26 qyrkúıekte Batys Qazaqstanda 2 gradýs aıaz bolady

ASTANA. KAZINFORM — Qazgıdromet sınoptıkteri 26  qyrkúıek, beısinbige arnalǵan aýa raıy boljamyn usyndy. 

Soltústik-batys antıtsıklon jyrasy QR kóp bóligine kóbinese jaýyn-shashynsyz, salqyn aýa-raıyn ákeledi. Tek elimizdiń ońtústiginde, ońtústik-shyǵysynda atmosferalyq frontaldy bólimderdiń áserinen naızaǵaımen jańbyr, jekelegen aýdandarda qatty jańbyr jaýady, ońtústik-shyǵystyń taýly aımaqtarynda jaýyn–shashyn, keı ýaqyttarda qatty jaýyn-shashyn (jańbyr, qar) jaýady. Respýblıka boıynsha jel kúsheıedi, túngi jáne tańerteńgi saǵattarda tuman túsedi.

Túnde Batys Qazaqstan oblysynyń soltústiginde 2 gradýs aıaz kútiledi.

Aqtóbe, Qaraǵandy oblystarynda, Ulytaý, Jetisý oblystarynyń shyǵysynda, Batys Qazaqstan oblysynyń soltústiginde, soltústik-shyǵysynda, Qyzylorda oblysynyń soltústik-batysynda, Jambyl oblysynyń ońtústik-batysynda, ońtústik-shyǵysynda, Shyǵys Qazaqstan oblysynyń batysynda, ońtústiginde, ortalyǵynda, Qostanaı oblysynyń ońtústiginde, Abaı oblysynyń shyǵysynda, ortalyǵynda joǵary órt qaýipi saqtalady, Mańǵystaý oblysynyń shyǵysynda joǵary órt qaýipi kútiledi.

Mańǵystaý, Atyraý, Túrkistan, Qyzylorda, Jambyl, Batys Qazaqstan, Ulytaý oblystarynda, Abaı oblysynyń ońtústiginde, Jetisý oblysynyń batysynda, soltústiginde, ortalyǵynda, Qaraǵandy oblysynyń batysynda, shyǵysynda, Aqtóbe oblysynyń batysynda, ońtústiginde, ortalyǵynda tótenshe órt qaýpi saqtalady.