26 mamyrda elimizde ótetin mańyzdy oqıǵalarǵa sholý
ASTANA.QazAqparat - «QazAqparat» Halyqaralyq aqparat agenttigi 26 mamyrda elimizde bolatyn mańyzdy oqıǵalarǵa sholýdy usynady.
ASTANA
Saǵat 9:00-de «Kórme» atty kórme kesheninde «Páter kórmesi» ótedi. Ol jerge kelýshiler bir kúnniń ishinde jyljymaıtyn múlikti satyp alý boıynsha tamasha usynystarmen tanysa alady. Sondaı-aq osy shara aıasynda baspasóz maslıhaty da uıymdastyrylady.
Saǵat 11:00-de «Dáýlet» sport kesheninde Mádenıet jáne sport mınıstrligi Elbasy N.Á.Nazarbaevtyń Qazaqstan halqyna joldaǵan «Seniń jańa qyryń!» chellendji aıasynda óńirlermen aýqymdy «Sporttyq telekópir» uıymdastyrady.
ALMATY
Saǵat 10:00-de Ál-Farabı atyndaǵy Qazaq Ulttyq ýnıversıtetinde Túlekter kúnine oraı saltanatty shara ótedi.
Saǵat 11:00-de CarsKz kólik qaýymdastyǵynyń #MotorFest avtokórmesi uıymdastyrylady. Іs-shara «Medeý» KQK aýmaǵynda Castrol EDGE, Flash Energy jáne GOODYEAR qoldaýymen ótedi.
Saǵat 12.00-de Dostyq úıinde «Jýrnalıstıka jáne sandyq Qazaqstan» forýmy ótedi. Shara qazaq tilin latyn álipbıine kóshirýge arnalǵan «Q trendi» jobasy aıasynda uıymdastyrylady.
ALMATY OBLYSY
Saǵat 14:00-de Kóksý aýdanynyń Muqry aýylynda áýesqoı veloshabandozdar arasynda álemdik deńgeıdegi asa bedeldi «Gran Fondo Kazakhstan - 2018» jarysynyń kezekti kezeńi ótedi. Oǵan Qazaqstan, Reseı, Germanııa, Polsha, Ózbekstan, Qyrǵyzstan jáne Ýkraınanyń 200-den astam sportshylary men áýesqoı veloshabandozdary qatysady. Atalmysh jarys álemdegi eń belgili ári tanymal saıys. Ol dúnıejúziniń 12 elinde ótedi. Shara eki kúnge jalǵasady.
ÓSKEMEN
Saǵat 11.00-de S. Amanjolov atyndaǵy ShQMÝ-dyń №1 ǵımaratynda (218 aýd.) «Reseı - Qazaqstan: mádenıetaralyq dıalog jahandaný kezeńindegi mádenıetti damytý faktory retinde» halyqaralyq dóńgelek ústeli ótedi.
ShYMKENT
Saǵat 11:00-de Ál-Farabı alańynda Elbasy N.Á.Nazarbaevtyń Qazaqstan halqyna joldaǵan «Seniń jańa qyryń!» chellendji aıasynda óńirlermen aýqymdy «Sporttyq telekópir» uıymdastyrylady. Onyń mánisi - oblystarmen birigip saýyqtyrý gımnastıkasyn jasaý.
Atalǵan is-sharaǵa sport federatsııasynyń qazirgi zamanǵy tárbıelenýshileri «breık-dans» bıin, kórkem gımnastıka men cherlıngtan ónerin kórsetedi.
ATYRAÝ
Saǵat 16.00-de Dosmuhamedov atyndaǵy Atyraý memlekettik ýnıversıtetindegi «Jaıyq» mádenı-sporttyq kesheninde «Astana Arlans» jáne «BritishLionhearts» komandalary kezdesedi.
