26 mamyrdan QR avtojoldarymen qozǵalýǵa arnalǵan kólikterdiń ruqsat etiletin ólshemderin bekitý týraly buıryq kúshine enedi
ASTANA. QazAqparat - 2015 jylǵy 26 mamyrdan bastap QR IDM-niń «Qazaqstan Respýblıkasynyń avtomobıl joldary boıymen qozǵalýǵa arnalǵan avtokólik quraldarynyń ruqsat etiletin ólshemderin bekitý týraly» buıryǵy kúshine enedi.
Bul týraly QR IDM baspasóz qyzmetinen habarlady.
Basqa parametrlermen qosa buıryqqa avtokólik quraldarynyń shyǵaryndylar normatıviniń tórtinshi ekologııalyq synypqa sáıkestigi, sondaı-aq qaýipsizdiktiń qosymsha júıeleriniń, atap aıtqanda júrgizýshilerdiń qaýipsizdik jastyqtarynyń, balalar otyrǵyshtarynyń bekitilý qurylǵylarynyń, kúndizgi qozǵalystaǵy jaryqtyń jáne tejegishterdiń antıblokırovkalyq júıesiniń bolýy jónindegi talaptar engizilgen.
2015 jylǵy 26 mamyrdan bastap bul talaptardy (2017 jylǵy 1 qańtardan bastap engiziletin kúndizgi qozǵalystaǵy jaryqtyń bolýy jónindegi talaptan ózgesi) ishki ister organdarynyń qyzmetkerleri avtokólik quraldaryn bastapqy tirkeý barysynda baqylanatyn bolady.
Atalmysh talaptar Keden odaǵynyń «Dońǵalaqty kólik quraldarynyń qaýipsizdigi týraly» tehnıkalyq reglamentinde eskerilgendigin atap ótken jón. Alaıda ol talaptar tek úshinshi elderden ákelinetin avtokólik quraldaryna ǵana qatysy bar bolatyn. Bul buıryq engizilýine baılanysty olar Qazaqstan aýmaǵyna Keden odaǵyna múshe-elderden ákelinetin avtokólik quraldaryna da tikeleı qatysty boldy.
Osylaısha, Eýrazııalyq ekonomıkalyq odaq elderinen ákelinetin avtokólik quraldaryn joǵaryda atalǵan buıryq talaptaryna sáıkes kelmeıtinderin Qazaqstanda tirkeýge alynbaıtyn boldy.
