26 naýryzda respýblıkanyń basym aýmaǵynda boran, kóktaıǵaq bolyp, jel kúsheıedi dep kútilýde
ASTANA. QazAqparat - Qazaqstannyń basym aýmaǵynda aýa raıy qubylmaly bolady, keı jerlerde jaýyn-shashyn, kóktaıǵaq, daýyl soǵyp, jel kúsheıedi. Ońtústikte, batystyń keı jerlerinde, ońtústik-batys pen ońtústik-shyǵysta jaýyn-shashyn bolmaıdy.
Bul týraly Qazgıdromet habarlady.
Aqmola oblysynyń basym bóliginde jel jyldamdyǵy 15-20, keı jerlerde 23 m/s, keı jerlerde kóktaıǵaq bolady.
Ońtústik Qazaqstan, Qyzylorda, Mańǵystaý, Atyraý, túnde Almaty, kúndiz Aqtóbe oblystarynda keı jerlerde tuman bolady dep kútilýde.
Jambyl oblysynyń keı jerlerinde túnde tuman bolyp, kúndiz 15-20 m/s jyldamdyǵymen jel soǵady.
Batys Qazaqstan, Shyǵys Qazaqstan oblystarynyń birqatar jerlerinde tuman túsip, kóktaıǵaq bolady, jeldiń kúshi 15-20 m/s bolady.
Qostanaı oblysynda jel 15-20 m/s kúsheıip, keı jerlerde burqasyn, tuman bolady.
Soltústik Qazaqstan oblysynyń basym bóliginde jel jyldamdyǵy 15-20, keı jerlerde 23 m/s jetedi, keı jerlerinde tuman, kóktaıǵaq bolyp, daýyl soǵady.
Pavlodar oblysynyń keı jerlerinde jel jyldamdyǵy 15-20 m/s kúsheıedi.
Qaraǵandy oblysynyń keı jerlerinde tuman, kóktaıǵaq bolyp, kúndiz jel jyldamdyǵy 15-20 m/s jetýi yqtımal.
