2,6 mlrd teńge: Aqtóbe oblysynda bıýdjet qarajaty negizsiz jumsalmaq bolǵan
Aqtóbe prokýrorlary bıýdjet qarajatyn jumsaý salasynda taldaý júrgizý kezinde memlekettik satyp alý týraly zańnamany óreskel buzǵandardy anyqtady, dep habarlaıdy Kazinform.
Oblystyq prokýratýranyń málimetinshe, Aqtóbe qalasy men aýdandardyń jergilikti atqarýshy organdary biliktilik talaptaryn buza otyryp, 2 mlrd teńgeden astam somaǵa memlekettik satyp alýdy júzege asyrǵan.
Mysaly, qurylys-montaj jumystaryn júrgizýge memlekettik satyp alý boıynsha jobalaý-smetalyq qujattamada kózdelmegen jumystarǵa lıtsenzııa berý týraly talaptar negizsiz belgilengen.
Basqa jaǵdaıda Yrǵyz, Alǵa jáne Mártók aýdandarynyń ekonomıka jáne qarjy bóliminiń laýazymdy adamdary «Avtomobıl joldary týraly» zańnyń 14-babynyń talaptaryn buza otyryp, jalpy somasy 360 mln teńgege vedomstvolyq saraptamadan ótpeı, joldardy jóndeý boıynsha memlekettik satyp alý isin júrgizdi.
Bir kózden 296 mln teńge mólsherinde sharttardy zańsyz jasasýdyń 18 faktisi anyqtaldy.
«Qabyldanǵan prokýrorlyq qadaǵalaý sharalarmen bul satyp alýlar joıyldy. Nátıjesinde 2,6 mlrd teńge somasyna bıýdjet qarajatynyń jumsalýyna jol berilmedi», - dedi Aqtóbe oblysy prokýratýrasynan.
