26 naýryzdan bastap Qazaqstanda memlekettik qyzmettiń jańa modeli iske qosylady

Bul týraly búgin Astanada BAQ ókilderine QR Prezıdenti Ákimshiligi basshysynyń orynbasary Ǵabıdolla Ábdirahymov málim etti.

Onyń atap ótýinshe, elimizde ákimshilik reforma júrgizý aıasynda birqatar mańyzdy sharalar qabyldanady. Olar 2 baǵytta atqarylady. Birinshi baǵytta memlekettik qyzmet salasy odan ary jetildirilse, ekinshi baǵytta ózin-ózi basqarý salasynda mańyzdy qadamdar jasalady.

«26 naýryzdan bastap «Memlekettik qyzmet týraly» Zańǵa engizilgen ózgertýler men tolyqtyrýlar kúshine enýine baılanysty bizde memlekettik qyzmettiń jańa modeli jumys isteı bastaıdy. ıAǵnı, memlekettik qyzmet jańa júıege kóshedi»,- dedi ol.

Sonymen qatar Ǵ.Ábdirahymovtyń sózine qaraǵanda, memlekettik qyzmetkerlerdiń quqyǵy turǵysynan alyp qaraǵanda da birqatar ózgerister oryn alady. Máselen, memlekettik qyzmetshiler sanatyna A korpýsy qosylady.

«A korpýsyna mınıstrlikterdegi qazirgi jumys jasap jatqan jaýapty hatshylar, komıtet tóraǵalary, al jergilikti basqarý organdarynan aýdan ákimderi kiretin bolady. Barlyǵy A korpýsyna 400 laýazymdy adam kiredi. Olardyń máselesin Ulttyq kadr komıssııasy qaraıdy», - dedi ol.

Onyń aıtýynsha, qazirgi ýaqytqa A korpýyna kiretin laýazymdy qyzmetkerlerge arnalǵan test baǵdarlamasyn Memlekettik qyzmet isteri agenttigi daıyndaýda. Olar test tapsyrǵannan keıin Ulttyq kadr komıssııasynan suhbattasýdan ótedi. Osydan keıin árbir úmitkerdiń qandaı laýazymdy qyzmetke baratyndyǵy sheshiledi.