26 sáýirden bastap «ASHYQ» qosymshasy barlyq oblysta keń qoldanylady
NUR-SULTAN. QazAqparat – 26 sáýirden bastap «ASHYQ» qosymshasyn barlyq oblystar keń kólemde qoldanyla bastaıdy. Bul týraly Aqordada Prezıdent Qasym-Jomart Toqaev Premer-Mınıstr Asqar Mamın men Densaýlyq saqtaý mınıstri Alekseı Tsoıdy qabyldaǵan kezde aıtyldy, dep habarlaıdy QazAqparat.
Qasym-Jomart Toqaevqa halyqqa ekpe egýge qatysty qabyldanyp jatqan sharalar jaıynda aıtyldy. Asqar Mamınniń aıtýynsha, sáýirden bastap aı saıyn 2 mıllıon adamǵa vaktsına salý josparlanyp otyr.
Prezıdentke otandyq QAZVAC vaktsınasynyń óńirlerge jetkizilýi jaıynda aqparat berildi. Premer-Mınıstr Qazaqstannyń COVID-19 indetine qarsy vaktsına shyǵarǵan on memlekettiń jáne óz ázirlemelerin tirkegen bes eldiń qataryna kirgenin aıtty. Sonymen qatar ol 26 sáýirden bastap «ASHYQ» qosymshasyn barlyq oblystar keń kólemde qoldanyla bastaıtynyn atap ótti. Bul «qyzyl» jáne «sary» aımaq kezinde ekonomıkanyń ártúrli sektorynyń qaýipsiz jumys isteýine múmkindik bermek.
