26 qazanda birqatar óńirde tuman túsip, órt qaýpi artady – Qazgıdromet

ASTANA. KAZINFORM - Qazgıdromet 26 qazanda aýa raıyna baılanysty birqatar óńirde eskertý jarııalady.

Sınoptıkterdiń boljamy boıynsha, elimizdiń basym bóliginde aýa raıy qubylyp, jel kúsheıedi, tuman túsip, órt qaýpi artady.

Mańǵystaý oblysynda túnde jáne tańerteń tuman túsedi. Óńirde joǵary órt qaýpi saqtalady.

Aqmola oblysynyń batysy, soltústigi men shyǵysynda tuman túsedi. Oblystyń ońtústik-batysynda órt qaýpi joǵary.

Jambyl oblysynda kúndiz naızaǵaı oınap, jeldiń ekpini 20 m/s-qa deıin jetedi. Túnde jáne tańerteń taýly aýdandarda tuman túsedi. Óńirdiń batysy men soltústiginde órt qaýpi óte joǵary. Taraz qalasynda da órt qaýpi kúsheıedi.

Abaı oblysynyń ońtústigi men ortalyǵynda jel soltústik baǵytqa aýysyp, 20 m/s-qa deıin kúsheıedi. Óńirdiń ońtústiginde órt qaýpi joǵary. Aqtóbe oblysynda da órt qaýpi óte joǵary.

Jetisý oblysynda Alakól mańynda jeldiń ekpini 20 m/s-qa jetedi. Shyǵys Qazaqstan oblysynda da jel kúsheıedi. Atyraý óńiriniń ońtústigi men shyǵysynda órt qaýpi óte joǵary, al soltústik-shyǵysy men ońtústik-shyǵysynda ortasha joǵary bolady. Oblys ortalyǵynda da jaǵdaı osyndaı.

Túrkistan oblysy men Shymkent qalasynda órt qaýpi óte joǵary. Ulytaý oblysynyń soltústigi men shyǵysynda túnde kóktaıǵaq bolady. Óńirdiń basym bóliginde órt qaýpi joǵary, ońtústiginde óte joǵary.

Batys Qazaqstan, Qostanaı, Pavlodar, Soltústik Qazaqstan jáne Qaraǵandy oblystarynyń kóptegen aýdanynda túnde jáne tańerteń tuman túsedi. Bul óńirlerdiń keı aımaqtarynda órt qaýpi joǵary.

Aıta keteıik, «QazAvtoJol» úsh óńirdiń júrgizýshilerine eskertý jasady.