26 NAÝRYZ. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

26 NAÝRYZ, SÁRSENBІ

Bangladesh Halyq Respýblıkasynyń ulttyq meıramy - Táýelsizdik kúni. 1971 jylǵy naýryzdyń 26-da azattyq qozǵalysynyń basshysy Mýdjıbýr Sheıh Táýelsiz Bangladesh Respýblıkasynyń qurylǵany týraly Deklaratsııa jarııalady. Pákistan úkimeti 1974 jyly Bangladesh táýelsizdigin moıyndady. Bangladesh - Ońtústik Azııada ornalasqan memleket. Astanasy - Dakka qalasy. Memlekettik tili - bengal tili. Aqsha birligi - taka. Qazaqstan Respýblıkasy men Bangladesh Halyq Respýblıkasy arasyndaǵy dıplomatııalyq qarym-qatynas 1992 jylǵy aqpannyń 4-de ornatyldy.

Ýkraınanyń ІІM ishki áskeriniń kúni. Ýkraınanyń Joǵarǵy Radasy «Ýkraınanyń Іshki Іster Mınıstrliginiń ishki áskeri týraly» Zańyn qabyldaǵan kúnnen bastap jyl saıyn atalyp ótedi.

ESTE QALAR OQIǴALAR

7 7 jyl buryn (1937) 1936 jyly jeltoqsannyń 5-degi KSRO-nyń jańa Konstıtýtsııasy qabyldanýyna jáne Qazaq Avtonomııaly KSR-niń Qazaq KSR odaqtas respýblıka bolyp qaıta qurylýyna oraı Qazaqstan Keńesteriniń tótenshe X sezi ótip, Qazaq KSR-niń jańa Konstıtýtsııasy qabyldandy.

2 3 jyl buryn (1993) Qyzylorda qalasynda Aral teńizi problemalary boıynsha memleketaralyq kelisimge qol qoıyldy. Kelisimge Qazaqstan, Qyrǵyzstan, Tájikstan, Ózbekstan Respýblıkalarynyń Prezıdentteri qol qoıdy. Kelisimniń arnaıy baptarynda Aral teńizi aıdynyndaǵy ekologııalyq daǵdarysqa baılanysty negizgi máseleler naqty qaraldy. Apattyń aldyn alýǵa, qorshaǵan ortany saýyqtyrýǵa jáne Aral aımaǵynyń áleýmettik-ekonomıkalyq damýyn qamtamasyz etetin, densaýlyq saqtaý, t.b. sharalarǵa tikeleı nazar aýdaryldy. Kelisimdi oryndaýdyń alǵysharty retinde Halyqaralyq Aral qory, Aral teńizi máseleleri jónindegi memleketaralyq keńes qurylyp, olardyń uıymdyq máseleleri sheshildi.

2 2 jyl buryn (1992) QR Prezıdenti N.Nazarbaevtyń uıytqysymen Qazaqstan temir joldarynyń qarjy operatory retinde «Temirbank» AAQ-y quryldy. Quryltaıshylar qataryna 20 iri memlekettik kásiporyn kirdi.

1 3 jyl buryn (2001) Atyraýda Kaspıı qubyr jelisi konsortsıýmyn munaımen toltyrý rásimi ótti.

9 jyl buryn (2005) Almatyda «LG Electronics Qazaqstan» kompanııasynyń demeýshiligimen koreı fılmderiniń festıvali ótti.

6 jyl buryn (2008) Almatyda Ózbekáli Jánibekov atyndaǵy kósheniń ashylý rásimi ótti. Novaıa kóshesine Ózbekáli Jánibekovtiń esimin berý týraly sheshimdi Almaty ákimi men qalalyq máslıhat shyǵardy.

Ózbekáli Jánibekov (1931-1998) - memlekettik qaıratker, etnograf, tarıh ǵylymdarynyń kandıdaty. Qazaqtyń Abaı atyndaǵy pedagogıkalyq ınstıtýtyn (qazirgi Abaı atyndaǵy Almaty memlekettik ýnıversıteti) bitirgen.

Qazaqstan LKJO Ortalyq Komıtetiniń birinshi hatshysy, Qazaqstan Kompartııasy Torǵaı oblystyq komıtetiniń hatshysy, Qazaqstan Kompartııasy Ortalyq Komıtetiniń sheteldermen baılanys bóliminiń meńgerýshisi, Qazaqstan mádenıet mınıstriniń orynbasary, Qazaqstan mádenıet mınıstri, Qazaqstan Kompartııasy Ortalyq Komıtetiniń hatshysy boldy.

Ulttyq mádenıettiń, ana tiliniń, qazaq halqy dástúrleriniń órkendeýi men damýyna úlken úles qosty. HH ǵasyrdyń 70-shi jyldary Ahmet ıAssaýıdiń kesenesin qaıta qalpyna keltirýdiń bastamashysy boldy. Qazaqstan mádenıet mınıstri, Qazaqstan Kompartııasy Ortalyq Komıtetiniń hatshysy bolǵan kezde Shyǵys Qazaqstan oblystyq etnografııalyq murajaıynyń damýyna aıtarlyqtaı úles qosqan.

Eki márte Eńbek Qyzyl Tý ordenimen nagradtaldy.

5 jyl buryn (2009) Memleket basshysy Nursultan Nazarbaev «Birikken Ulttar Uıymynyń Klımattyń ózgerýi týraly negizdemelik konventsııasynyń Kıoto hattamasyn ratıfıkatsııalaý týraly» Qazaqstan Respýblıkasynyń Zańyna qol qoıdy.

5 jyl buryn (2009) Almatyda «Dinmuhamed Qonaev» atty Qazaqstan Respýblıkasyna keńes jyldarynda basshylyq etken ataqty memleket jáne qoǵam qaıratkeri týraly fotoalbom jaryq kórdi.

Kitapta Dinmuhamed Qonaevtiń (1912-1993) ómiri men taǵdyryn beıneleıtin jastyq shaǵynan ómiriniń sońǵy kúnderine deıingi sýretteri jınalǵan. Tanymal saıasatkerdiń sýretterin Memlekettik kınofotoqujattar jáne dybys baspalarynyń ortalyq muraǵaty, D.Qonaevtiń úı-murajaıy, týǵan-týystary, áriptesteri jáne dostary berdi.

Kóptegen sýretter birinshi ret jarııalanyp tur. Fotoalbomnyń negizin 1992 jyly Almatyda basyp shyǵarylǵan D.Qonaevtiń «O moem vremenı» atty kitabynan alynǵan úzindiler quraıdy. Fotoalbom óziniń mazmunymen ǵana emes, sonymen qatar kólemimen de tań qaldyrady. Ol 600 bettik kitap A3 formatynda jasalǵan, qabyn bylǵarydan órnektep altynmen jazǵan. Bir kitaptiń salmaǵy - 8,5 kg. Jobanyń bastaýshysy jáne bastyrýshysy - Vagıf Gadjıev, qurastyrýshy - Murat Mýsın. Fotoalbom 2012 jylǵy qańtarda toılanǵan Dinmuhamed Qonaevtiń 100 jyldyq mereıtoıyna arnalǵan.

4 jyl buryn (2010) Astananyń sol jaǵalaýynda onkologııalyq jáne basqa da syrqattardy erte kezeńde anyqtaýǵa múmkindik beretin Pozıtrondy-emmısıondyq tomograf ortalyǵy ashyldy.

Pozıtrondy-emmısıondyq tomograf sáýleler arqyly ishki aǵzalardyń sýretin ǵana emes, sonymen qatar olardyń fýnkıonaldyq jumysyn kórýge múmkindik beredi. PET-tiń basty ereksheligi, onkologııalyq jáne basqa da aýrýlardy, olardyń klınıkalyq belgileri kórinbeı turǵan kezde anyqtaı alady.

Pozıtrondy-emmısıondyq tomograf ıadrolyq dıagnostıkanyń bul túriniń dárigerler men naýqastardyń aǵzasyna esh qaýpi joq. ıAdrolyq medıtsına ortalyǵy kepildendirilgen tegin medıtsınalyq kómek sheńberinde aqysyz, sondaı-aq taıaý jáne alys shet elderden kelgen naýqastarǵa aqyly negizde qyzmet kórsetetin bolady.

ESІMDER

12 4 jyl buryn (1890-1954) halyq aqyny, ánshi, kompozıtor, Qazaqstannyń eńbek sińirgen óner qaıratkeri BEKEJANOV Nartaı dúnıege keldi.

Qyzylorda oblysy Shıeli aýdanynda týǵan.

Áleýmettik mazmundaǵy óleń-tolǵaýlarymen («Sarań baıǵa», «Myrzalyq emes», «Jesir daýy», «Bir qoıshyǵa», «Súıinshi», «Syr», «Aq altyndy aımaǵym», «Kolhozshylarǵa», «Muzbalaqtar») Syr boıyna jas kezinen tanymal bolady.

Búkilodaqtyq aýyl sharýashylyq kórmesiniń ashylý qurmetine arnalǵan etnografııalyq kontsertke, qazaq ádebıeti men óneriniń onkúndigine, respýblıkalyq aqyndar aıtystaryna qatysqan Uly Otan soǵysy jyldarynda arnaýly kontserttik brıgada uıymdastyryp, halyqtyń rýhyn kóterýge belsene at salysty.

Bekejanov syrnaımen, dombyramen án, terme, tolǵaý, jyr aıtý, aıtys dástúrin damytqan, óziniń biregeı án-jyr mektebin qalyptastyrǵan sazger, aqyn, halyq ánderin jáne óz ánderin oryndaý sheberligimen qazaq óneriniń tarıhynda qalǵan. Onyń «Tolqyn», «Nartaı sazy», «Ahaý, jalǵan», «Nartaıdyń áni», t.b. ánderi ulttyq án óneriniń altyn qoryna qosyldy. Shyǵarmalary «Dombyra sazy», «Óleńderi men aıtystary», «Ósıet», «Amanat» degen atpen jeke kitap bolyp jaryq kórdi.

«Qurmet belgisi» ordenimen, medaldarmen marapattalǵan. Qyzylorda oblysynyń qazaq drama teatryna Bekejanov esimi berilgen. Osy oblystyń Shıeli aýdanynda Bekejanov aýyly bar.

11 1 jyl buryn (1903-1986) bıologııa ǵylymynyń doktory, professor, Qazaqstan Ǵylym akademııasynyń korrespondent múshesi, Qazaqstannyń eńbek sińirgen ǵylym qaıratkeri ÝDOLЬSKAıA Nadejda Lvovna dúnıege keldi.

Reseıde týǵan. Irkýtsk ınstıtýtyn bitirgen. 1937-1938 jyldary - Qazaq eginshilik ǵylymı-zertteý ınstıtýtynyń aǵa ǵylymı qyzmetkeri, bólim meńgerýshisi. 1938-1954 jyldary - Almaty selektsııa stansasy dırektorynyń ǵylymı jumystar jónindegi orynbasary. 1954 jyldan Qazaq memlekettik ýnıversıtetiniń dotsenti, professory bolǵan. Negizgi ǵylymı eńbekteri ósimdikter fızıologııasyna arnalǵan. Ósimdikterdiń qýańshylyqqa tózimdiliginiń jańa teorııasynyń negizin qalyptastyrǵan. Ol bıdaı men suly sorttarynyń mıneraldy tyńaıtqysh sińýi nátıjesinde qansha qosymsha ónim beretinin anyqtaǵan. Jazdyq bıdaıdyń 4 sortyn shyǵarǵan.

«Lenın», «Eńbek Qyzyl Tý» ordenderimen, medaldarmen marapattalǵan.

10 8 jyl buryn (1906-1983) geolog-ǵalym, geologııa-mıneralogııa ǵylymdarynyń doktory, Qazaqstannyń eńbek sińirgen geolog-barlaýshysy, Qazaq KSR Memlekettik syılyǵynyń laýreaty BESPALOV Venıamın Fedorovıch dúnıege keldi.

RF-nyń Syzran qalasynda týǵan. Qazaq ken-metallýrgııa ınstıtýtyn bitirgen. Uly Otan soǵysyna qatysqan. 1928-1931 jyldary - Lenıngrad qalasyndaǵy Geologııalyq kartalar ınstıtýtynyń kishi ǵylymı qyzmetkeri. 1931-1941 jyldary - Qazaqstannyń Ortalyq jáne Ońtústik geologııalyq-túsirý partııasynyń bastyǵy. 1943-1955 jyldary - Qazaqstannyń, Ońtústik Qazaqstannyń geologııalyq-túsirý, izdestirý partııalarynda qyzmetter atqardy. 1955-1968 jyldary - S.Kırov atyndaǵy Qazaq memlekettik ýnıversıtetiniń, Qazaq polıtehnıkalyq ınstıtýtynyń dotsenti, 1968-1983 jyldary - Qazaq KSR-i Ǵylym akademııasy geologııalyq ǵylymy ınstıtýtynyń Tektonıka sektorynyń jetekshisi qyzmetterin atqarǵan. Ǵylymı eńbekteri aımaqtyń geologııa men tehtonıka máselelerine arnalǵan. Ol Ortalyq Qazaqstandaǵy prekembrıı men tómengi paleozoı qurylymdarynyń ara jigin kórsetti, birinshi volframıt ken ornyn ashqan. Sondaı-aq Qazaqstannyń kóptegen aımaqtarynyń geologııalyq kartalarynyń avtory jáne redaktory boldy. «Djýngaro-Balhashskaıa gertsınskaıa geologıcheskaıa provıntsııa. Voprosy geologıı Azıı», «Geologıcheskaıa karta Kazahskoı Sovetskoı Sotsıalıstıcheskoı Respýblıkı ı prılegaıýşıh terrıtorıı soıýznyh respýblık», «Geologıcheskoe stroenıe Kazahskoı SSR» atty shyǵarmalary jaryq korgen.

Eńbek Qyzyl Tý ordenimen jáne medaldarmen marapattalǵan.

91 jyl buryn (1923-1989) dıktor, Qazaqstannyń halyq ártisi, Uly Otan soǵysynyń ardageri BAIJANBAEV Ánýarbek Nyǵmetjanuly dúnıege keldi.

Semeı qalasynda týǵan. 1944 jyly soǵystan oralǵannan keıin, Qazaq radıosyna dıktor bolyp ornalasqan. Alǵash efırge shaǵyn habarlandyrý oqýdan bastap, ómiriniń sońyna deıin Qazaq radıosynda, teledıdarynda dıktor, aǵa dıktor qyzmetterin atqarǵan. Efır arqyly berilgen respýblıkanyń tynys tirshiligi jaıly ártúrli jańalyqtar, saıası habarlar uzaq jyldar boıy myńdaǵan tyńdaýshylarǵa Á.Baıjanbaevtyń ashyq ta áýezdi, keń tynysty únimen jetti. Ol turǵan úıge memorıaldyq taqta ornatylǵan.

1-shi dárejeli «Otan soǵysy» ordenimen marapattalǵan.

6 6 jyl buryn (1948) QR Parlamenti Senatynyń depýtaty, Áleýmettik-mádenı damý komıtetiniń hatshysy VALIEV Hýsaın Hasenuly dúnıege keldi.

Qostanaı oblysynan saılanǵan Qazaqstan Respýblıkasy Parlamenti Senatynyń depýtaty. Qazaq polıtehnıkalyq ınstıtýtyn bitirgen. Injener-metallýrg, t.ǵ.d., professor, fılosofııa doktory (PhD). A.Baıtursynov atyndaǵy Qostanaı memlekettik ýnıversıtetiniń rektory bolyp qyzmet atqarǵan. «Qurmet» ordenimen, TMD PAA keńesiniń Qurmet gramotasymen, toǵyz medalmen marapattalǵan. Qazaqstan Respýblıkasy Prezıdentiniń Alǵysymen kótermelengen. Qazaqstan Respýblıkasy bilim berý isiniń qurmetti qyzmetkeri.

60 jyl buryn (1954) ónertanýshy, ónertaný ǵylymynyń doktory, Halyqaralyq kórkemóner synshylary qaýymdastyǵynyń múshesi ERǴALIEVA Raıhan Ábdeshqyzy dúnıege keldi.

Óskemen qalasynda týǵan. Lenıngradtyń (qazirgi Sankt-Peterbor) Keskindeme, músin jáne sáýlet ınstıtýtyn, Ádebıet jáne óner ınstıtýtynyń aspırantýrasyn bitirgen. Onyń kóptegen ǵylymı zertteýleri respýblıkalyq jáne shet elderde jaryq kórgen ujymdyq jınaqtarda, kitaptar men katalogtarda, jýrnaldar men gazetterde jarııalandy. R.Erǵalıeva - Qazaqstan jáne Ortalyq Azııanyń beıneleý óneri týraly monografııalyq eńbek pen júzge tarta maqalalardyń avtory.

5 1 jyl buryn (1963) QR Parlamenti Senatynyń depýtaty, Ekonomıkalyq damý jáne kásipkerlik komıtetiniń hatshysy EŃSEGENOV Sársenbaı Qurmanuly dúnıege keldi.

Atyraý oblysynan saılanǵan Qazaqstan Respýblıkasy Parlamenti Senatynyń depýtaty. Gýrev pedagogıka ınstıtýtyn, ál-Farabı atyndaǵy Qazaq memlekettik Ulttyq ýnıversıtetin bitirgen. Tarıh, qoǵamtaný jáne sovet quqyqtaný pánderiniń oqytýshysy, zańger. Atyraý oblysy ákiminiń birinshi orynbasary bolyp qyzmet atqarǵan. «Qurmet» ordenimen, tórt medalmen marapattalǵan.

49 jyl buryn (1965) QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi BEKENOV Ashat Sahıbedenuly dúnıege keldi. Atyraý oblysynda týǵan. Qazaq polıtehnıkalyq ınstıtýtyn bitirgen. Instıtýtty bitirgennen keıin Gýrev qalasynyń Petrovskıı atyndaǵy zaýytynyń ınjener-tehnology, qurastyrý ýchaskesiniń sheberi bolyp jumys istedi. 1987-1990 jj. Gýrev qalasynda Petrovskıı atyndaǵy zaýytta komsomol uıymynyń hatshysy bolyp jumys istedi. 1990-1993 jj. - Gýrev aýyl sharýashylyǵy synaq stantsııasy mashına-traktor sheberhanasynyń meńgerýshisi. 1993-1995 jj. - «Qoja» shaǵyn kásipornynyń dırektory. 1995-1996 jj. - Atyraý qalasynyń oblystyq aýyl sharýashylyǵy basqarmasy marketıngtik qyzmet jáne ınvestıtsııalyq saıasat bóliminiń bas mamany. 1996-2000 jj. - Atyraý qalasyndaǵy «Dana» JShS dırektory. 2000-2006 jj. - Atyraý qalasyndaǵy «Dana SaýdaÚıiniń» dırektory. 2006-2007 jj. - Atyraý oblysy Jylyoı aýdany Saryqamys kentiniń ákimi, Atyraý qalasy ákiminiń orynbasary, Atyraý oblysy Jylyoı aýdanynyń ákimi. 2007-2011 jj. - tórtinshi saılanǵan Qazaqstan Respýblıkasy Parlamenti Májilisiniń depýtaty. 2012 jylǵy qańtardan bastap - besinshi saılanǵan Qazaqstan Respýblıkasy Parlamenti Májilisiniń depýtaty. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan.

«Qurmet» ordenimen marapattalǵan.

4 8 jyl buryn (1966) Astana qalasy ákimniń orynbasary HOROShÝN Sergeı Mıhaıluly dúnıege keldi. Soltústik Qazaqstan oblysy Jambyl aýdanynda týǵan. Tselınograd ınjenerlik-qurylys ınstıtýtyn bitirgen.

1984-1986 jyldary - KSRO Qarýly kúshter qatarynda qyzmette bolǵan. 1990-1995 jyldary - «Tselınogradjılstroı» óndiristik qurylys uıymynda, 1995-1998 jyldary - Tselına temirjol basqarmasynda, 1998-2000 jyldary - «Qalalyq kommýnaldy qojalyq» MKK KQB-nyń bólim bastyǵy, bastyǵynyń orynbasary. 2000-2005 jyldary - Kommýnaldy qojalyq departamentiniń dırektory. 2005-2006 jyldary Astana qalasy Energetıka jáne kommýnaldy qojalyq departamentiniń dırektory qyzmetterin atqarǵan.

2006 jyldan bastap - qazirgi qyzmetinde.

«Qurmet» ordenimen jáne medaldarmen marapattalǵan.

40 jyl buryn (1974) QR Aýyl sharýashylyǵy vıtse-mınıstri ÓMІRIıAEV Músilim Taıyruly dúnıege keldi.

Jambyl qalasynda týǵan. 1995 jyly Máskeý tutyný kooperatsııasy ýnıversıtetin bitirdi, mamandyǵy - álemdik ekonomıka, ekonomıka ǵylymdarynyń kandıdaty. Ýnıversıttetti bitirgen soń «Turanbank» aktsıonerlik bankiniń syrtqy ekonomıkalyq qyzmetti uıymdastyrý basqarmasynda halyqaralyq baılanystar bóliminiń ekonomısi boldy. 1995-1996 jyldary - Máskeýde (RF) «Test-marka» JShS qarjyger-taldamashysy. 1996-2000 jyldary «Rýsskıe fermy» halyqaralyq qory bas dırektorynyń qoǵammen baılanys jónindegi kómekshisi, bas dırektordyń orynbasary (qarjy menedjeri), korporatıvtik qarjy menedjeri, qarjy dırektory. 2000-2005 jyldary - «Dmıtrovskoe selo» JShQ bas dırektory. 2006-2008 jyldary - QR Prezıdenti Іs basqarmasynyń Prezıdent Ákimshiligi men Úkimettiń ákimshilik ǵımarattary dırektsııasy» RMKK dırektory. 2008-2009 jyldary- QR Prezıdenti Іs basqarýshysynyń orynbasary. 2009-2010 jyldary - QR Premer-Mınıstriniń keńesshisi. 2010-2011 jyldary - «Azyq-túlik kelisim-shart korporatsııasy» AQ basqarma tóraǵasynyń orynbasary. Qazirgi qyzmetinde - 2011 jylǵy qyrkúıekten beri. «Nur Otan» HDP múshesi.

55 jyl buryn (1959) «Delta Bank» AQ basqarýshy dırektory ESENOV Sultanbek Shahmardanuly dúnıege keldi.

Jezqazǵan qalasynda týǵan. V.I.Lenın atyndaǵy Qazaq polıtehnıkalyq ınstıtýtyn bitirgen, ken ınjeneri-geolog. 1981-1984 jyldary - Ońtústik Qazaqstan óndiristik-geologııalyq birlestiginiń ınjener-geology. 1984-1989 jyldary - Almaty qalasy ishki ister basqarmasynda ishki ister organdarynda qyzmette boldy. 1989-1990 jyldary - «Altek» GHO jetekshi ınjeneri. 1990-1991 jyldary - «Qazaqstanstroı» kúrdeli qurylys bóliminiń bastyǵy. 1991-1992 jyldary - QR ekologııalyq jańǵyrtý halyqaralyq konsortsıýmynyń dırektory. 1992-1993 jyldary - «PromstroıQazaqstan - kommertsııa» fırmasy bas dırektorynyń orynbasary. 1993-1997 jyldary - «Butya» avtoortalyǵynyń dırektory. 1997-1998 jyldary - QR Bas kólik ınspektorynyń orynbasary. 1999 jylǵy qańtar-qyrkúıek aılarynda - QR Kólik, kommýnıkatsııa jáne týrızm mınıstrliginde kólik baqylaýy komıtetiniń tóraǵasy. 1999 jyly qyrkúıek-qarasha aılarynda - QR Premer-Mınıstri Keńesesiniń «Qarý-Jaraq» RMK bas dırektorynyń orynbasary. 1999-2001 jyldary - QR Tabıǵı monopolııalardy retteý, shaǵyn bıznestiń básekege qabilettiligin qorǵaý jáne qoldaý agenttiginiń baqylaý-ınspektorlyq basqarmasynyń bastyǵy. 2001-2003 jyldary - «Qazaeronavıgatsııa» RMK bas dırektorynyń birinshi orynbasary. 2003 jyldan - «Almaty halyqaralyq áýejaıy» AQ birinshi vıtse-prezıdenti, «SAT Airlines» AQ bas dırektory, «Atyraýbalyq» AQ basqarma tóraǵasy, «Shýgar Prodakshn LTD» JShS dırektory. 2009 jylǵy sáýiárden - «Almaty qant» AQ dırektorlar keńesiniń tóraǵasy. Qazirgi qyzmetinde - 2011 jyldan beri.

63 jyl buryn (1951) keńestik jáne reseılik teatr jáne kıno akteri, Reseı halyq ártisi Alekseı BÝLDAKOV dúnıege keldi.

2 9 jyl buryn (1985) brıtan aktrısasy Kıra NAITLI dúnıege keldi.

7 6 jyl buryn (1938) keńestik jáne reseılik teatr jáne kıno akteri, RSFSR halyq ártisi Alekseı PETRENKO dúnıege keldi.