26 mamyrda Astanada kólik qozǵalysy shekteledi
ASTANA. QazAqparat - Open Air shoý-kontsertiniń ótkizilýine baılanysty 26-30 mamyr aralyǵynda Táýelsizdik dańǵylynyń Nájimedenov kóshesinen Baıtursynov kóshesine deıingi bóliginde kólik qozǵalysy shekteledi, dep habarlaıdy Astana qalasy ákimdiginiń resmı saıty.
Kórermenderge qolaıly jaǵdaı jasaý maqsatynda 29 mamyrda saǵat 16:00-den bastap № 3, 4, 14, 19, 21, 29, 32, 40, 50 jáne 100-shi marshrýttardyń júrý qarqyny artady jáne qozǵalys ýaqyty saǵat 00:00-ge deıin uzartylady.
Kelesi pýnktter boıynsha ádettegi baǵamen arnaıy avtobýs qatynastary uıymdastyrylady - Jastar saraıy, ІІM ǵımaratynyń janyndaǵy turaq, Astanalyq tsırktiń janyndaǵy turaq ( Qorǵaljyn tasjoly jaǵynan). Sonymen qatar, kórermenderdi jetkizýdi qamtamasyz etý úshin kontsert ótetin kúni saǵat 22:00 bastap kelesi aıaldamalardan qalalyq marshrýttar júretin bolady: Táýelsizdik daǵ., Áziret sultan meshit aıaldamasy, № 3, 4, 19, 26, 40 marshrýttar. Nájimedenov k-si, «Nájimedenov k-si aıaldamasy» № 21,32,50 marshrýttar. A. Baıtursynov k-si (Amanjolov k-si baǵytynda),«Shabyt óner ýnıversıteti» aıaldamasy, №№3, 21, 29, 100 marshrýttar.
Sonymen qatar, kontsert barysynda qaýipsizdikti qamtamasyz etý maqsatynda shyny jáne plastık bótelkedegi sýsyndardy ákelýge tyıym salynatynyn kórermenderdiń eskergeni jón. Suıyqtyqty tek plastık jáne qaǵaz stakandardan ǵana ishýge bolady. Alańda tamaq pen alkogolsiz sýsyndar satatyn oryndar uıymdastyrylady.
