26 sáýir men 25 mamyr aralyǵynda respýblıkada «Nazar aýdaryńyz - baǵdarsham!» aılyǵy ótedi
ASTANA. 25 sáýir. QazAqparat - Balalar jol-kólik jaraqatynyń aldyn alý jáne jol qozǵalysyna kámeletke tolmaǵan qatysýshylarǵa júrgizýshilerdiń nazaryn aýdarý maqsatynda aǵymdaǵy jyldyń 26 sáýiri men 25 mamyry aralyǵynda Іshki ister mınıstrligi respýblıkalyq «Nazar aýdaryńyz - baǵdarsham!» aılyǵyn ótkizedi.
Bul aqparatty QR ІІM Jol polıtsııasy komıtetiniń baspasóz qyzmeti taratyp otyr.
Aktsııa ótkizý kezinde jol polıtsııasynyń beketteri men marshrýttary oqý mekemelerine jaqyn ornalasatyn bolady.
Іs-shara aıasynda jol polıtsııasy qyzmetkerleri balalar men jasóspirimder arasynda jolda qaýipsiz júrý bilimin nyǵaıtý maqsatynda mektepterde taqyryptyq sabaqtar ótkizedi. Qaýipsizdik sharalaryn saqtaý jóninde kólik quraldarynyń júrgizýshilerimen jeke áńgimeler júrgizetin bolady.
Aktsııa barysynda mektep oqýshylarynyń arasynda sýretter, plakattar, komıkster, fotojumystar konkýrsyn jáne «Jol jáne biz» taqyrybyna shyǵarmalar baıqaýyn ótkizý josparlanýda. Múddeli uıymdarmen birlesip, balalardyń qatysýymen bolatyn jol-kólik oqıǵalaryn eskertý jóninde úgit -nasıhat quraldaryn daıyndaý jáne halyq arasynda olardy taratý jumystary júrgiziledi.
