26 qazan kúni elordada ótetin mańyzdy sharalar ańdatpasy
Kazinform halyqaralyq aqparat agenttigi 26 qazan kúni Astanada ótetin mádenı jáne qoǵamdyq mańyzdy sharalar ańdatpasyn usynady.
9.00-de «Astana Zdorovie Densaýlyq saqtaý» – 2023 qazaqstandyq halyqaralyq kórmesi sheńberinde «GLOBAL PHARM» III Halyqaralyq farmatsevtıka forýmy ótedi.
9.30-da Hilton Astana qonaq úıinde «Ózgeris dáýirindegi eńbek naryǵy: syn-tegeýrinder, jańartýlar jáne perspektıvalar» atty halyqaralyq konferentsııa ótedi.
10.00-de Senat tóraǵasynyń ókimine sáıkes palata otyrysy ótedi.
Kún tártibinde Májilis qabyldaǵan «Qazaqstan Respýblıkasy men Kıpr Respýblıkasy arasyndaǵy ustap berý týraly shartty ratıfıkatsııalaý týraly» QR Zańy, «Qazaqstan Respýblıkasy men Kıpr Respýblıkasy arasyndaǵy qylmystyq ister boıynsha quqyqtyq kómek týraly shartty ratıfıkatsııalaý týraly» QR Zańy qaralady.
11.00-de Bolashaq energııasy murajaıyna baspasóz týry ótedi. Onda murajaı boıynsha sholý ekskýrsııasy jáne «QazExpoCongress» UK» AQ qyzmetiniń tanystyrylymy ótedi.
12.00-de QR Prezıdenti janyndaǵy ortalyq kommýnıkatsııalar qyzmetinde «Ulttyq qor - balalarǵa» jobasy» týraly baspasóz máslıhaty ótedi.
Spıkerler: QR Qarjy vıtse-mınıstri Dáýren Temirbekov; «Biryńǵaı jınaqtaýshy zeınetaqy qory» AQ Basqarma tóraǵasy Janat Qurmanov; «Biryńǵaı jınaqtaýshy zeınetaqy qory» AQ basqarýshy dırektory Murat Sháripov.
Kórsetilim siltemeleri: youtube, facebook.
15.00-de ForteBank bas keńsesinde Qazaqstannyń HR-menedjerler qaýymdastyǵy men QR Eńbek jáne halyqty áleýmettik qorǵaý mınıstrliginiń qatysýymen «Kásiptik biliktilik týraly» dóńgelek ústel ótedi.
16.00-de Astana qalasy máslıhatynyń qurylys, ekologııa, kólik jáne turǵyn úı-kommýnaldyq sharýashylyq máseleleri jónindegi turaqty komıssııasynyń otyrysy ótedi.
17.00-de Prezıdent ortalyǵynda Qazaqstan onkologtary men radıologtarynyń IX Sezi ótedi.
Sezd Dúnıejúzilik densaýlyq saqtaý uıymynyń qurylǵanyna 75 jyl, DDSU-nyń halyqaralyq konferentsııasynyń Almaty deklaratsııasyna qol qoıylǵanyna 45 jyl, Astana deklaratsııasynyń 5 jyldyǵyn atap ótetin Halyqaralyq konferentsııaǵa oraılastyrylǵan.
18.00-de elordalyq M.Gorkıı atyndaǵy orys drama teatry kúrdeli jóndeýden ótken tarıhı ǵımaratta 123-shi teatr maýsymnyń ashylýyna baılanysty baspasóz máslıhatyn ótkizedi.
19.00-de Jas kórermenderdiń mýzykalyq teatrynda «Mahabbat bar ma?» lırıkalyq komedııasy sahnalanady.
19.00-de Jastar teatrynda «Prank mahabbat» komedııasy qoıylady.
19.00-de Astana Opera teatrynda balet keshi ótedi.
