26 shilde: Týǵan kún ıeleri

NUR-SULTAN. QazAqparat – QazAqparat 26 shildege arnalǵan «Týǵan kún ıeleri» kúntizbesin usynady.

ESІMDER

65 jyl buryn (1954) Qazaqstan Fýtbol federatsııasynyń prezıdenti Ádilbek Ryskeldiuly JAQSYBEKOV dúnıege keldi.

Qostanaı oblysy, Qarabalyq aýdanynyń Bórili aýylynda týǵan.

1977 jyly Búkilodaqtyq memlekettik kınematografııa ınstıtýtynyń (Máskeý qalasy) ekonomıka fakýltetin bitirgen, 1987 jyly Plehanov atyndaǵy Máskeý halyq sharýashylyǵy ınstıtýtynda «materıaldyq-tehnıkalyq jabdyqtaýdy uıymdastyrýshy» mamandyǵy boıynsha qaıta daıarlaýdan ótti. Ekonomıka ǵylymdarynyń kandıdaty.

Qazaq KSR Memkıno jáne Memjabdyqtaý júıesinde jumys istedi, birqatar kásiporyndardy basqarǵan.

1988-1995 jyldary «Tsesna» kópsalaly korporatsııasyn basqardy.

1995 jyly Qazaqstan Respýblıkasy Parlamentiniń Senatyna saılandy.

1996 jyly – Aqmola oblysy ákiminiń birinshi orynbasary.

1997-2003 jyldary – Astana qalasynyń ákimi.

2003-2004 jyldary – Qazaqstan Respýblıkasynyń Indýstrııa jáne saýda mınıstri.

2004-2008 jyldary – Qazaqstan Respýblıkasy Prezıdenti Ákimshiliginiń Basshysy.

2008 jylǵy qańtar men qazan aralyǵynda – «Nur Otan» halyqtyq-demokratııalyq partııasy tóraǵasynyń birinshi orynbasary – Qazaqstan Respýblıkasy Prezıdentiniń keńesshisi.

2008-2009 jyldary – Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi.

2009-2014 jyldary – Qazaqstan Respýblıkasynyń Qorǵanys mınıstri.

2014 jylǵy sáýir men qazan aralyǵynda – Qazaqstan Respýblıkasynyń Memlekettik hatshysy.

2014-2016 jyldary – Astana qalasynyń ákimi.

2016-2018 jyldary Qazaqstan Respýblıkasy Prezıdenti Ákimshiliginiń Basshysy.

2018 jylǵy qyrkúıekten «Tsesna» korporatsııasy» AQ dırektorlar keńesiniń tóraǵasy.

Qazirgi qyzmetin 2018 jylǵy aqpan aıynan beri atqaryp keledi.

Qazaqstan Respýblıkasy Memlekettik syılyǵynyń laýreaty.

«Qazaqstan Respýblıkasynyń Tuńǵysh Prezıdenti Nursultan Nazarbaev», I, II jáne III dárejeli «Barys», III dárejeli «knıaz ıAroslav Mýdryı» (Ýkraına) ordenderimen jáne medaldarmen nagradtalǵan.

Tótenshe jáne Ókiletti Elshi dıplomatııalyq dárejesine ıe.

34 jyl buryn (1985) Qazaqstan Respýblıkasy Aqparat jáne qoǵamdyq damý mınıstrliginiń Aqparat komıtetiniń tóraǵasy Lázzat Keńesqyzy SÚIІNDІK dúnıege kelgen.

L.N. Gýmılev atyndaǵy Eýrazııa ulttyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin, Ulybrıtanııanyń Sheffıld ýnıversıtetin («Bolashaq» baǵdarlamasynyń túlegi, óner magıstri) bitirgen.

Eńbek joly: Qazaqstan Respýblıkasy Jastar Kongresi qoǵammen baılanys bóliminiń menedjeri (2005); «Parasat» aqparattyq-taldaý ortalyǵy birikken qoǵamynyń bas mamany (2005-2006); Astana qalasy ákimdigi Іshki saıasat departamenti Aqparattyq saıasat jáne BAQ monıtorıngi bóliminiń sarapshysy (2006-2008); Mádenıet jáne aqparat mınıstrliginde ártúrli laýazymdarda qyzmet atqarǵan (2008-2014); Qazaqstan Respýblıkasy Investıtsııalar men damý mınıstrligi Baılanys, aqparattandyrý jáne aqparat komıteti Elektrondyq BAQ basqarmasynyń basshysy (2014-2016); Qazaqstan Respýblıkasy Aqparat jáne kommýnıkatsııalar mınıstrligi Aqparat komıteti tóraǵasynyń (2016-2018) orynbasary.

Qazirgi laýazymyn atqarýǵa 2019 jylǵy mamyr aıynda kiristi.