26 qyrkúıek kúni elordada ótetin mańyzdy is-sharalar ańdatpasy
«QazAqparat» halyqaralyq aqparat agenttigi 26 qyrkúıek kúni Astanada ótetin mádenı jáne qoǵamdyq mańyzdy sharalar ańdatpasyn usynady.
9.00-de Astana Hub-ta Indýstrııa 4.0: aqyldy ónerkásiptik óndiristiń ozyq tájirıbeleri» taqyrybynda halyqaralyq «Tsıfrlyq transformatsııa» sharasy ótedi.
Sharany QR Ónerkásip jáne qurylys mınıstrligi men «Qazindustry» Qazaqstandyq ındýstrııa jáne eksport ortalyǵy» «Tsıfrlyq ekonomıka» AQ birlesip uıymdastyrady.
9.30-da Astana IT ýnıversıtetinde QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aqparattyq tehnologııalar salasyn damytý departamenti jobalardy basqarýdyń zamanaýı tehnologııalary men ádisteri boıynsha EdTech Master-class ótkizedi.
10.00-de Úkimet úıinde kezekti Úkimet otyrysy ótedi. Kún tártibinde alǵashqy medıtsınalyq-sanıtarlyq kómektiń qoljetimdiligin arttyrý; stıhııalyq qoqystardy joıý máseleleri qaralady. Translıatsııa PrimeMinister.kz saıtynda, YouTube resmı arnasynda, Facebook áleýmettik jelilerinde, sondaı-aq UKIMET Telegram-kanalynda kórsetiledi.
11.00-de «Samuryq-Qazyna» AQ Korporatıvtik basqarý, áleýmettik-eńbek máseleleri jáne eńbekti qorǵaý jónindegi basqarýshy dırektory Ǵıbrat Aýǵanovtyń qatysýymen 8 aıda atqarylǵan jumys týraly baspasóz brıfıngi ótedi.
11.00-de Astana qalasy Kommýnıkatsııalar qyzmetinde «Zeınetkerlerge áleýmettik qyzmet kórsetý týraly» onlaın brıfıng ótedi. Spıker: Astana qalasynyń Jumyspen qamtý jáne áleýmettik qorǵaý basqarmasy basshysynyń orynbasary Erkebulan Málik. Onlaın baspasóz konferentsııasy Astana qalasy kommýnıkatsııalar qyzmetiniń Facebook-tegi facebook.com/rsk.astana01resmı paraqshasynda tikeleı efırde ótedi.
15.00-de QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń Qazaqstan halqyna Joldaýynda aıtylǵan tapsyrmalaryn oryndaý jáne qart adamdardy áleýmettik qoldaý týraly» baspasóz máslıhaty ótedi. Spıker: QR Eńbek jáne halyqty áleýmettik qorǵaý mınıstri Jaqypova Svetlana Qabykenqyzy. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz15.00-de QR Prezıdenti janyndaǵy Qazaqstannyń strategııalyq zertteýler ınstıtýty jáne Nazarbayev University QSZI jetekshi sarapshysy Mıras Jıenbaevtyń «Widening the Scope: How Middle Powers are Changing Liberal Institutionalism» kitabynyń tusaýkeserin ótkizedi.
15.00-de QR Travmotologııa jáne ortopedııa ulttyq ǵylymı ortalyǵynda QR Densaýlyq saqtaý mınıstri Ajar Ǵınııat, «SK-Farmatsııa» JShS Basqarma tóraǵasy E. S. Esqalıev Japonııa elshisimen birlesip, jańa kompıýterlik tomografııa kabınetiniń ashylý saltanatyn ótkizedi.
15.00-de «Egemen Qazaqstan» gazetiniń redaktsııasynda tuńǵysh qazaq ǵaryshkeri, Qazaqstannyń Halyq Qaharmany Toqtar Áýbákirovpen kezdesý jáne «Er Toqtar» kitabynyń tusaýkeseri ótedi.
15.00-te Májiliste Agrarlyq máseleler jónindegi komıtet, ekologııa jáne tabıǵatty paıdalaný máseleleri jónindegi komıtet jáne zańnama jáne sot-quqyqtyq reforma jónindegi komıtet taqyryptyq otyrystaryn ótkizedi. Otyrystar Májilistiń saıtynda jáne áleýmettik jelilerdegi akkaýnttarynda kórsetiledi.
19.00-de Jas kórermenderdiń mýzykalyq teatrynda «Shámshi» mıýzıkli qoıylady.