26 qyrkúıek. Tulǵalar týǵan kún

Qanat AHMETOV, qazaq trombonshysy, kompozıtor jáne mýzykalyq pedagog, dırıjer, Qazaqstan Respýblıkasynyń eńbek sińirgen qaıratkeri

1957 jyly Qaraǵandy qalasynda dúnıege kelgen. Máskeý memlekettik konservatorııasynyń orkestrlik fakýltetin (trombon synyby boıynsha) bitirgen (1981).

Eńbek joly: Máskeý mýzykalyq ansamblder qaýymdastyǵy orkestriniń ártisi (1978-1979); Máskeý memlekettik tsırk orkestriniń ártisi (1979-1982); oqytýshy (1982-1984); aǵa oqytýshy (1984 jyldan bastap); Qurmanǵazy atyndaǵy Almaty memlekettik konservatorııasynyń úrmeli jáne soqpaly aspaptar kafedrasynyń dotsent mindetin atqarýshy (1990); Qazaqstan Respýblıkasy Memlekettik úrmeli aspaptar orkestriniń bas dırıjeri – kórkem jetekshisi (1990-1996); Qazaqstan Respýblıkasy Qorǵanys mınıstrligi Ortalyq áskerı orkestriniń aǵa áskerı dırıjeri - kórkem jetekshisi (1996 jyldan bastap); Astana memlekettik fılarmonııasy sımfonııalyq orkestriniń bas dırıjeri (2008-2011).

Opera jáne sımfonııalyq dırıjerlik pániniń oqytýshysy; úrmeli aspaptar orkestrine arnalǵan «Winds of Kazakhstan» marshtarynyń, trombonǵa arnalǵan shyǵarmalardyń; jýrnaldar men gazetterdegi maqalalardyń avtory.

Laýra AHMETNIıAZOVA, QR DSM Medıtsınalyq baqylaý komıtetiniń tóraǵasy

1971 jyly Shyǵys Qazaqstan oblysynda dúnıege kelgen. Aqtóbe memlekettik medıtsına ınstıtýtyn «emdeý isi» mamandyǵymen; Ońtústik Qazaqstan memlekettik medıtsına akademııasyn (1997) bitirgen.

Eńbek joly: Shymkent qalasyndaǵy «Fosfor» MSB-da ýchaskelik terapevt (1993); OQO Medıtsınalyq saqtandyrý qorynyń «Densaýlyq» RMKK bas mamany (1997-2000); OQO Densaýlyq saqtaý basqarmasynyń bas mamany (2000-2005); Medıtsınalyq qyzmetterdiń sapasyn baqylaý komıteti Aqmola oblystyq basqarmasynyń bólim bastyǵy (2005-2006); QR DSM Medıtsınalyq qyzmetterdiń sapasyn baqylaý komıtetiniń bólim bastyǵy (2006-2008); «Ulttyq medıtsınalyq holdıng» AQ-nyń sapa menedjeri (2008-2009); QR DSM Medıtsınalyq jáne farmatsevtıkalyq qyzmetti baqylaý Komıteti basqarmasynyń bastyǵy (2009-2010); Astana qalasy Densaýlyq saqtaý basqarmasy bastyǵynyń orynbasary (2010-2011); QR DSM Strategııalyq damý departamenti dırektorynyń orynbasary (2011-2013); QR DSM Medıtsınalyq jáne farmatsevtıkalyq qyzmetti baqylaý komıtetiniń tóraǵasy (2013-2014); QR Densaýlyq saqtaý jáne áleýmettik damý mınıstrligi Strategııalyq damý departamenti dırektorynyń orynbasary (2014-2017); QR DSM medıtsınalyq kómekti uıymdastyrý departamentiniń dırektory (2017-2018); QR DSM Qoǵamdyq densaýlyq saqtaý komıteti tóraǵasynyń orynbasary (2018-2019); QR DSM Taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary (2019-2020); QR DSM Medıtsınalyq jáne farmatsevtıkalyq baqylaý komıteti tóraǵasynyń orynbasary (2020-2024); QR DSM Strategııa jáne damý departamentiniń dırektory (2024-2026).

Qazirgi laýazymyna 2026 jylǵy qyrkúıekte taǵaıyndaldy.

Sanjar ÁDІLOV, Qazaqstan Respýblıkasy Іshki ister mınıstriniń orynbasary

1977 jyly Almaty oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin (1999); Ekonomıka jáne quqyq akademııasyn (2006) bitirdi.

Eńbek joly: Almaty qalasy ІІB Áýezov aýdandyq ishki ister bóliminiń tergeýshisi, aǵa tergeýshisi (1999-2002); ár jyldary ol ishki ister organdarynyń tergeý bólimderinde (ishki ister jáne qarjy polıtsııasy), QR ІІM tergeý departamentinde jumys istedi; QR ІІM Áskerı tergeý komıteti bastyǵynyń orynbasary, bastyǵy (2012-2023); QR ІІM Tergeý komıteti Áskerı tergeý basqarmasynyń bastyǵy (2013); Astana qalasy Іshki ister departamenti bastyǵynyń orynbasary (2013-2019); QR ІІM Tergeý departamentiniń bastyǵy (2019-2023); Qaraǵandy ​​oblysy polıtsııa basqarmasynyń bastyǵy (2023-2024).

2024 jyldyń qarasha aıynan bastap qazirgi qyzmetinde.

ІІ dárejeli «Aıbyn» ordenimen marapattalǵan. Polıtsııa general-maıory.

Aqyljan AQYLBEKOV, Abaı oblysynyń jumyldyrý daıyndyǵy, aýmaqtyq jáne azamattyq qorǵanys basqarmasynyń basshysy

1981 jyly Abaı oblysynda dúnıege kelgen. Qazaqstan Respýblıkasy Ulttyq qaýipsizdik komıtetiniń Áskerı ınstıtýtyn «Bólimderdiń qyzmettik jáne jaýyngerlik qyzmetin basqarý» mamandyǵy boıynsha jáne Qazaq gýmanıtarlyq-zań ınnovatsııalyq ýnıversıtetin bitirgen.

Eńbek joly: Qazaqstan Respýblıkasy Ulttyq ulanynyń áskerı bólimderinde vzvod komandıri, rota komandıri, batalon komandıri, polk komandıri (2002-2019); Qazaqstan Respýblıkasy Ulttyq ulanynyń Daǵdarysqa qarsy oqý ortalyǵynyń nusqaýshysy (2019-2023); Abaı aýdany ákimi apparatynyń jumyldyrý daıyndyǵy jónindegi bas ınspektory (2023-2024).

Qazirgi laýazymyn 2024 jyldyń qyrkúıeginen bastap atqaryp keledi.

Sáken NURTAZAEV, QR Jasandy ıntellekt jáne tsıfrlyq damý mınıstrliginiń Tsıfrlyq aktıvter jáne serpindi tehnologııalar komıteti tóraǵasynyń orynbasary

1985 jyly Almatyda týǵan. Qazaq-Brıtan tehnıkalyq ýnıversıtetin ınjenerlik jáne tehnologııa mamandyǵy boıynsha (2007); Ulybrıtanııanyń Stırlıng ýnıversıtetin menedjment mamandyǵy boıynsha (2011) bitirgen.

Eńbek joly: QazTransGaz «Aımaq» óndiris bóliminiń jetekshi mamany (2007-2009); Qazaqstan Respýblıkasy Memlekettik qyzmet agenttiginiń taldaý jáne strategııalyq josparlaý bóliminiń sarapshysy (2009-2010); Qazaqstan Respýblıkasy Prezıdentiniń janyndaǵy Memlekettik basqarý akademııasynda sektor meńgerýshisi (2010-2012); ShQO ákiminiń bas ınspektory, Shemonaıha aýdany ákiminiń orynbasary, Semeı qalasy ákiminiń orynbasary (2012-2016); Oral qalasy ákimi apparatynyń basshysy (2016-07.2018); Batys Qazaqstan oblysy aqparattyq tehnologııalar, memlekettik qyzmetter jáne muraǵat departamentiniń basshysy (2018 jylǵy shilde – 2020 jylǵy jeltoqsan); Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aımaqtardy tsıfrlyq damytý departamentiniń dırektory (2020–2024).

Qazirgi qyzmetin 2024 jyldyń qazan aıynan beri atqaryp keledi.

Sergeı KOMPANIETs, QR Oqý-aǵartý vıtse-mınıstri

1986 jyly Aqmola oblysynda týǵan. Astana q. Basqarý ınstıtýtyn (2009); Shymkent q. Akademııalyq ınnovatsııalyq ýnıversıtetin (2011) Djordj Vashıngton Bıznes mektebin (2016) bitirgen.

Eńbek joly: «QR Memlekettik qyzmet isteri agenttiginiń Aqparat jáne synaq ortalyǵy» MM sıstemotehnıgi (2006); «Memlekettik qyzmet personalyn basqarýdyń ulttyq ortalyǵy» AQ Aqparattyq qamtamasyz etý, monıtorıng jáne baǵalaý departamentiniń dırektory; Shymkent qalasy ákimi apparatynyń Aqparattyq qaýipsizdik bóliminiń bastyǵy; «Shymkent» ÁKK» AQ basqarma tóraǵasynyń orynbasary; Qazaqstan Respýblıkasy Premer-Mınıstri keńsesiniń «Almas» memlekettik kásiporny dırektorynyń orynbasary; AMANAT partııasynyń Aqparattyq tehnologııalar ortalyǵynyń basshysy; Qazaqstan Respýblıkasy Qorǵanys mınıstrliginiń «Qazaqstan GIS ortalyǵy» AQ basqarma tóraǵasynyń orynbasary; «Logıstıka jáne tehnıkalyq qamtamasyz etý departamenti» memlekettik mekemesi bastyǵynyń orynbasary (2024-05.2026).

Qazirgi laýazymyn 2026 jyldyń mamyr aıynan beri atqaryp etedi.

Aısulý SÚLEIMENOVA, Quryltaı depýtaty

1991 jyly Qaraǵandy oblysy, Botaqara aýylynda týǵan. Qaraǵandy tehnıkalyq ýnıversıtetin «Avtomattandyrý jáne basqarý» mamandyǵymen bitirgen.

Eńbek joly: «Qazaqmys korporatsııasy» JShS IT-mamany (2011-2026); Qazaqstan paralımpıada quramasynyń múshesi.

Qazirgi laýazymyna 2026 jylǵy tamyzda saılandy.

"Shapaǵat" medalimen (2023), "Jaqsy adam-2023" arnaıy syılyǵymen marapattalǵan.

Taıyr JAROKOV, qazaq aqyny, aýdarmashy

1908 jyly Batys Qazaqstan oblysynyń Jánibek aýdanynda dúnıege kelgen. Abaı atyndaǵy Almaty memlekettik ýnıversıtetin, Lenıngradtyń tarıh, fılosofııa jáne ádebıet ınstıtýtynyń aspırantýrasyn bitirgen.

1932-1942 jyldary jańadan qurylǵan Qazaqstan Jazýshylar odaǵy uıymdastyrý komıtetiniń hatshysy, «Qazaq ádebıeti» gazeti redaktorynyń orynbasary, halyq aqyny J.Jabaevtyń ádebı hatshysy qyzmetterin atqarǵan. 1946-1965 jyldary Qazaqstan Jazýshylar odaǵy men Qazaqtyń memlekettik kórkem ádebıet baspasynda (qazirgi «Jazýshy» baspasy) jaýapty qyzmette bolǵan.

Aqynnyń alǵashqy óleńder jınaǵy 1932 jyly «Juldyz jaryǵy» degen atpen basylyp shyqqan.

Ár jyldarda «Nefstan», «Kommýnızm tańynda», «Motor jyry», «Kún til qatty», «Muz tutqyny», «Tasqyn», «Otan daýysy», «Naryn», «Tastaǵy jazý», «Sovet suńqarlary», «Baqyt jyrlary», «Japandy orman jańǵyrtty», «Koster basynda», «Qyrda týǵan qurysh», «Jyr qanaty», «Qumdaǵy daýyl», «Taý jyrlaıdy», «Teńiz balasy», «Tasqynǵa tosqyn» atty kitaptary jaryq kórgen.

Kórkem aýdarma salasynda A.Pýshkınniń «Tsygandar», «Kavkaz tutqyny», «Kolomnadaǵy kishkene úı», «Aǵaıyndy qaraqshylar», M.Lermontovtyń «Cherkester», Grıboedovtyń «Aqyldyń azaby», M.Alıgerdiń «Zoıa» jáne basqa týyndylardy qazaq tiline tárjimalaǵan.

Birneshe ordenmen marapattalǵan.