26 ret jol qozǵalysy erejesin buzǵan áıel Brıanskide júrginshini qaǵyp ketti
ASTANA. QazAqparat - Reseıdegi Brıansk qalasynyń Keńes aýdanynda birneshe ret jol qozǵalysy erejesin buzǵan, al sońǵysynda júrginshini qaǵyp ketken áıel ustaldy.
Oqıǵa 27 aqpanda Obezdnoı kóshesinde oryn alǵany habarlanady. Sol kúni 47 jastaǵy áıel Toyota Avensis markaly kólikpen kele jatyp júrginshiler jolynan ótip kele jatqan 37 jastaǵy áıeldi qaǵyp ketti.
Jambas súıegi synǵan, basy jaraqattanǵan áıel aýrýhanaǵa jetkizildi.
Atap ótsek, kináli júrgizýshi 26 ret jol qozǵalysy erejesin buzǵany úshin, negizinen jyldamdyqty asyrý boıynsha jazalanǵan.
Quqyq qorǵaý organdary oqıǵanyń mán-jaıyn anyqtaýda, dep habarlaıdy informing.ru.
