26 qazan. Týǵan kún ıeleri
ESІMDER
114 jyl buryn (1904-1989) memleket jáne qoǵam qaıratkeri Nurtas Dándibaıuly OŃDASYNOV dúnıege keldi.
Ońtústik Qazaqstan oblysy Túrkistan aýdanynda týǵan.
1920-1926 jyldary Tashkenttegi qazaq mektep-ınternatynda tárbıelenip, Túrkistan orman tehnıkýmynda oqyǵan. BK(b)P Ortalyq Komıteti janyndaǵy Joǵary partııa mektebin bitirgen.
1926-1930 jyldary Qyzylorda oblystyq orman sharýashylyǵy ormanshysynyń kómekshisi, sý sharýashylyǵy bóliminiń statısti, Jambyldaǵy Talas zertteý partııasynyń kishi tehnıgi, Shymkent oblystyq sý sharýashylyǵy bóliminiń tehnıgi bolǵan. 1931-1938 jyldary - Tashkent ırrıgatsııa ınstıtýtynyń bólim meńgerýshisi, keńshar dırektorlaryn daıarlaıtyn kýrs dırektorynyń orynbasary, Qazaq orman sharýashylyǵy tresi dırektorynyń orynbasary, dırektory, Qazaq KSR Jer halkomaty basqarmasynyń bastyǵy. 1938 jyly - Shyǵys Qazaqstan oblystyq atqarý komıtetiniń tóraǵasy. 1938-1951 jyldary - Qazaq KSR Halyq Komıssarlar Keńesiniń tóraǵasy. 1954-1962 jyldary - Qazaq KSR Joǵarǵy Keńesi Tóralqasy tóraǵasynyń orynbasary, tóraǵasy, Gýrev (Atyraý) oblystyq atqarý komıtetiniń tóraǵasy, Gýrev oblystyq partııa komıtetiniń 1-hatshysy.
Ulttyq kadrlar daıyndaýǵa úlken kóńil bólgen. 1946 jyly Qazaq KSR-niń Ǵylym Akademııasyn qurýǵa atsalysqan. 1962 jyldan Máskeýde ǵylymı jumystarmen aınalysty. Arab-qazaq, parsy-qazaq túsinikteme sózdikteriniń avtory.
Eki márte Eńbek Qyzyl Tý, úsh márte Lenın ordenimen marapattalǵan. Týǵan aýylyna, ondaǵy orta mektep pen kóshelerge esimi berilgen.
54 jyl buryn (1964) QR Parlamenti Senatynyń depýtaty Edil Qulamqadyruly MAMYTBEKOV dúnıege keldi.
Jambyl oblysynda týǵan. A.Jdanov atyndaǵy Lenıngrad memlekettik ýnıversıtetin jáne onyń aspırantýrasyn bitirgen.
1991-1996 jyldary ál-Farabı atyndaǵy Qazaq memlekettik ýnıversıtetinde oqytýshylyq jáne ákimshilik qyzmet atqarǵan. 1996-1998 jyldary - Úkimet Apparatynyń, Premer-Mınıstr Keńsesiniń jaýapty qyzmetkeri. 1998-2007 jyldary -uıymdastyrýshylyq-baqylaý bóliminiń bas eksperti, áleýmettik-ekonomıkalyq taldaý bóliminiń bas eksperti, sektor meńgerýshisi, bólim meńgerýshisi, Prezıdent Ákimshiliginiń ekonomıkalyq saıasat basqarmasynyń bas ınspektory. 2007-2008 jyldary Prezıdent Ákimshiliginiń áleýmettik-ekonomıkalyq taldaý bóliminiń meńgerýshisi qyzmetterin atqarǵan. 2008-2009 jyldary - QR Indýstrııa jáne saýda vıtse-mınıstri. 2010 jylǵy qazannan EýrAzEQ janyndaǵy Keden odaǵy komıssııasynyń jaýapty hatshysynyń orynbasary. 2014-2015 jyldary Astana qalasy ákimi apparatyniń basshysy. 2015-2017 jyldary «Nur Otan» partııasynyń Astana qalalyq fılıaly tóraǵasynyń orynbasary. Qazirgi qyzmetinde 2017 jyldyń maýsym aıynan beri.
Ǵylymı basylymdardyń, matematıka men ekonomıka mamandyǵy boıynsha stýdentterge arnalǵan oqý quraldarynyń avtory. Fızıka-matematıka ǵylymynyń kandıdaty, dotsenti, Qazaqstan Respýblıkasy jaratylystaný ǵylymdary akademııasynyń korrespondent múshesi.
Qurmet gramotasymen, medaldarmen marapattalǵan.
47 jyl buryn (1971) Qazaqstan Respýblıkasy Bilim jáne ǵylym vıtse-mınıstri Elmıra Amangeldiqyzy SÝHANBERDIEVA dúnıege keldi.
Atyraý oblysynda dúnıege kelgen. 1995 jyly Ál-Farabı atyndaǵy Qazaq memlekettik ulttyq ýnıversıtetin támamdaǵan.
Atyraý oblysy Shevchenko qalasynyń № 16 orta mektebi tarıh pániniń muǵalimi, Taldyqorǵan oblysy «Altynaı» balabaqshasynyń tárbıeshisi, Taldyqorǵan oblysy № 53 Mataı orta mektebi tarıh pániniń muǵalimi, Almaty oblysy Energetıcheskıı kenti № 38 mektep-gımnazııasy tarıh pániniń muǵalimi, dırektordyń oqý-tárbıe jumysy boıynsha orynbasary bolǵan. Keıin Almaty oblysy Іle aýdany ákimi apparatynyń uıymdastyrý-kadrlyq jumys jónindegi bas mamany, Almaty qalasyndaǵy «Aı-Nur» jeke lıngvıstıkalyq gımnazııasynyń atqarýshy dırektory, Іle aýdany № 7 orta mektebiniń dırektory, «Qazaqstan Respýblıkalyq teleradıokorporatsııasy» AQ ákimshilik-quqyqtyq basqarmasy kadr bóliminiń bastyǵy, «Qazaqstan Respýblıkalyq teleradıokorporatsııasy» AQ ákimshilik-quqyqtyq basqarmasynyń bastyǵy, «Qazaqstan Respýblıkalyq teleradıokorporatsııasy» AQ apparatynyń basshysy qyzmetterin atqarǵan.
2009 jyly Astana qalasyndaǵy «Arna Media Services» JShS ákimshilik-quqyqtyq jumys boıynsha bas dırektordyń orynbasary m.a., № 60 mektep-lıtseıiniń dırektory, «Astana qalasynyń Bilim basqarmasy» MM basshysy retinde eńbek etken.
Qazirgi qyzmetine 2018 jyldyń qyrkúıeginde qaıtadan taǵaıyndaldy. Ol bul qyzmetke 2016 jyly kelgen bolatyn.
37 jyl buryn (1981) Qazaqstan Respýblıkasy Investıtsııalar jáne damý vıtse-mınıstri Tımýr Serikuly TOQTABAEV dúnıege kelgen.
QR Ulttyq qaýipsizdik komıteti akademııasynyń túlegi. Sh.Ýálıhanov atyndaǵy Kókshetaý memlekettik ýnıversıtetin «qarjyger» mamandyǵy boıynsha, Q.Sátbaev atyndaǵy ulttyq tehnıkalyq ýnıversıtetin «Geologııa jáne paıdaly qazba kenishterin barlaý» mamandyǵy boıynsha bitirdi. 2003 jyldan beri memlekettik qyzmette. 2006 jyly Geologııa jáne jer qoınaýyn paıdalaný komıtetine qarasty «Qazgeoınform» geologııalyq málimetter ortalyǵy jetekshisiniń orynbasary, «Taýken-samuryq» ulttyq taý ken kompanııasynda departament dırektory qyzmetterin atqarǵan.
2013-2016 jyldary QR Investıtsııalar jáne damý mınıstrligi Jer qoınaýyn paıdalaný departamentiniń dırektory boldy. 2016 jyldyń qańtarynan bastap QR IDM Ádep jónindegi ýákiletti ókili.
Qazirgi qyzmetinde - 2016 jyldyń shildesinen beri.
134 jyl buryn (1883-1970) amerıkalyq fılosof, jazýshy Napoleon HILL dúnıege keldi.
70 jyl buryn (1947) amerıkalyq saıasatker, AQSh-tyń burynǵy birinshi hanymy Hılları Rodem KLINTON dúnıege keldi.