26 qazan. Kazinform kúntizbesi. Jylnama
Kazinform oqyrman nazaryna 26 qazanǵa arnalǵan ataýly kúnder men este qalar oqıǵalar kúntizbesin usynady.
ESTE QALAR OQIǴALAR
1964 jyly Qazaqstan Kompartııasy Ortalyq Komıteti men Qazaq KSR Mınıstrler Keńesiniń qaýlysymen Tselınograd qalasynda medıtsınalyq ınstıtýt ashyldy. 1997 jyly ınstıtýt medıtsınalyq akademııa bolyp qaıta quryldy. Al 2009 jylǵy 6 qańtarda Qazaq medıtsınalyq akademııasy «Astana medıtsına ýnıversıteti» AQ bolyp qaıta uıymdastyrylyp, «Ulttyq medıtsınalyq holdıng» AQ quramyna endi.
2010 jyly Belgııa Koroldiginde Qazaqstan men Belgııa arasyndaǵy Іskerlik keńes qurý týraly sheshim qabyldandy.
2010 jyly Shymkent qalasynda Ońtústik Qazaqstan oblysynyń dańqty sportshylary alleıasy ashyldy. Qajymuqan atyndaǵy ortalyq stadıon aldyndaǵy alańǵa esimderi qashalǵan 28 áıgili sportshynyń aty jazylǵan granıt taqtalar ornatyldy. Olardyń qatarynda boksshy Bekzat Sattarhanov, gımnastshylar Nellı Kım men Álııa ıÝsýpova, balýan Bısolt Detsıev bar.
2011 jyly Malaızııadaǵy Qazaqstan Respýblıkasynyń elshiliginiń uıymdastyrýymen Kýala-Lýmpýr qalasynda qazaqstandyq zamanaýı sýretshilerdiń kórmesi ashyldy. Almatydaǵy «Óner» art-salony usynǵan 100-den astam kartınada qazaq halqynyń tarıhy men mádenıeti, dástúrleri men qundylyqtary, uly dalanyń rýhy beınelendi.
2015 jyly Italııa muraǵaty Qazaqstanǵa Deshti Qypshaq dáýirinde jazylǵan «Kodeks Kýmanıkýs» («Qypshaq tilderiniń sózdigi») eńbeginiń elektrondy nusqasyn usyndy. Bul — teńdesi joq biregeı tarıhı mura. Osy derekkózder negizinde jeke kitap shyǵarý múmkindigi qarastyryldy.
2015 jyly Varshava qalasynda Eýropa kásibı fýtbol lıgalary qaýymdastyǵynyń (EPFL) Bas assambleıasy ótip, onyń qorytyndysy boıynsha Qazaqstannyń Kásibı fýtbol lıgasy uıym quramyna qabyldandy. Osylaısha Qazaqstannyń Kásibı fýtbol lıgasy EPFL quramyndaǵy Eýropanyń 24-kásibı lıgasy atandy. Qazaqstan Reseı, Ýkraına jáne Ázerbaıjannan keıin atalǵan uıymǵa múshe bolǵan burynǵy KSRO elderiniń tórtinshisi boldy.
2017 jyly rejısser Sábıt Qurmanbekovtiń Aýǵanstannan tarıhı Otanyna oralǵan qazaq otbasynyń taǵdyryn baıandaıtyn «Oralman» kórkem fılmi Italııada ótken XX halyqaralyq «Religion Today» kınofestıvalinde sheteldik qazylar alqasynyń sheshimimen «Úzdik kórkem fılm» júldesin ıelendi. Sonymen qatar fılm Dúnıejúzilik katolıktik kommýnıkatsııalar qaýymdastyǵynyń (SIGNIS) táýelsiz qazylar alqasynyń arnaıy marapatyna laıyq dep tanyldy.
2018 jyly Shyǵys Qazaqstan oblysynyń Úrjar aýdanynda bıologııalyq jáne landshaftyq alýan túrlilikti saqtaý maqsatynda «Tarbaǵataı» ulttyq parki ashyldy. Parktiń aýmaǵy 143 550,5 gektardy, al qorǵaý aımaǵy 204 602 gektardy quraıdy. Munda Qyzyl kitapqa engizilgen endemık ósimdikterdiń 35-ten astam túri ósedi. Sonymen qatar park aýmaǵynda 1 640 ósimdik túri anyqtalǵan, olardyń arasynda dárilik ósimdikter de kóp.
2019 jyly Shveıtsarııanyń Tramelan qalasynda ótken aýyr atletıkadan 49-shy «Challenge 210» halyqaralyq týrnırinde qazaqstandyq Raýshan Meshithanova 81 kelige deıingi salmaq dárejesinde top jardy. Sportshy qos saıys qorytyndysy boıynsha 205 keli (95+110) kóterip, týrnırdiń altyn medalin jeńip aldy.
2023 jyly ıtalııalyq trevel-blogerler Damarıde men Franchesko Qazaqstanǵa kelip, eldiń kórikti jerlerine tánti boldy. Olar áleýmettik jelilerde Túrkistan qalasynan túsirilgen beınerolık jarııalap, Qazaqstannyń týrıstik áleýeti áli de keńinen tanyla qoımaǵanymen, kóptegen ásem oryndarǵa baı ekenin atap ótti.
— Sonyń ishinde Qazaqstannyń ońtústigindegi Túrkistan qalasynda ornalasqan Qoja Ahmet ıAsaýı kesenesi de bar. 2002 jyly ol ıÝNESKO-nyń Búkilálemdik muralar tizimine engen Qazaqstandaǵy alǵashqy nysan atandy. Bıiktigi 39 metr bolatyn keseneni parsy sheberleri kúıdirilgen kirpish pen saz qospasynan turǵyzyp, Ortalyq Azııadaǵy eń úlken kúmbezben kómkergen, — dep atap ótti Damarıde men Franchesko.
2024 jyly Premer-mınıstr Oljas Bektenovtiń tóraǵalyǵymen ótken keńeste bıznestiń belsendiligin baqylaýǵa arnalǵan jańa aqparattyq platforma tanystyryldy. Platformada 2 myń otandyq kásiporynnyń óndiristik júktemesi, ónimderi, syrtqy saýdasy, qyzmetkerler sany jáne jasalǵan kelisimsharttary týraly málimetter qamtylǵan. Júıe memlekettik organdarǵa bıznesti qoldaý sharalaryn taldap, tıisti sheshimderdi jedel qabyldaýǵa múmkindik beredi.
2025 jyly Anel Tashbaı jasóspirimder arasyndaǵy Azııa oıyndarynda altyn medal jeńip aldy. Ol jeke ýaqytqa jarysý saıysynda 17:06.05 nátıjesimen márege jetip, jeńimpaz atandy.
2025 jyly Bahreınde ótken jasóspirimder arasyndaǵy Azııa oıyndarynda Evgenıı Vasenkın altyn, al Nuralı Mahmut kúmis medal jeńip aldy. Evgenıı 55 kelige deıingi salmaq dárejesiniń fınalynda ózbekstandyq Asadbek Samandarovty 2:0 esebimen jeńip, chempıon atandy. Al taekvondodan 63 kelige deıingi salmaq dárejesinde synǵa túsken Nuralı Mahmut fınalda ózbekstandyq Omadbek Otabekovke ese jiberip, kúmis júldeger atandy.
