26 sáýir: QazAqparat kúntizbesi
ATAÝLY KÚNDER
Halyqaralyq zııatkerlik menshik kúni
1970 jyldyń 26 sáýiri kúni Dúnıejúzilik zııatkerlik menshik uıymynyń (DZMU) Konventsııasy kúshine endi. 2000 jyly qyrkúıek aıynda DZMU-ǵa múshe-elder bul kúndi Halyqaralyq zııatkerlik menshik kúni retinde jarııalady. Bul - bilimniń barlyq salasyndaǵy ónertapqysh jáne shyǵarmashyl adamdardyń merekesi.
Radıatsııalyq apat qurbandaryn eske alý kúni
1986 jyly 26 sáýirde Chernobyl atom elektr stansasynda apat boldy. ChAES atomdyq reaktory tolyǵymen búlinip, qorshaǵan ortaǵa radıoaktıvti zattar tarady. Radıatsııa Ýkraına men Reseı, Belarýs memleketi men Eýropanyń birqatar elderine tarap ketti. Apat ornynan 30 shaqyrym qashyqtyq túgeldeı ýlandy.
2003 jyly ótken TMD sammıtinde Ýkraına prezıdenti Leonıd Kýchma TMD elderine 26 sáýirdi Halyqaralyq radıatsıalyq apattar qurbandaryn eske alý kúni dep jarııalaý jóninde usynys tastady. Ótken jyldar ishinde apattyń joıqyn saldaryn eńserý úshin kóp kúsh-jiger jumsaldy. Apat saldaryn joıýǵa Qazaqstannan 30 myń adam qatysty. Qazirgi tańda olardyń shamamen 6 myńǵa jýyǵynyń kózi tiri.
ESTE QALAR OQIǴALAR
1994 jyly Qazaqstan men Qytaı Halyq Respýblıkasy arasynda Qazaqstan-Qytaı shekarasy týraly kelisimge qol qoıyldy.
1995 jyly Qazaqstan Respýblıkasynyń Prezıdenti birinshi ret «Altyn alqa» belgisin tabys etti. Orden statýsyna ıe «Altyn alqa» belgisi 1993 jyly bekitilgen. Kópbalaly analarǵa beriledi.
1996 jyly Qazaqstan, Qyrǵyzstan, Qytaı, Reseı jáne Tájikstan memleketteriniń prezıdentteri Shanhaı kelisimine qol qoıdy.
1997 jyly QR Prezıdenti N.Á.Nazarbaev respýblıkanyń banknot fabrıkasy men Memlekettik qundylyqtardy saqtaý qoımasyna bardy. Memleket basshysy jańa qazaqstandyq banknotalardyń eksperımenttik shyǵarylýyn tamashalap, eldiń altyn-valıýtalyq qorlarynyń qoımasyn qarap shyqty.
2000 jyly Almatyda Davos aıasyndaǵy Eýrazııalyq ekonomıkalyq sammıt ashyldy. Basqosýǵa álemniń 37 elinen 500-deı saıası basshy, jetekshi bıznesmender men halyqaralyq sarapshylar qatysty. Forýmda Qazaqstan, Grýzııa, Qyrǵyzstan Prezıdentteri, Ázerbaıjannyń premer-mınıstri sóz sóıledi.
2002 jyly Qazaqstan Respýblıkasy Prezıdentiniń №853 Jarlyǵymen «Aqtaý teńiz porty» erkin ekonomıkalyq aımaǵy quryldy.
2009 jyly Almatyda Chernobyl atom elektr stantsııasyndaǵy apat qaldyqtaryn joıǵan qazaqstandyq jaýyngerlerge arnalǵan granıtten jasalǵan eskertkish taqta ornatyldy.
2010 jyly Ammanda Astanada Iordanııanyń Saýda damytý ortalyǵyn ashý týraly qujattarǵa qol qoıý rásimi ótti.
Ortalyqty ashý týraly sheshim ekijaqty ekonomıkalyq yntymaqtastyqty ári qaraı tereńdetý jáne ekonomıkalyq-saýda qatynastaryn nyǵaıtý maqsatynda qabyldanǵan bolatyn.
2010 jyly «Kaspıı» Áleýmettik-kásipkerlik korporatsııasy» Ulttyq kompanııasy» AQ quramynan «Atyraý» Áleýmettik-kásipkerlik korporatsııasy» Ulttyq kompanııasy» AQ bólinip shyqty. Kompanııanyń negizgi maqsaty Atyraý oblysyn damytýǵa ekonomıkalyq qoldaý kórsetý.
2013 jyly Nıý-Iorkte Qazaqstan Respýblıkasy men Gvıneıa-Bısaý Respýblıkasynyń BUU janyndaǵy turaqty ókilderi deńgeıinde birlesken Kommıýnıkege qol qoıý arqyly eki el arasynda dıplomatııalyq qatynastar ornatyldy
2015 jyly Qazaqstan Prezıdentiniń kezekten tys saılaýy ótti. Saılaýda Elbasy Nursultan Ábishuly Nazarbaev jeńiske jetti.
2015 jyldyń aqpan aıynda Qazaqstan halqy Assambleıasy Keńesiniń músheleri Qazaqstan Respýblıkasy Prezıdentiniń merziminen buryn saılaýyn ótkizý týraly bastama kóterip, Májilis depýtattaryna júgindi. Ótinishte «álemdik ekonomıkalyq daǵdarys jaǵdaıynda kúrdeli halyqaralyq kún tártibiniń aldynda jalpyulttyq bastama arqyly saılaýdy ótkizý - ýaqyt talaby» ekendigi aıtylǵan.
2016 jyly Qazaqstan halqy Assambleıasy keńesiniń «Táýelsizdik. Kelisim. Bolashaǵy birtutas ult» atty XXIV sessııasynda «Máńgilik El» patrıottyq aktisi qabyldandy.
2016 jyly Tómengi Saksonııada Qazaqstannyń qurmetti konsýldyǵy ashyldy. Qurmetti konsýl laýazymyna Germanııanyń aldyńǵy qatarly kásipkerleriniń biri Gıýnter Papenbýrg taǵaıyndaldy.
2016 jyly Pragada Qazaqstan Respýblıkasynyń Chehııadaǵy elshiligi Islam Yntymaqtastyq uıymyna múshe elderdiń Chehııada akkredıtatsııadan ótken dıplomatııalyq korpýstary uıymdastyrǵan «Oıý-órnekter» kórmesine qatysyp, qazaq halqynyń ulttyq kıimderin, turmystyq buıymdaryn kórsetti.
2017 jyly Qazaqstan Respýblıkasy Ulttyq qaýipsizdik komıtetiniń qurylǵanyna 25 jyl tolýyna oraı «Qazaqstan Respýblıkasynyń Ulttyq qaýipsizdik komıtetine 25 jyl» medali men «Qazaqstan Respýblıkasynyń Ulttyq qaýipsizdik komıteti» mereıtoılyq belgisi bekitildi.
2017 jyly Qazaqstan Aqordada Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý jónindegi ulttyq komıssııanyń alǵashqy otyrysy ótti. Otyrysta Ulttyq komıssııanyń maqsat-mindetteri belgilenip, Elbasynyń «Bolashaqqa baǵdar: rýhanı jańǵyrý» maqalasynda aıtylǵan baǵyttardy iske asyrý jaıy sóz boldy.
2017 jyly Saýd Arabııasynyń astanasynda «Nursultan Nazarbaev. Ómirbaıan» kitaby tanystyryldy. Onyń avtory - Prezıdent keńsesiniń basshysy, belgili pýblıtsıst Mahmut Qasymbekov. Nursultan Nazarbaev. Ómirbaıan» kitabyn arab tiline aýdarý ıdeıasyn Ár-Rııad Koroli Feısal atyndaǵy Islam zertteý ortalyǵy usyndy.
2017 jyly Almatydaǵy Chaıkovskıı atyndaǵy mýzykalyq kolledjdiń Úlken kontsert zalyna KSRO Halyq ártisi, Sotsıalıstik Eńbek Eri Ermek Serkebaevtyń esimi berildi. Mundaı bastamany kolledj dırektory Birjan Hasanǵalıev kótergen bolatyn.