26 qyrkúıek. QazAqparat kúntizbesi
26 qyrkúıek, SÁRSENBІ
Búkilálemdik qorshaǵan ortany qorǵaý kúni
Búkilálemdik qorshaǵan ortany qorǵaý kúni alǵash ret 2011 jyly Indonezııada toılandy. Indonezııalyq belsendi stýdentter osy merekege gımn jazyp, ony meıramnyń ashylý saltanatynda oryndady. 2012 jyly ataýly kúndi Afrıka men Eýropanyń kóptegen elderi atap ótip, 2013 jyly Kanada, Aýstralııa, Amerıka, Azııa belsendileri de osy meıramǵa ún qosty.
Eýropadaǵy shet tilder kúni
Jańa myńjyldyq bastalysymen ıÝNESKO 21-shi ǵasyrdy polıglottar ǵasyry dep jarııalady. 2001 jyl Dúnıejúzililik tilder jyly dep jarııalandy.
Halyqaralyq ıadrolyq qarýdy tolyǵymen joıý úshin kúres kúni
BUU Bas Assambleıasynyń tıisti qararymen 2013 jyldyń jeltoqsanynda bekitildi.
Iemende Qyrkúıek tóńkerisi kúni
Iemende bul kúni Iemen Arab Respýblıkasynyń qurylýyna jaǵdaı jasaǵan 1962 jylǵy áskerı tóńkeris bolǵan.
ESTE QALAR OQIǴALAR
1970 jyly KSRO Joǵarǵy Keńesi Prezıdıýmynyń Qaýlysymen Almaty jalpy áskerı komandalyq ýchılışesi quryldy. Ol keıinnen Qurlyq áskerleriniń áskerı ınstıtýtyna aınaldyryldy. Instıtýttyń basty mindeti - qurlyq áskerleriniń joǵary bilikti ofıtserlerin daıyndaý. Ujymdyq Qaýipsizdik týraly kelisim aıasynda munda Qyrǵyzstan jáne Tájikstan ókilderi de bilim alady.
1997 jyly Qazaqstan Respýblıkasynyń Prezıdenti N. Nazarbaevtyń Jarlyǵymen «Farmatsevtıka jáne medıtsına ónerkásibin damytý memlekettik baǵdarlamasy» bekitildi.
2000 jyly «Qazaqstan-Soros» qory «Shetelde bilim alý» atty alǵashqy bilim jármeńkesin ótkizdi. Onda ártúrli halyqaralyq elshilikter men donor uıymdar bilim granttaryn usyndy.
2001 jyly Respýblıka táýelsizdiginiń 10 jyldyǵyna arnalǵan Qazaqstan kásipkerleriniń forýmy ótti.
2002 jyly ıÝNESKO sheńberinde atap ótiletin ejelgi Uly Jibek joly boıyndaǵy mádenıet pen ǵylym órkendegen kóne Tarazdyń 2000 jyldyǵyna arnalǵan merekelik sharalar bastaldy. Ortalyq alańda Báıdibek Qarashaulynyń úlken eskertkishi ashylyp, Murajaı men Taraz ýnıversıteti janynan sáýlet óneriniń sońǵy jetistikteri úlgisimen salynǵan Muhammed Qaıdar Dýlatı atyndaǵy Jastar saraıy paıdalanýǵa berildi. Burynǵy Hımıkter saraıy jańǵyrtylyp, Balasaǵun atyndaǵy saraı bolyp qaıta ashyldy. Osy kúni qoıylǵan teatrlandyrylǵan kóriniske qalanyń 6 myńnan astam ónerpazy qatysty.
2003 jyly Qazaqstan Respýblıkasy Prezıdenti N.Á.Nazarbaev Abaı atyndaǵy Almaty memlekettik ýnıversıtetine ulttyq mártebe berý týraly Jarlyqqa qol qoıdy. Búgingi tańda ýnıversıtettiń 10 fakýltetinde 63 mamandyq boıynsha kadrlar daıarlanyp, 14 myńnan astam stýdent, 650 aspırant, doktoranttar jáne ǵylymı izdenýshiler dáris alady. 63 kafedrada 1100 oqytýshy bar, onyń 226-y ǵylym doktory, professory, 550-i ǵylym kandıdattary men dotsentter.
2005 jyly Atyraý munaı óndeý zaýytynyń esimi ǵalamsharǵa berildi.
«Ros Astro» aspan deneler tizimdemesinde Atyraýdyń munaı óndeýshi zaýytynyń esimi Bıkesh shoqjuldyzynyń toǵyzynshy kólemindegi juldyzǵa berildi. Galaktıkalyq koordınattar boıynsha ol Kúnnen 281 jaryq jyl uzyndyǵynda ornalasqan. Halyqaralyq nómiri - FE 095-259.
2006 jyly Londondaǵy tanymal kontsert zaldarynyń biri - Barbıkan-Hollda Qazaqstan Elshiliginiń uıymdastyrýymen Qurmanǵazy atyndaǵy Qazaq ulttyq konservatorııasy Stýdenttik sımfonııalyq orkestriniń kontserti ótti.
2007 jyly Elbasy Nursultan Nazarbaev Nıý-Iorktegi BUU shtab-páterinde Azamattyq jáne saıası quqyqtar jónindegi halyqaralyq paktiniń, sondaı-aq Zorlyq pen zombylyqqa jáne basqa da aýyr, adamgershilikpen syıyspaıtyn nemese kemsitý túrindegi jazalaýlarǵa qarsy Konventsııanyń fakýltatıvti hattamalaryna qol qoıdy.
Azamattyq jáne saıası quqyqtar jónindegi halyqaralyq kelisim 1996 jyly Bas Assambleıanyń qararymen qabyldanǵan bolatyn. Onyń fakýltatıvti hattamasy BUU-nyń Adam quqyqtary jónindegi komıtettiń quzyreti salalaryn anyqtaıdy. Zorlyq pen zombylyqqa jáne basqa da aýyr, adamgershilikpen syıyspaıtyn nemese kemsitý túrindegi jazalaýlarǵa qarsy Konventsııa 1984 jyly qabyldandy. Onyń fakýltatıvti hattamasy BUU sarapshylaryna Konventsııanyń qatysýshy-elderindegi túrmeler men tergeý oqshaýlandyrý oryndarynda bolý múmkindigin berip, zorlyq-zombylyqtardy boldyrmaýǵa baǵyttalǵan ulttyq tetikterdi qurýǵa shaqyrady.
2012 jyly Sh.Aımanov atyndaǵy «Qazaqfılm» AQ-nyń «Ańshy bala» kınokartınasy HHІ ashyq festıvali aıasynda «KınoMalyShok» baıqaýynda «eń úzdik» fılm atandy.
2012 jyly Halyqaralyq kórmeler bıýrosynyń Parıjdegi shtab-páterinde Qazaqstan, Belgııa, Brazılııa, Reseı, Taıland, Túrkııa elderi delegatsııalarynyń EXPO-2017 jáne EXPO-2020 kórmelerin ótkizý quqyǵy talqylanǵan dostyq kezdesýi ótti.
2014 jyly «Qaırat» klýbynyń jastar akademııasyna aty ańyzǵa aınalǵan qazaq fýtbolshysy, KSRO sport sheberi, Qazaq SSR jáne Qazaqstannyń eńbek sińirgen bapkeri Temir Segizbaevtyń esimi berildi.
2015 jyly Qazaqstan Respýblıkasynyń Prezıdenti Nursultan Nazarbaev Birikken Ulttar Uıymy Bas Assambleıasynyń 70-sessııasyna qatysý úshin Nıý-Iork qalasyna bardy. Shara barysynda Nursultan Nazarbaev kóptegen memleketter men úkimetterdiń, sondaı-aq AQSh-tyń birneshe iri kompanııalarynyń basshylarymen kezdesti.
2015 jyly Mılanda ótken «EKSPO-2015» kórmesiniń Qazaqstan pavılonyna kelgenderdiń sany 8 mıllıonnan asty. Sonyń 9000-y erekshe mańyzdy tulǵalar boldy. Olardyń ishinde Qazaqstan Respýblıkasynyń Prezıdenti Nursultan Nazarbaev, Monako knıazy ІІ Alber, Qytaı Halyq Respýblıkasy premer-mınıstriniń orynbasary Van ıAng, Qazaqstannyń «Astana PRO Team» kásipqoı velokomandasy, sondaı-aq EKSPO-2015 kórmesine qatysqan elderdiń mınıstrleri kelgenin erekshe atap kórsetken jón.
Otandyq pavılonǵa «Taqyryp pen kontentti úzdik ashý» atalymy boıynsha nagrada tabystaldy. «EKSPO-2015» kórmesiniń taqyryby: «Ǵalamshardy azyqtandyrý. Ómir úshin energııa» boldy. Qazylar alqasynyń pikirinshe, qazaqstandyq pavılonnyń mazmundy bóligi kórme taqyrybyn ashyp, sondaı-aq kelýshilerdi eldiń agromádenıeti, geografııasy, dástúrleri, azyq-túlikpen qamtamasyz etý erekshelikteri jáne ulttyq ashanasymen jetkilikti tanystyra aldy. Bizdiń elimizdiń pavılony kórme boıy kelýshiler sany eń kóp bolyp, kórme komıtetiniń uıymdastyrǵan daýys berý qorytyndylary boıynsha kósh bastap turdy. Kún saıyn munda shamamen 5 myń adam keldi, pavılonǵa kelýge nıet bildirgen qonaqtardyń kezegi ol jabylǵansha azaımady.
2016 jyly Shynjań óner teatrynyń sahnasynda Astana Opera balet trýppasynyń eki kúndik gastroli bastaldy.