26 qyrkúıek kúngi aýa raıy boljamy
NUR-SULTAN. QazAqparat – 26 qyrkúıekte respýblıkanyń basym bóliginde qubylmaly aýa raıy kútiledi. Frontaldy bólikterdiń áserinen jańbyr jaýady, eldiń soltústik, ońtústik jáne ońtústik-shyǵysynda antıtsıklon jotasynyń áserinen jaýyn-shashynsyz kún raıy boljanady. Respýblıkanyń basym bóliginde jel kúsheıedi, ońtústikte, batysta - shańdy daýyl, ońtústikte – naızaǵaı, soltústiginde tuman bolady. QazAqparat bul týraly Qazgıdrometke silteme jasap habarlaıdy.
Atap aıtqanda, Qostanaı oblysynda túnde jel 15-20 m/s quraıdy, kúndiz oblystyń soltústiginde 23-28 m/s kúsheıedi.
Soltústik Qazaqstan oblysynda túnde soltústik-batysynda, kúndiz basym bóliginde jel 15-20 m/s kúsheıedi.
Aqmola oblysynda tańerteń jáne kúndiz basym bóliginde jeldiń ekpini 15-20 m/s artady. Túnde jáne tańerteń oblystyń ońtústik-shyǵysynda tuman kútiledi.
Qyzylorda oblysynda kúndiz ortalyǵynda naızaǵaı, 15-20 m/s jyldamdyqtaǵy jel, shańdy boljanady.
Kúndiz Túrkistan oblysynyń soltústiginde, Mańǵystaý oblysynyń soltústik-shyǵysynda shańdy daýyl turyp, jel 15-20 m/s kúsheıedi.
Qaraǵandy oblysynyń batysynda, ortalyǵynda jáne ońtústiginde jel 15-20 m/s kúsheıedi.
Kúndiz Jambyl oblysynyń soltústik-shyǵysynda, Atyraý oblysynyń batysynda, Batys Qazaqstan oblysynyń soltústik-batysynda, Aqtóbe oblysynyń ońtústiginde jeldiń kúshi 15-20 m/s artady.
Túnde Almaty oblysynyń soltústiginde 2 gradýs úsik saqtalady.
