26 maýsym. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

26 maýsym, SEISENBІ

Madagaskar Respýblıkasynyń Ulttyq meıramy - Táýelsizdik kúni (1960). Bul el Úndi muhıtyndaǵy Madagaskar men oǵan jaqyn usaq araldarda ornalasqan. Ákimshilik jaǵynan 6 provıntsııaǵa bólinedi. Astanasy - Antananarıvý qalasy. Resmı tilderi malagasıı jáne frantsýz tilderi. Aqsha birligi - malagasıı franki. 1993 jyly qabyldanǵan Konstıtýtsııasy boıynsha eldi Prezıdent basqarady. Zań shyǵarýshy organy eki palataly parlament - Ultyq jınalys pen Senat.

Qazaqstan Respýblıkasy men Madagaskar Respýblıkasy arasyndaǵy dıplomatııalyq qarym-qatynas 1992 jylǵy sáýirdiń 10-da ornatyldy.

Nashaqorlyq  jáne esirtkiniń  zańsyz aınalymymen kúrestiń  halyqaralyq  kúni. Nashaqorlyqqa qarsy kúrestiń on jyldyǵy aıasynda, 1987 jyly qabyldanǵan BUU Bas Assambleıasynyń sheshimi boıynsha ótkizilip keledi.

Ótken jyly Qazaqstanda nashaqorlyqqa baılanysty 9 myńnan astam qylmys tirkelip, 20 tonnadan astam esirtki aınalymnan alynǵan. Jalpy ótken jyly sondaı-aq esirtkini mólsherden artyq qoldanǵan 211 adamnyń kóz jumǵany da anyqtalyp otyr. Qazaqstanda nashaqorlyq dertine shaldyqqan 52 myńnan astam adamnyń 60 paıyzy 30 jasqa deıingi azamattardan turady.

Birikken Ulttar Uıymynyń azaptaý qurbandaryna qoldaý kórsetýdiń halyqaralyq kúni. 1997 jylǵy maýsymnyń 26-da azaptaý jáne basqa da adamshylyqqa jat jazalaý túrlerine qarsy Konventsııa kúshine endi.

Ońtústik Afrıkanyń bostandyq úshin kúres kúni.

ESTE QALAR OQIǴALAR

20 jyl buryn (1992) Qazaqstan Respýblıkasynyń Halyqaralyq qarjy qoryna, Halyqaralyq qaıta qurý jáne damý bankine, Halyqaralyq qarjy korporatsııasyna jáne Halyqaralyq damý assotsıatsııasyna músheligi týraly zań qabyldandy.

20 jyl buryn (1992) «Qazaqstan» gazetiniń aǵylshyn tilindegi birinshi sany jaryq kórdi. Bas redaktory - Nurmahan Orazbekov.

16 jyl buryn (1996) Qazaqstannyń halyq jazýshysy, Qazaqstan Memlekettik syılyǵynyń, Dj. Nerý atyndaǵy syılyqtyń laýreaty Ánýar Álimjanovtyń Almaty qalasynda turǵan úıine eskertkish taqta ornatyldy.

16 jyl buryn (1996) Tegranda Iran radıosynyń Qazaq redaktsııasy resmı túrde jumys isteı bastady.

14 jyl buryn (1998) QR Prezıdenti N.Á.Nazarbaev «QR Ulttyq qaýipsizdik týraly» Zańǵa qol qoıdy.

3 jyl buryn (2009) Taldyqorǵanda «Ardager» klýbynyń jańa ǵımaratynyń tusaýkeser rásimi ótti.

Klýb eki jyl buryn Uly Otan soǵysy jáne eńbek ardagerleri úshin qurylǵan. «Ardager» óziniń birinshi kúngi qyzmetinen bastap jastardy áskerı-patrıottyq sezimge tárbıeleý, áskerı oqıǵalar merekelerine, oqý oryndaryndaǵy kezdesýlerge arnalǵan sharalardy ótkizedi.

6 jyl buryn (2006) Sultanmahmut Toraıǵyrov atyndaǵy Pavlodar memlekettik ýnıversıteti germandyq «Nıbelýngtar týraly jyr» epıkalyq týyndysyn qazaq tilinde basyp shyǵardy. Kitap 2004 jyldan beri ýnıversıtet qolǵa alǵan «Dala danalary» jobasy aıasynda jaryq kórip otyr. Ýnıversıtet ǵalymdary esimderi dala halyqtarynyń tarıhynda saqtalǵan ataqty kóshpeliler týraly qujattar men ańyz-jyrlardy jınaýmen aınalysady. Ejelgi germandyq «Nıbelýngtar týraly jyr» ańyzynyń keıipkerleriniń biri - ejelgi túrki mádenıetiniń ókili, ǵundardyń kóshbasshysy Attıla. Ǵun kóshbasshysynyń ómiri men qazasy týraly baıan etetin bul jyrda ejelgi túrki taıpalarynyń ádet-ǵuryptary, dinı rásimderi, salt-dástúrleri jarqyn kórsetilgen. Ortaǵasyrlyq eposty nemis tilinen qazaq tiline Sultanmahmut Toraıǵyrov atyndaǵy Pavlodar memlekettik ýnıversıtetiniń professory Aıjan Qalıeva men mádenıetaralyq kommýnıkatsııalar ǵylymı-tájirıbelik ortalyǵynyń ǵylymı qyzmetkeri Habdyhalel Maǵzumov aýdaryp shyqty.

ESІMDER

88 jyl buryn (1924-2010) geologııa-mıneralogııa ǵylymdarynyń doktory, professor, Aqtóbe qalasynyń qurmetti azamaty DALЬıAN Ivan Borısovıch dúnıege keldi.

Ýkraınada  týǵan. A.Gorkıı atyndaǵy Perm memlekettik ýnıversıtetin bitirgen. 1953 jyldan «Aqtóbe munaı-gaz geologııa» birlestigi Aqtóbe munaı men gaz geologııalyq barlaý ekspedıtstsııasynyń bólim bastyǵy bolyp istegen. 1964 jyldan «Aqtóbe munaı barlaý» tresiniń bólim bastyǵy, «Dúnıe» ýnıversıtetiniń kafedra meńgerýshisi qyzmetterin atqarǵan.

Ǵalymnyń negizgi ǵylymı eńbekteri munaı men gaz geologııasy, kaspıı mańy oıysynyń munaılylyǵy men gazdylyǵyna arnalǵan. Ol Aqjar, Jańajol, Keńqııaq, Bozoı, Qojasaı gaz kenderin ashýshylardyń biri. I.Dalıannyń 230-dan astam ǵylymı eńbegi, onyń ishinde 4 monografııasy jaryq kórgen.

«Qurmet» belgisi ordenimen, medaldarmen marapattalǵan. 

78 jyl buryn (1934) mılıtsııa general-maıory, ishki ister salasynyń eńbek sińirgen qyzmetkeri ISABAEV Ábdiqaıym Nurqauly dúnıege keldi.

Almaty oblysynyń Raıymbek aýdanynda týǵan. Qazaq polıtehnıkalyq ınstıtýtyn, KSRO Іshki ister mınıstrligi akademııasyn bitirgen. 1960-1985 jyldary - Almaty oblystyq ishki ister basqamrasynda, oblystyq eńbekpen tárbıeleý mekemesinde jaýapty qyzmetter atqarǵan. 1985-1989 jyldary - Semeı oblystyq ishki ister basqamrasynyń bastyǵy. 1989-1992 jyldary Qazaq KSR Іshki ister mınıstriniń orynbasary bolǵan. 1992 jyly zeınet demalysna shyqqan.

«Qyzyl Juldyz» ordenimen, medaldarmen marapattalǵan.

43 jyl buryn (1969) Pavlodar oblysy ákiminiń orynbasary ÁShІMBETOV Nurjan Kemeruly dúnıege keldi.

Pavlodar oblysynda týǵan. Almaty mal dárigerlik ınstıtýtyn, Almaty ekonomıka jáne statıstıka ınstıtýtyn bitirgen. 1993-1995 jyldary - Pavlodar memlekettik múlik jónindegi aýmaqtyq komıtetiniń mamany, bas mamany. 1995-1996 jyldary - «Carana» korporatsııasynyń konsýltanty. 1996-1997 jyldary - «Remek» konsaltıngtik fırmasynyń dırektory. 1998-1999 jyldar - «Kemer» agrofırmasynyń dırektory. 1999-2001 jyldary - Pavlodar oblysynyń Aqtoǵaı aýdany ákiminiń orynbasary. 2001-2006 jyldary - Pavlodar oblysy Lebıaji aýdanynyń ákimi. 2006 jyldan bastap Pavlodar oblystyq aýyl sharýashylyǵy departamentiniń dırektory bolǵan. 2008 jyldan -Qazaqstan Respýblıkasy Prezıdenti Ákimshiliginiń memlekettik ınspektory. Qazirgi qyzmetinde 2012 jyldyń aqpanynan.

188 jyl buryn (1824-1907) aǵylshynnyń asa kórnekti fızıgi, termodınamıkanyń negizin qalaýshylardyń biri TOMSON Ýılıam dúnıege keldi.

Ol 1892 jyly ǵylymǵa sińirgen eńbegi úshin lord Kelvın laýazymyna ıe boldy.

82 jyl buryn (1930-2010) Zań ǵylymdarynyń doktory, professor, Qazaqstan Respýblıkasynyń Ulttyq Ǵylym Akademııasynyń akademıgi, Qazaqstan Respýblıkasynyń eńbek sińirgen zańgeri, prokýratýra qyzmetkeri SAPARǴALIEV Ǵaırat Saparǵalıuly dúnıege keldi.

Shyǵys Qazaqstan oblysynda týǵan. Saratov zań ınstıtýtyn bitirgen.

1956-1992 jyldary - Qazaq KSR Ǵylym akademııasynyń qoǵamdyq ǵylymdar bólimshesiniń kishi ǵylymı qyzmetkeri, ǵylymı hatshysy, Fılosofııa jáne quqyq ınstıtýty dırektorynyń orynbasary, bólim meńgerýshisi. 1992-1994 jyldary - Abaı atyndaǵy Qazaq pedagogıkalyq ınstıtýty zań fakýltetiniń dekany. 1995-2008 jyldary - Qazaq gýmanıtarlyq zań ýnıversıteti Memleket jáne quqyq ınstıtýtynyń dırektory qyzmetterin atqarǵan.

Ǵaırat Saparǵalıev 1978 jylǵy Qazaq KSR Konstıtýtsııanyń, 1993 jáne 1995 jylǵy Qazaqstan Respýblıkasynyń Konstıtýtsııalardyń jobalaryn jasaýshylardyń biri, Qazaqstan Respýblıkasynyń kóptegen mańyzdy zańdaryn jazýǵa qatysqan. 2007 jylǵy 18 mamyrda Qazaqstan Respýblıkasy Parlamentimen qabyldanǵan «1995 jylǵy Qazaqstan Respýblıkasynyń Konstıtýtsııasyna ózgertýler jáne tolyqtyrýlar engizý týraly» zań jobasyn daıyndaý jumys tobynyń múshesi.

6 zań ǵylymdarynyń doktory men 40 astam zań ǵylymdarynyń kandıdatyn daıyndaǵan. 450 asa ǵylymı eńbekterdiń avtory.

«Qurmet» ordenimen, medaldarmen marapattalǵan.

62 jyl buryn (1950) ekonomıka ǵylymdarynyń doktory, Halyqaralyq Ekologııa, adam jáne tabıǵat qaýipsizdigi Ǵylymdary Akademııasynyń akademıgi, Qazaqstan Respýblıkasy Áleýmettik Ǵylymdar Akademııasynyń akademıgi, Qazaqstan Respýblıkasy Injenerlik akademııasynyń korrespondent múshesi, Qazaqstan Respýblıkasynyń Prezıdenti janyndaǵy Memlekettik basqarý akademııasynyń qurmetti professory SERІKBAEV Amanqul Serikbaıuly dúnıege keldi.

Ońtústik Qazaqstan oblysynyń Ordabasy aýdanynda týǵan. P.Lýmýmba atyndaǵy Halyqtar dostyǵy ýnıversıtetin bitirgen.

Qazaq KSR Ǵylym Akademııasy Fızıka-matematıka ǵylymdary bóliminiń ǵylymı hatshysy, Qazaq KSR Ǵylym Akademııasy Alqasy bas ǵylymı hatshysynyń orynbasary, Qazaqstan Kompartııasy OK Ideologııa bólimi meńgerýshisiniń orynbasary, Qazaqstan Respýblıkasy Prezıdenti Apparaty men Mınıstrler Kabıneti Ǵylym jáne jańa tehnologııalar jónindegi bóliminiń meńgerýshisi, Qazaqstan Respýblıkasynyń Ǵylym men tehnıka jónindegi joǵary konsýltatıvtik keńesi tóraǵasynyń orynbasary, Qazaqstan Respýblıkasynyń Prezıdenti Ákimshiligi ishki saıasat bólimi sektorynyń meńgerýshisi, Qazaqstan Respýblıkasy Prezıdenti janyndaǵy Memlekettik qyzmet akademııasynyń rektory, Qazaqstan Respýblıkasynyń Parlamenti Apparaty aqparattyq-taldaý ortalyǵy meńgerýshisiniń orynbasary, Qazaqstan Respýblıkasynyń Parlamenti Májilisiniń Apparaty aqparattyq-taldaý ortalyǵynyń meńgerýshisi qyzmetterin atqarǵan. 2007 jyldan - «Nur Otan» HDP Parlamentarızm ınstıtýty dırektorynyń orynbasary.

Ol memlekettik basqarý jáne memlekettik qyzmet salasyndaǵy túrli máselelerge arnalǵan 50-den asa ǵylymı eńbekterdiń avtory. 200-den asa ǵylymı, aqparattyq jáne oqý-ádistemelik eńbekteri jaryq kórdi.

«Eren eńbegi úshin», «Qazaqstan Respýblıkasy Táýelsizdiginiń 10 jyldyǵy» medaldarymen marapattalǵan.

106 jyl buryn (1906-1980) hımık-organık, hımııa ǵylymynyń doktory, professor, Qazaqstannyń eńbek sińirgen ǵylym qaıratkeri ShOMBALOV Taıyr Kókeshuly dúnıege keldi.

Batys Qazaqstan oblysy Kaztalov aýdanynda týǵan. Máskeý aýyl sharýashylyǵy akademııasyn bitirgen. 1933-1934 jyldary - Almaty zootehnıkalyq-maldárigerlik ınstıtýtynyń oqytýshysy. 1934-1979 jyldary Qazaq memlekettik ýnıversıteti organıkalyq hımııa kafedrasynyń dotsenti, meńgerýshisi, tabıǵı qosylystar hımııasy kafedrasynyń meńgerýshisi bolǵan.

Negizgi ǵylymı eńbekteri tabıǵı qosylystar hımııasyna arnalǵan. Ol organıkalyq hımııada jańa ǵylymı baǵyt - ósimdikter hımııasyn qalyptastyrǵan. Qazaqstannyń 300-den astam ósimdiginiń polıfenoldyq quramyn zerttep, kóptegen bıologııalyq aktıvti zattar, jańa emdik dáriler alǵan jáne olardy medıtsınaǵa engizgen. Ǵalymnyń 10 avtorlyq kýáligi bar.

106 jyl buryn (1906-1983) geolog, geologııa-mıneralogııa ǵylymdarynyń doktory, Qazaq KSR-iniń eńbek sińirgen geolog-barlaýshysy, Qazaq KSR Memlekettik syılyǵynyń laýreaty BESPALOV Venıamın Fedorovıch dúnıege keldi.

Reseıdiń Syzran qalasynda týǵan. Qazaq ken-metallýrgııa ınstıtýtyn bitirgen. Uly Otan soǵysyna qatysqan. Qazaq memlekettik ýnıversıtetiniń jáne Qazaq polıtehnıka ınstıtýtynyń dotsenti, Qazaq KSR-i Ǵylym akademııasynyń Geologııa ǵylymdary ınstıtýty tektonıka sektorynyń meńgerýshisi qyzmetin atqarǵan.

Negizgi ǵylymı eńbekteri aımaqtyq geologııa men tektonıka máselelerine arnalǵan. Qazaqstannyń kóptegen taý-ken aımaqtarynyń, kórshi respýblıkalardyń geologııalyq kartalarynyń avtory jáne redaktory bolǵan.

Eńbek Qyzyl Tý ordenimen jáne medaldarmen  marapattalǵan.

86 jyl buryn (1926) Qazaqstannyń halyq muǵalimi, KSRO-nyń jáne Qazaqstannyń bilim berý isiniń úzdigi, Kókshetaý qalasynyń qurmetti azamaty BALAHMETOV Qojahmet Balahmetuly dúnıege keldi.

Soltústik Qazaqstan oblysy Aıyrtaý aýdanynda týǵan. Semeı pedagogıkalyq ınstıtýtyn bitirgen. 1960-1968 jyldary - Kókshetaý oblystyq partııa komıteti mektep bóliminiń meńgerýshisi, qalalyq partııa komıtetiniń hatshysy, ekinshi hatshysy, oblystyq partııa komıteti úgit jáne nasıhat bóliminiń meńgerýshisi. 1968-1970 jyldary - Kókshetaý oblystyq halyqqa bilim berý bóliminiń meńgerýshisi. 1970-1974 jyldary - Qazaqstan Kompartııasy OK-iniń ǵylym jáne oqý oryndary bólimi meńgerýshisiniń orynbasary. 1974-1987 jyldary - Qazaq KSR-iniń Bilim mınıstri. 1988-1998 jyldary - Lenın atyndaǵy Keńestik balalar qory Qazaq respýblıkalyq bólimshesiniń (1992 jyldan bastap Qazaqstan balalar qory) basqarma tóraǵasynyń birinshi orynbasary, tóraǵasy. 1999-2000 jyldary - Halyqaralyq balalar qorlary qaýymdastyǵynyń vıtse-prezıdenti. 1998 jyldan bastap Shoqan Ýálıhanov atyndaǵy Kókshetaý ýnıversıteti rektorynyń keńesshisi bolǵan.

«Parasat», úsh márte Eńbek Qyzyl Tý ordenderimen, Y.Altynsarın, N.Krýpskaıa, K.Ýshınskıı atyndaǵy medaldarmen, Qazaq KSR Joǵarǵy Keńesiniń Qurmet gramotasymen marapattalǵan.

81 jyl buryn (1931) toqyma sýretshisi, Shoqan Ýálıhanov atyndaǵy Qazaqstan Memlekettik syılyǵynyń laýreaty ıAREMA Irına Zınovevna dúnıege keldi.

Ýkraınanyń Lvov oblysynda týǵan. Lvov Memlekettik qoldanbaly jáne dekoratıvtik óner ınstıtýtyn bitirgen. Samarqand jibek-mata fabrıkasynda, Almaty qalasyndaǵy Qazaqstan Jergilikti ónerkásip mınıstrligi janyndaǵy eksperımentaldy ınstıtýtynda eńbek etken.

Ol shyǵys taqyrybyna arnalǵan «Eski Samarqand», «Álisher Naýaı», «Regıstan» atty gobelender toptamasynyń, Qazaqstandaǵy jartastarǵa salynǵan sýretter jelisi boıynsha salynǵan «Alataý», «Ejelgi ańshylyq», t.b. sýretterdiń, sondaı-aq tabıǵat kórinisterine, ındýstrııaǵa arnalǵan kóptegen óner týyndylarynyń avtory.

76 jyl buryn (1936-2007) ǵalym, tehnıka ǵylymynyń doktory, Qazaqstan Respýblıkasy Mıneraldy resýrstar akademııasynyń korrespondent múshesi, Qaraǵandy qalasynyń qurmetti azamaty, Qazaqstan ónerkásibine eńbek sińirgen qyzmetker, Qazaqstan Respýblıkasy Memlekettik syılyǵynyń ıegeri MUQANOV Dymkesh dúnıege keldi.

Qaraǵandy oblysy Telman (qazirgi Buqar jyraý) aýdanynda týǵan. Lenıngrad (Sankt-Peterbýrg) elektrotehnıka ınstıtýtyn bitirgen. 1971-1980 jyldary - Búkilodaqtyq avtomatıka ǵylymı-zertteý ınstıtýtynda dırektor, 1980-1992 jyldary «Chermetavtomatıka» ǵylymı-óndiristik birlestiginde bas dırektor, 1992-1999 jyldary «Kazchermetavtomatıka» AQ-ynyń dırektory, 1999 jyldan Qazaqstan Respýblıkasy Shıkizatty keshendi óńdeý ulttyq ortalyǵynda dırektordyń orynbasary qyzmetterin atqarǵan.

Negizgi ǵylymı eńbekteri qara metallýrgııa máselelerine arnalǵan. 200-den asa ǵylymı eńbektiń avtory. 40-qa jýyq avtorlyq kýálik pen patenttiń ıegeri.

«Halyqtar dostyǵy» ordenimen marapattalǵan.

66 jyl buryn (1946) hımııa ǵylymynyń doktory, professor, Qazaqstan Respýblıkasy Joǵary mektep Ǵylym Akademııasynyń akademıgi, Qazaqstan Memlekettik syılyǵynyń jáne Qanysh Sátbaev atyndaǵy syılyqtyń laýreaty MANSUROV Zulhaıyr Aımuhametuly dúnıege keldi.

Almaty oblysy Sarqand qalasynda týǵan. Qazaq memlekettik ýnıversıtetin bitirgen. 1968-2001 jyldary osy ýnıversıtette ǵylymı-zertteý jumystarymen aınalysyp, túrli basshylyq qyzmetter atqarǵan. 2001 jyldan ál-Farabı atyndaǵy Qazaq ulttyq ýnıversıtetiniń birinshi prorektory bolǵan. Sonymen qatar QazUÝ janyndaǵy doktorlyq dıssertatsııa qorǵaý dıssertatsııalyq keńesiniń tóraǵasy.

Ǵalymnyń 250 ǵylymı eńbegi, onyń ishinde 3 monografııasy, 3 oqý quraly jáne 20 avtorlyq kýáligi bar. 21 ǵylym kandıdatyn jáne 3 doktoryn daıarlaǵan. Ǵylymı jumystarynyń negizgi baǵyty kómirsýtekter janýynyń kınetıkasy men mehanızmin, sýyq jáne kúıe túzgish jalyndardyń qurylymyn, kómirsýtektiń túzilýi men onyń qoldanbaly aspektilerin zertteýge arnalǵan. Ol tabıǵı mıneraldy jáne ósimdik shıkizattaryn aýyspaly metall qatysynda kómirtektendirý arqyly nano-ólshemdi talshyqty kómirtegin alyp, onyń morfologııasy men qurylymyn tereń zerttedi jáne olardy sorbent, katalızator túrinde qoldanýdy engizdi. Sonymen qatar munaımen lastanǵan topyraqty termıkalyq ádispen óńdeý úshin arnaıy qondyrǵy qurastyrdy. Osy qondyrǵy arqyly munaıdy topyraqtan bólip alý jáne munaımen lastanǵan topyraqty jol qurylysynda sýyq asfaltty beton daıyndaý úshin qoldaný ádisterin usyndy.

«Eurasian Chemico-Technological Journal» jáne «Janý jáne Plazmohımııa» jýrnaldarynyń bas redaktory, «Joǵary bilim berýdegi aqparattyq tehnologııalar» jýrnaly bas redaktorynyń orynbasary, «Jarylys jáne janý fızıkasy» (Reseı) jýrnaly redaktsııalyq keńesiniń múshesi, «Qazaqstan ǵylymdarynyń jańalyqtary», «QazUÝ jarshysy» (hımııa serııasy), t.b. jýrnaldar redaktsııalyq alqasynyń múshesi.

«Qurmet» ordenimen, RF Joǵary mektep ǵylym akademııasynyń medalimen marapattalǵan.

45 jyl buryn (1967) QR Memlekettik qyzmet isteri agenttigi tóraǵasynyń orynbasary AHMETJANOV Saıan Qylyshuly dúnıege keldi.

Aqmola oblysynda dúnıege kelgen. 1991 jyly Qaraǵandy memlekettik ýnıversıtetiniń zań fakýltetin úzdik bitirgen. 1986-1988 jyldary Keńes Odaǵynyń Qarýly kúshteri qatarynda áskerı qyzmet ótkergen.1991-1996 jyldary aralyǵynda Soltústik Qazaqstan oblysynyń prokýratýra organdarynda kómekshi, asa mańyzdy ister boıynsha tergeýshi, jalpy qadaǵalaý bóliminiń bas prokýrory qyzmetterin atqarǵan. 1998-1999 jyldary jáne 2002 jylǵy jeltoqsan 2003 jylǵy jeltoqsan aralyǵynda Qazaqstan Respýblıkasy Premer-Mınıstri Keńsesi Quqyqtyq saraptama bóliminiń konsýltanty, Zań bólimi meńgerýshisiniń orynbasary qyzmetterin atqarǵan. 1999 jylǵy sáýir - 2002 jylǵy jeltoqsan aralyǵynda Qazaqstan Respýblıkasynyń Memlekettik qyzmet isteri agenttiginde Bólim, Basqarma bastyǵy, Memlekettik qyzmetti quqyqtyq qamtamasyz etý departamentiniń dırektory qyzmetterin atqarǵan. 2003 jylǵy jeltoqsan - 2005 jylǵy qazan aralyǵynda Qazaqstan Respýblıkasy Іshki ister mınıstrligi Іshki qaýipsizdik departamentiniń bastyǵy qyzmetin atqarǵan. 2005 jylǵy qarasha - 2011 jylǵy qyrkúıek aralyǵynda Qazaqstan Respýblıkasy Prezıdenti Ákimshiligi Áleýmettik-ekonomıkalyq taldaý bóliminiń bas sarapshysy, Quqyq qorǵaý bóliminiń sektor meńgerýshisi qyzmetterin atqarǵan. 2007 jylǵy aqpan - 2011 jylǵy qyrkúıek aralyǵynda Qazaqstan Respýblıkasy Prezıdentiniń janyndaǵy Jemqorlyqqa qarsy kúres jónindegi komıssııanyń Hatshysy jáne múshesi bolǵan. 2011 jyldyń qyrkúıek aıynda Qazaqstan Respýblıkasy Memlekettik qyzmet isteri agenttigi Tóraǵasynyń orynbasary bolyp taǵaıyndaldy.

«Qurmet» ordenimen marapattalǵan.