26 naýryzdan bastap qandaı salyq esepteri qabyldanbaıdy

ASTANA. KAZINFORM — Memlekettik kirister komıteti «Salyq eseptiligin óńdeý servısteri» aqparattyq júıesi men Salyq tóleýshiniń eski kabınetiniń tolyq óshirilýine baılanysty salyq eseptiligi nysandaryn kezeń-kezeńimen óshirý josparlanǵan. 

1. 2026 jylǵy 26 naýryzdan bastap SEÓS-de jáne eski STK-de kelesi SEN-dary óshiriledi: 
1) 200.00 SEN – Jeke tabys salyǵy jáne áleýmettik salyq boıynsha deklaratsııa;
2) 200.03 SEN – Qurylymdyq bólimsheleri boıynsha jeke tabys salyǵy jáne áleýmettik salyq boıynsha deklaratsııaǵa qosymsha;
3) 300.00 SEN – Qosylǵan qun salyǵy boıynsha deklaratsııa;
4) 400.00 SEN – Aktsız boıynsha deklaratsııa;
5) 421.00 SEN – Qurylymdyq bólimshe nemese salyq salýǵa baılanysty obektiler úshin aktsız esebiniń nysany;
6) 860.00 – SEN – Jer ústi kózderiniń sý resýrstaryn paıdalanǵany úshin tólemaqy boıynsha deklaratsııa;
7) 870.00 SEN – Qorshaǵan ortaǵa teris áseri úshin tólemaqy boıynsha deklaratsııa;
8) 910 SEN – Shaǵyn bıznes sýbektileri úshin ońaılatylǵan deklaratsııa.

2. 2026 jylǵy 2 sáýirden bastap SEÓS-de jáne eski STK-de kelesi SEN-dary óshiriledi: 

1) 220.00 SEN –Jeke tabys salyǵy boıynsha deklaratsııa; 
2) 328.00 SEN – Taýarlardy ákelý jáne janama salyqtardy tóleý týraly ótinish;
3) 700.00 SEN – Kólik quraly salyǵy, jer salyǵy men múlik salyǵy boıynsha deklaratsııa;
4) 920.00 SEN – Biryńǵaı jer salyǵyn tóleýshilerge arnalǵan deklaratsııa. 

Esepterdi tapsyrý kezinde qıyndyq týyndamas úshin salyq tóleýshiler jańa qyzmetke aldyn ala aýysýy kerek.

Aıta ketelik elektrondyq shot-faktýralar men salyq tóleý tártibinde jeńildikter engizildi.