26 qazanǵa arnalǵan aýa raıy boljamy
ASTANA. 25 qazan. QazAqparat - Qazaqstan aýmaǵynyń basym bóliginde atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi, jekelegen aýdandarda tuman túsedi dep kútilýde. Bul týraly «Qazgıdromet» RMK-ǵa silteme jasap QR TJM baspasóz qyzmetinen habarlady.
Aqmola oblysynda keı jerlerde 15-20 m/s jel soǵady, túnde jáne tańerteń keı jerlerde tuman túsedi. Ońtústik Qazaqstan, Soltústik Qazaqstan, Shyǵys Qazaqstan oblystarynda, kúndiz Almaty, Batys Qazaqstan oblystarynda keı jerlerde jel 15-20 m/s-qa deıin kúsheıedi. Qostanaı oblysynda túnde jáne tańerteń keı jerlerde tuman túsedi, tańerteń jáne kúndiz kóktaıǵaq bolady, kúndiz keı jerlerde 15-20 m/s jel soǵady. Qyzylorda oblysynda túnde keı jerlerde tuman túsedi, kúndiz keı jerlerde 15-20 m/s jel soǵady.
Aldaǵy úsh táýlikte respýblıkanyń ońtústigi, shyǵysy jáne ońtústik-shyǵysynyń ózenderinde sý deńgeıi turaqsyz bolady dep kútilýde. Qazaqstannyń soltústik bóliginiń sý nysandarynda birte-birte sý betiniń salqyndaýy baıqalady.
