26 sáýirde elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 26 sáýir kúni elordada ótetin mańyzdy sharalar ańdatpasyn usynady.
10.00-de Úkimet úıinde kezekti Úkimet otyrysy ótedi. Kún tártibinde ımport almastyrýdy damytý, órt qaýpi bar kezeńge daıyndyq taqyryby qaralady.
15.00-de Nur-Sultan qalasynda «AMANAT» partııasynyń partııanyń kezekten tys XXIII Sezi ótedi. Shara barysynda «ADAL» saıası partııasynyń «AMANAT» partııasyna qosylýy máselesin qaraý josparlanyp otyr.
15.00-de QR Ulttyq akademııalyq kitaphanasynda geraldıkalyq zertteýler ortalyǵy jáne Eýrazııa ulttyq ýnıversıtetimen birlesip, Memlekettik rámizderdiń 30 jyldyǵyna oraı Eltańba avtory, professor, «Barys» ordeniniń ıegeri, sáýletshi Jandarbek Málibekulymen rýhanı-patrıottyq kezdesý ótkizedi.
19.00-de Discovery Space kovorkıng-ortalyǵynda «Mama, men tirimin» kórkem fılminiń jabyq kórsetilimi ótedi.
19.00-de Q. Qýanyshbaev atyndaǵy Memlekettik akademııalyq qazaq mýzykalyq drama teatrynda «Qorǵansyzdyń kúni» dramasy qoıylady.
19.00-de Jastar teatrynda «Ómir» dramasy kórsetiledi.
