26 maýsym. Týǵan kún ıeleri
ESІMDER
55 jyl buryn (1964) «Kazahstanskaıa pravda» respýblıkalyq gazetiniń bas redaktorynyń orynbasary Sábıt Ǵalymuly MALDYBAEV dúnıege keldi.
Soltústik Qazaqstan oblysynda týǵan. 1990 jyly Qostanaı pedagogıkalyq ınstıtýtyn fılolog mamandyǵy boıynsha bitirdi.
Eńbek joly: Sergeevskıı Mádenıet úıiniń basshysy (1980-1983 jj.); Qostanaı pedagogıkalyq ınstıtýtynda oqydy (1983-1985); Keńes Armııasy qyzmetinde (1985-1987); Qostanaı pedagogıkalyq ınstıtýtynda oqýyn jalǵastyrdy (1987-1990); Sergeevsk aýdandyq «Novator» gazetinde jýrnalıst, bólim meńgerýshisi, bas redaktorynyń orynbasary (1990-1998); Sergeevsk aýdandyq «Novator» gazetiniń bas redaktory (1998); «Keshki Astana» gazetiniń tilshisi, «Kazahstanskaıa pravda» gazetiniń bas redaktory, «Agrarlyq Qazaqstan» respýblıkalyq gazetiniń bas redaktorynyń orynbasary (1998-2000); Batys Qazaqstan oblystyq «Prıýrale» gazetiniń bas redaktory, Oral qalasy (2006-2008); arnaıy korrespondent, «Kazahstanskaıa pravda» AAQ-nyń ekonomıka bóliminiń redaktory (2008-2009); «Kazahstanskaıa pravda» gazetiniń bas redaktorynyń orynbasary (2009-2011); «Kazahstanskaıa pravda» respýblıkalyq gazetiniń redaktory (2011 jyldan bastap).
46 jyl buryn (1973) Qazaqstan Respýblıkasynyń Syrtqy ister mınıstrligi Investıtsııalar jónindegi komıtettiń tóraǵasy Baqyt Danabekuly BATYRShAEV dúnıege keldi.
Ońtústik Qazaqstan oblysynda dúnıege kelgen. 1995 jyly ál-Farabı atyndaǵy Qazaq ulttyq ýnıversıtetin támamdaǵan. QR Syrtqy ister mınıstrliginde eńbek etip, osy vedomstvonyń Azııa jáne Afrıka jónindegi departamentine basshylyq jasady (1995-1997); QR-dyń Mysyr Arab Respýblıkasyndaǵy elshiliginiń attashesi (1997-2001); QR SІM Ekijaqty qarym-qatynas departamentiniń ekinshi hatshysy (2001-2002); QR SІM Azııa, Taıaý Shyǵys jáne Afrıka departamentiniń ekinshi hatshysy (2002); QR-dyń Mysyr Arab Respýblıkasyndaǵy elshiliginiń úshinshi hatshysy, ekinshi hatshysy, birinshi hatshysy (2002-2005); QR SІM Azııa jáne Afrıka departamentiniń basqarma basshysy, dırektor orynbasary (2005-2009); QR-dyń Saýd Arabııasy Koroldigindegi elshiliginiń elshi-keńesshisi (2009-2010); QR-dyń Islam yntymaqtastyǵy uıymyndaǵy turaqty ókili (2010 jyldan bastap); QR-dyń Saýd Arabııasy Koroldigindegi tótenshe jáne ókiletti elshisi; QR-dyń Islam yntymaqtastyǵy uıymyndaǵy turaqty ókili (2013-2019)
Qazirgi qyzmetinde 2019 jyldyń sáýirinen.
45 jyl buryn (1974) Qostanaı oblysy ákiminiń áleýmettik máseleler jónindegi orynbasary Marat Qonysbaıuly JÚNDІBAEV dúnıege keldi.
Bilimi - joǵary. 1997 jyly A.Baıtursynov atyndaǵy Qostanaı memlekettik ýnıversıtetin tarıh mamandyǵy boıynsha, 2002 jyly Qazaq quqyqtaný jáne halyqaralyq qatynastar ınstıtýtyn quqyqtaný mamandyǵy boıynsha, 2009 jyly Halyqaralyq bıznes ýnıversıtetin «memlekettik jáne jergilikti basqarý» mamandyǵy boıynsha támamdaǵan. Saıası ǵylymdar kandıdaty. 2013 jyldyń aqpanynan Lısakovsk qalasynyń ákimi qyzmetin atqarǵan. Qazirgi qyzmetinde 2015 jyldyń qyrkúıeginen.