor (2003 jyldan); bas oftalmolog, Respýblıkalyq oftalmologtar ǵylymı qoǵamynyń tóraıymy, dıssertatsııalyq keńestiń tóraıymy bolǵan.
300-den astam ǵylymı maqalanyń, onyń ishinde alty monografııanyń, ádistemelik usynystar, oqýlyqtar, sózdikter, Qazaqstan men Reseıdegi 50-den astam ónertabys pen patentterdiń avtory. Mustafına jetekshiligimen 20 kandıdattyq jáne doktorlyq dıssertatsııalar qorǵaldy.
«Qurmet belgisi» (1976), «Parasat» (1998), Ave Vıtae ordenderimen, «Eren eńbegi úshin» (KSRO), «Eńbek ardageri» (KSRO) medaldarymen, Qazaq KSR Joǵarǵy Keńesi Prezıdıýmynyń Qurmet gramotalarymen (1966, 1983); «KSRO densaýlyq saqtaý úzdigi», «Altyn dáriger» tósbelgilerimen marapattalǵan.
75 jyl buryn (1950-2023) «Dos-Muqasan» tobynyń ánshisi Aqjol Nusqabekuly MEIІRBEKOV dúnıege keldi.
Ońtústik Qazaqstan (Túrkistan) oblysy, Arys qalasynda týǵan. Shymkent qalasyndaǵy Q.Sypataev atyndaǵy orta mektepti bitirgen; Ózbekstannyń Namangan qalasyndaǵy mýzyka mektebi; Tashkent aýylsharýashylyq ınstıtýtynda agronom mamandyǵy boıynsha bitirgen.
Eńbek joly: 1978 jyly ataqty «Dosmuqasan» ansambline qabyldandy. 1979 jyly «Qazaqkontsert» shyǵarmashylyq birlestiginiń múshesi, 1978-1985 jyldary «Dos-Muqasan» ansambliniń ánshisi boldy, 1985-1994 jyldary Almaty oblystyq fılarmonııasynyń «Arqas», «Sazgen», «Adyrna» ansamblderinde án shyrqady. 1994-1996 jyldary «Gúlder» ansambliniń kórkemdik jetekshisi jáne jetekshisi boldy, 2001 jyly «Aqjol» án teatryn qurdy, 2010 jyly «Dosmuqasan» ansambliniń solısi boldy.
2023 jyldyń 25 qarashasynda uzaqqa sozylǵan aýrýdan keıin dúnıeden ótti.
72 jyl buryn (1953-2025) Qazaqstan Respýblıkasynyń eńbek sińirgen jattyqtyrýshysy, boksshy Gennadıı Golovkınniń tálimgeri Vıktor Konstantınovıch DMITRIEV dúnıege keldi.
Qaraǵandy qalasynda týǵan. Qaraǵandy taý-ken kolledjin, Qaraǵandy pedagogıkalyq ınstıtýtyn «Dene shynyqtyrý» mamandyǵy boıynsha bitirgen.
Eńbek joly: Kostenko atyndaǵy shahtada kenshi; «Eńbek rezervteri» qoǵamynda, Qaraǵandy qalasynyń ártúrli sport uıymdarynda jumys istegen; bokstan oblystyq mamandandyrylǵan balalar-jasóspirimder olımpıadalyq rezerv mektebiniń jattyqtyrýshysy.
Ol kásipqoı boksshy, IBF, WBA jáne IBO tujyrymdary boıynsha álem chempıony Gennadıı Golovkındi, sondaı-aq Qazaqstan Respýblıkasynyń 10 sport sheberin, 20 sport sheberine úmitkerdi, respýblıkalyq jáne halyqaralyq týrnırlerdiń jeńimpazdaryn daıyndady.