26 mamyrda el aýmaǵynyń basym bóliginde jel kúsheıip, jańbyr jaýady
ASTANA. QazAqparat - Búgin atmosferalyq fronttardyń ótýine baılanysty Qazaqstannyń basym bóliginde jańbyr jaýyp, naızaǵaı oınaıdy; daýyl soǵyp, jel kúsheıedi, shańdy daýyl turýy yqtımal. Odan bólek, burshaq jaýýy múmkin.
Bul týraly QR ІІM TJK baspasóz qyzmeti habarlaıdy.
Aqmola, Qostanaı, Soltústik Qazaqstan, Pavlodar oblystarynda jeldiń jyldamdyǵy 15-20, keı jerlerde ekpini 23-28 m/s-ǵa deıin kúsheıýi yqtımal, Sondaı-aq, daýyl turyp, burshaq jaýýy múmkin. Qostanaı oblysynyń keı jerlerinde tuman túsedi.
Shyǵys Qazaqstan, Jambyl, Mańǵystaý, Batys Qazaqstan oblystarynyń, túnde Almaty oblysynyń keı jerlerinde jeldiń jyldamdyǵy 15-23 m/s-ǵa jetedi. Batys Qazaqstan oblysynda shańdy daýyl kútiledi.
Aqtóbe oblysynda jeldiń jyldamdyǵy 15-22 m/s-ǵa deıin kúsheıip, daýyl soǵyp, burshaq jaýýy múmkin.
Atyraý oblysynyń keı jerlerinde túnde, basym bóliginde kúndiz jeldiń jyldamdyǵy 15-22, ekpini 25 m/s-ǵa deıin kúsheıýi kútiledi.
Qyzylorda, Qaraǵandy oblystarynyń keı jerlerinde jeldiń jyldamdyǵy 15-23 m/s-ǵa deıin kúsheıedi; daýyl bolyp, burshaq jaýýy múmkin. Qyzylorda oblysynda shańdy daýyl bolady.
