26 qyrkúıek. Týǵan kún ıeleri
ESІMDER
110 jyl buryn aqyn JAROKOV Taır (1908-1965) dúnıege keldi.
Batys Qazaqstan oblysynyń Jánibek aýdanynda týǵan. Abaı atyndaǵy Almaty memlekettik ýnıversıtetin, Lenıngradtyń tarıh, fılosofııa jáne ádebıet ınstıtýtynyń aspırantýrasyn bitirgen. 1932-1942 jyldary jańadan qurylǵan Qazaqstan Jazýshylar odaǵy uıymdastyrý komıtetiniń hatshysy, «Qazaq ádebıeti» gazeti redaktorynyń orynbasary, halyq aqyny J.Jabaevtyń ádebı hatshysy qyzmetterin atqarǵan. 1946-1965 jyldary Qazaqstan Jazýshylar odaǵy men Qazaqtyń memlekettik kórkem ádebıet baspasynda (qazirgi «Jazýshy» baspasy) jaýapty qyzmette bolǵan. Aqynnyń alǵashqy óleńder jınaǵy 1932 jyly «Juldyz jaryǵy» degen atpen basylyp shyqqan. Ár jyldarda «Nefstan», «Kommýnızm tańynda», «Motor jyry», «Kún til qatty», «Muz tutqyny», «Tasqyn», «Otan daýysy», «Naryn», «Tastaǵy jazý», «Sovet suńqarlary», «Baqyt jyrlary», «Japandy orman jańǵyrtty», «Koster basynda», «Qyrda týǵan qurysh», «Jyr qanaty», «Qumdaǵy daýyl», «Taý jyrlaıdy», «Teńiz balasy», «Tasqynǵa tosqyn» atty kitaptary jaryq kórgen. Kórkem aýdarma salasynda A.Pýshkınniń «Tsygandar», «Kavkaz tutqyny», «Kolomnadaǵy kishkene úı», «Aǵaıyndy qaraqshylar», M.Lermontovtyń «Cherkester», Grıboedovtyń «Aqyldyń azaby», M.Alıgerdiń «Zoıa», t.b. týyndylaryn qazaq tiline tárjimalaǵan.
Birneshe ordenmen marapattalǵan.
80 jyl buryn (1938-2009) tarıh ǵylymynyń doktory, professor, Qazaqstan Respýblıkasy Ulttyq ǵylym akademııasynyń, Joǵary mektep ǵylym akademııasynyń akademıgi, Qazaqstannyń eńbek sińirgen ǵylym qaıratkeri SADYQOV Toqmuhamed Sálmenuly dúnıege keldi.
Qazaq memlekettik ýnıversıtetin bitirgen. 1964-1966 jyldary - Almaty qurylys tehnıkýmynyń oqytýshysy. 1966-1969 jyldary - Qazaq polıtehnıkalyq ınstıtýtynyń aǵa oqytýshysy. 1969-1970 jyldary - Qazaq KSR Mınıstrler Keńesi tóraǵasy orynbasarynyń kómekshisi. 1970-1983 jyldary - Almaty shet el tilderi ınstıtýtynyń dotsenti, professory. 1987 jyly Qazaq KSR Joǵary jáne arnaıy orta bilim berý mınıstriniń orynbasary bolǵan. 1987-2008 jyldary Abaı atyndaǵy Qazaq ulttyq pedagogıkalyq ýnıversıtetiniń rektory qyzmetin atqarǵan. Ǵalymnyń negizgi ǵylymı eńbekteri Qazaqstan tarıhyna, psıhologııaǵa, pedagogıka tarıhy máselelerine arnalǵan. Onyń 400-den astam ǵylymı eńbegi, onyń ishinde 10 monografııasy bar.
2-shi dárejeli «Barys», «Parasat» ordenderimen, medaldarmen marapattalǵan.
60 jyl buryn (1958) aqyn, Qazaqstan Respýblıkasynyń mádenıet qaıratkeri, Qazaqstan Jazýshylar odaǵynyń múshesi BEKTEMІROVA Marfýǵa dúnıege kelgen.
Aqmola oblysynyń Eńbekshilder aýdanynda týǵan. Qazaq memlekettik ýnıversıtetiniń jýrnalıstıka fakýltetin syrttaı oqyp bitirgen. Ýálıhanov, Zerendi aýdandyq jáne oblystyq «Kókshetaý pravdasy» gazetterinde, Qostanaı oblystyq radıosynda tilshi jáne Qostanaı oblystyq ákimshiliginde qyzmet atqarǵan. Respýblıkalyq «Ana tili» gazetiniń Qostanaı oblysy boıynsha menshikti tilshisi bolǵan. Qazir Qazaqstan Jazýshylar odaǵy Qostanaı oblystyq fılıalynyń dırektory jáne balalar men jasóspirimderge arnalǵan oblystyq «Jas ulan» gazetiniń redaktory qyzmetin atqarady. Aqynnyń óleńderi «Jyr táńiri», «Tyń tynysy», «Kóńil áýenderi», «Arman qanatynda» jáne «Qarlyǵash» atty ujymdyq jınaqtarǵa engen. Sondaı-aq «Janary jáýdir dúnıe», «Aıdynym meniń», «Ǵashyq júrek», «Eńlik gúl» atty jeke jyr jınaqtary jaryq kórgen. Aqyn respýblıkalyq «Jiger» festıvali men Abaıdyń 150 jyldyǵyna arnalǵan jyr músháırasynda júldeger atanǵan.
52 jyl buryn (1966) Jambyl oblystyq densaýlyq saqtaý basqarmasynyń basshysy JUMANQULOV Marat Seıtbekuly dúnıege keldi.
Ol Semeı qalasynda týǵan. Almaty memlekettik medıtsınalyq ınstıtýtyn emdeý isi mamandyǵy boıynsha bitirgen.
Eńbek jolyn 1993 jyly Jambyl qalasy aýrýhanasynda terapııa jónindegi ıntern dárigeri bolyp bastaǵan. 1994-1996 jyldary Talas aýdandyq aýrýhanasynda bólimshe meńgerýshisi. 1996-1998 jyldary Almaty oblysy Іle aýdandyq aýrýhanasy qan quıý bólimshesiniń, jalpy tájirıbelik dáriger bólimshesiniń meńgerýshisi. 1998-1999 jyldary Almaty oblysy Іle aımaqtyq medıtsınalyq uıymynyń bas terapevti. 1999-2000 jyldary Taraz qalalyq aýrýhanasy qabyldaý bólimshesiniń terapevt dárigeri. 2000-2001 jyldary Jýaly aýdandyq ortalyq aýrýhanasy bas dárigeriniń emdeý isi jónindegi orynbasary. 2001-2002 jyldary Merki aýdany ákimdigi densaýlyq saqtaý basqarmasynyń bastyǵy. 2002 jyldyń maýsym aıynan búgingi kúnge deıin Merki aýdandyq ortalyq aýrýhanasynyń bas dárigeri. 2012 - 2017 jyldary Jambyl oblysy ákimdigi densaýlyq saqtaý basqarmasy basshysynyń orynbasary. Qazirgi qyzmetinde 2017 jyldyń shildesinen beri.
47 jyl buryn (1971) QR Densaýlyq saqtaý mınıstrligi medıtsınalyq kómekti uıymdastyrý departamentiniń dırektory AHMETNIıAZOVA Laýra Mustafaqyzy dúnıege keldi.
Shyǵys Qazaqstan oblysynda týǵan. 1993 jyly Aqtóbe memlekettik medıtsına ınstıtýtyn «Emdeý isi» mamandyǵy boıynsha aıaqtaǵan. 1997 jyly Ońtústik Qazaqstan memlekettik medıtsına akademııasynda klınıkalyq ordınatýrany «Іshki aýrýlar» mamandyǵy boıynsha aıaqtaǵan. Eńbek qyzmetin 1993 jyly Shymkent qalasyndaǵy «Fosfor» MSB ýchaskelik terapevti qyzmetinen bastaǵan, 1995-1997 jyldary «Fosfor» MSB medıtsınalyq saqtandyrý bóliminiń meńgerýshisi bolyp qyzmet atqarǵan. 1997-2000 jyldary - Mindetti medıtsınalyq saqtandyrý qorynyń Ońtústik Qazaqstan fılıalynyń bas mamany (Medıtsınalyq qyzmetterge aqy tóleý ortalyǵy, «Densaýlyq» RKMK). 2000-2005 jyldary - Ońtústik Qazaqstan oblysy densaýlyq saqtaý basqarmasynyń bas mamany. 2005-2006 jyldary - QR Densaýlyq saqtaý mınıstrligi Medıtsınalyq qyzmetterdiń sapasyn baqylaý komıtetiniń Aqmola oblystyq basqarmasy bóliminiń bastyǵy. 2006-2008 jyldary - QR DSM Medıtsınalyq qyzmet kórsetý salasyndaǵy baqylaý komıtetiniń bólim bastyǵy. 2009-2010 jyldary - QR Densaýlyq saqtaý mınıstrliginiń Medıtsınalyq qyzmet kórsetý salasyndaǵy baqylaý komıteti basqarmasynyń bastyǵy. 2010-2011 jyldary - Astana qalasynyń densaýlyq saqtaý basqarmasy bastyǵynyń orynbasary. 2011-2013 jyldary - QR Densaýlyq saqtaý mınıstrliginiń Strategııalyq damý departamenti dırektorynyń orynbasary. 2013-2014 jyldary QR Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıtetiniń tóraıymy. 2014-2017 jyldary QR Densaýlyq saqtaý mınıstrliginiń Strategııalyq damý departamenti dırektorynyń orynbasary. Qazirgi qyzmetinde 2017 jylǵy qazannan beri. QR Densaýlyq saqtaý mınıstriniń qurmet gramotalarymen (2012), «Qazaqstan Respýblıkasynyń Táýelsizdigine 20 jyl» medalimen marapattalǵan. 2008 jyldan densaýlyq saqtaý salasyndaǵy úzdik qyzmetker.
33 jyl buryn (1985) Batys Qazaqstan oblysy aqparattandyrý, memlekettik kórsetiletin qyzmetter jáne arhıvter basqarmasynyń basshysy NURTAZAEV Sáken Rústemuly dúnıege keldi.
Qazaqstan-Brıtan tehnıkalyq ýnıversıtetin ınjener-tehnolog mamandyǵy boıynsha bitirgen (2007), «Bolashaq» halyqaralyq stıpendııasymen Stırlıng ýnıversıtetinde (Ulybrıtanııa) menedjment boıynsha bilim alǵan.
Eńbek joly: KazTransGaz «Aımaq» óndiristik departamentinde jetekshi maman (2007-2008); «Qazaqstan Jastar kongresi» ZTB atqarýshy dırektorynyń orynbasary (2008); QR Memlekettik qyzmet isteri agenttigi tóraǵasynyń m.a. kómekshisi, QR Memlekettik qyzmet isteri agenttiginiń taldaý jáne strategııalyq josparlaý basqarmasynyń sarapshysy (2008-2009); Qazaqstan Respýblıkasy Prezıdentiniń janyndaǵy Memlekettik basqarý akademııasy rektorynyń kómekshisi (2009-2010); QR Prezıdentiniń janyndaǵy Memlekettik basqarý akademııasynda memlekettik qyzmetkerlerdiń biliktiligin arttyrý jáne qaıta daıyndaý aımaqtyq ortalyqtarymen jumys isteý sektorynyń basshysy (2010-2012); «ShQO memlekettik-jeke seriktestik aımaqtyq ortalyǵy» AQ strategııalyq damý jáne syrtqy baılanystar departamentiniń dırektory, Shyǵys Qazaqstan oblysy ákimi apparatynyń uıymdastyrý-ınspektorlyq bóliminiń taldaý tobynyń bas mamany (2012); Shyǵys Qazaqstan oblysy ákimi apparatynyńbas ınspektory (2012-2013); Shyǵys Qazaqstan oblysy, Shemonaıhın aýdan ákimi orynbasary (2013-2014), Semeı qalasy ákimi orynbasary, Almaty qalasyndaǵa QR UQP «Atameken» fılıaly dırektorynyń orynbasary (2014-2015); Oral qalasy ákimi apparatynyń aqparattyq-taldaý qyzmeti bólimi basshysynyń mindetin atqarýshy, keıinnen basshysy (2015-2016). Oral ákimi apparatynyń basshysy (2016-2018).
Qazirgi laýazymyn 2018 jyldyń shildesinen atqaryp keledi.
169 jyl buryn (1849-1936) orystyń fızıolog-ǵalymy, Nobel syılyǵynyń laýreaty, joǵarǵy júıke qyzmeti týraly ilimdi jasaýshy PAVLOV Ivan Petrovıch dúnıege keldi.
144jyl buryn (1874-1940) amerıkan fotografy HAIN Lıýıs dúnıege keldi.
131jyl buryn (1887-1979) aǵylshyn ǵalymy, ınjener jáne ónertapqysh Barns ÝOLLES dúnıege keldi.