26 naýryzda aýa raıy qandaı bolady

ASTANA.KAZINFORM -  Qazgıdromet Qazaqstan aýmaǵyndaǵy jalpy aýa raıy boljamyn jarııalady.

Sınoptıkterdiń boljamy boıynsha, beısenbi, 26 naýryzda elimizdiń basym bóliginde kún jaýyn-shashynsyz bolady.

Tek eldiń batysynda atmosferalyq fronttardyń áserinen naızaǵaı oınap, jańbyr jaýady. Al respýblıkanyń qıyr soltústiginde jaýyn-shashyn jaýady.

Sonymen qatar respýblıka boıynsha tuman túsedi. Soltústik pen shyǵysta kóktaıǵaq bolady. Al batys, ońtústik, ońtústik-shyǵys jáne ortalyq óńirlerde jel kúsheıedi.

Buǵan deıin 25 naýryzda eldegi qaı joldar ashyq, qaısysy jabyq ekenin jazǵan bolatynbyz.

Qazgıdromet 25 naýryzda elimizdiń birneshe óńirinde aýa raıyna baılanysty eskertý jasaǵan bolatyn.