26 qazan. Kazinform kúntizbesi. Tulǵalar týǵan kún

Qylyshbek ІZBASHANOV, «Qazindustry» AQ Dırektorlar keńesiniń tóraǵasy 

1953 jyly dúnıege kelgen. 1975 jyly V. I. Lenın atyndaǵy Qazaq polıtehnıkalyq ınstıtýtyn ınjener-metallýrg mamandyǵy boıynsha bitirgen.

Eńbek jolyn Óskemen qorǵasyn-myrysh kombınatynda kúıdirýshi bolyp bastaǵan. Shymkent qorǵasyn zaýytynda balqytýshy, balqytý tsehynyń bastyǵy qyzmetterin atqarǵan. Memlekettik múlik jónindegi memlekettik komıtette, holdıngtik kompanııada, Ońtústik Qazaqstan oblysy men Shymkent qalasynyń ákimdikterinde, «Qazaqstan temir joly» jáne «Qazaqstan ınjınırıng» ulttyq kompanııalarynda basshylyq qyzmetterde bolǵan. «Taý-Ken Samuryq» AQ-da jobalardy iske asyrý jónindegi basqarýshy dırektor, óndiristik qyzmet jónindegi basqarma tóraǵasynyń orynbasary qyzmetterin atqarǵan. 2021 jyly «QazIndustry» AQ-nyń táýelsiz dırektory, sondaı-aq «Ónerkásipti damytý qory» AQ-nyń táýelsiz dırektory jáne Dırektorlar keńesiniń múshesi boldy. «Ónerkásipti damytý qory» AQ Dırektorlar keńesiniń strategııalyq josparlaý jáne korporatıvtik damý jónindegi komıtetiniń tóraǵasy, táýekelder, kadrlar, syıaqylar jáne áleýmettik máseleler, sondaı-aq aýdıt jónindegi komıtetterdiń múshesi boldy. Keıin «Ónerkásipti damytý qory» AQ Dırektorlar keńesiniń tóraǵasy atandy.

«Qurmet», «Parasat» ordenderimen, Qazaqstan Respýblıkasynyń «Qurmetti mashına jasaýshy» tósbelgisimen jáne «KSRO-nyń qurmetti metallýrgi» ataǵymen marapattalǵan.

Janbolat JÓRGENBAEV, Qazaqstannyń memlekettik qaıratkeri

1960 jyly Almaty oblysynyń Kegen aýdanynda dúnıege kelgen. 1987 jyly V. I. Lenın atyndaǵy Qazaq polıtehnıkalyq ınstıtýtyn ınjener-mashına jasaýshy mamandyǵy boıynsha, 1987 jyly Búkilodaqtyq Agroónerkásip basshy kadrlary ınstıtýtyn, 1997 jyly D. A.Qonaev atyndaǵy gýmanıtarlyq ýnıversıtetti «quqyqtaný» mamandyǵy boıynsha bitirgen.

Eńbek joly: 1992 jyly «Qarqara» keńsharynda jumysshy bolyp eńbek etken. 1992-1993 jyldary Talǵar aýdanyndaǵy Almaty mal bordaqylaý keńsharynda ınjener, jylý tehnıgi, aýylsharýshylyq daqyldaryn ósirý brıgadıri, aǵa ınjener boldy. 1992-1993 jyldary «Dýlat» shaǵyn memlekettik kásiporny dırektorynyń orynbasary qyzmetterin atqarǵan. 1993-1997 jyldary Kırov aýyldyq keńesi tóraǵasynyń orynbasary, Talǵar aýdany Kırov aýyldyq okrýginiń ákimi bolǵan. 1997-1999 jyldary Almaty oblysy Taldyqorǵan aýdany ákiminiń orynbasary qyzmetin atqarǵan. 1999-2001 jyldary Qapshaǵaı qalasy ákiminiń birinshi orynbasary, 2001-2003 jyldary Almaty oblysy Qarasaı aýdany ákiminiń orynbasary, 2003 jyly Qarasaı aýdany Qaskeleń qalasy ákiminiń orynbasary boldy. 2003-2005 jyldary «Idıl-Aksý» konsortsıýmy» JShS jobasynyń jetekshisi, 2005-2006 jyldary «AQSÝ» AQ vıtse-prezıdenti, 2006-2009 jyldary Dırektorlar keńesiniń tóraǵasy bolǵan. 2009 jyly «Qarasaı Qurylys» JShS-nyń keńesshisi, quryltaıshysy ári bas dırektory qyzmetterin atqarǵan. 2019 jylǵy jeltoqsannan 2021 jylǵy qańtarǵa deıin «Nur Otan» partııasy Almaty oblystyq fılıaly tóraǵasynyń birinshi orynbasary, 2021 jylǵy qańtardan 2022 jylǵy mamyrǵa deıin Almaty oblystyq máslıhatynyń hatshysy bolǵan. 2022-2026 jyldary Almaty oblysynan Qazaqstan Respýblıkasy Parlamenti Senatynyń depýtaty boldy.

Oraz JANDOSOV, «ForteBank» AQ-nyń táýelsiz dırektory

1961 jyly Almaty qalasynda dúnıege kelgen. 1983 jyly M. V. Lomonosov atyndaǵy Máskeý memlekettik ýnıversıtetiniń ekonomıka fakýltetin ekonomıst-kıbernetık mamandyǵy boıynsha, 1986 jyly osy ýnıversıtettiń aspırantýrasyn bitirgen.

Eńbek joly: 1987 jyly Qazaq KSR Ǵylym akademııasynyń Ekonomıka ınstıtýtynda kishi ǵylymı qyzmetker, 1991 jyly QR Prezıdenti janyndaǵy Joǵary ekonomıkalyq keńestiń konsýltanty, bólim meńgerýshisi, 1992 jyly QR Ekonomıka mınıstrligi janyndaǵy Sheteldik ınvestıtsııalar jónindegi ulttyq agenttik tóraǵasynyń orynbasary, tóraǵasy, QR ekonomıka mınıstriniń birinshi orynbasary boldy. 1994 jyly QR Ulttyq banki tóraǵasynyń birinshi orynbasary, 1996-1998 jyldary QR Ulttyq bankiniń tóraǵasy, 1998 jyly QR Premer-Mınıstriniń birinshi orynbasary — QR Investıtsııalar jónindegi memlekettik komıtetiniń tóraǵasy qyzmetine taǵaıyndaldy. 1999 jylǵy qańtar-qazan aralyǵynda QR Premer-Mınıstriniń orynbasary — QR Qarjy mınıstri, 1999-2000 jyldary «KEGOC» qazaqstandyq elektr jelilerin basqarý kompanııasynyń prezıdenti, 2000-2001 jyldary QR Premer-Mınıstriniń orynbasary boldy. 2001-2002 jyldary QR Qarjygerler qaýymdastyǵy keńesiniń tóraǵasy. 2003 jylǵy qańtar-maýsym aralyǵynda QR Prezıdentiniń kómekshisi, 2003-2006 jyldary QR Tabıǵı monopolııalardy retteý jáne básekelestikti qorǵaý agenttiginiń tóraǵasy, 2008 jyly «Rakýrs» ekonomıkalyq taldaý ortalyǵynyń dırektory qyzmetin atqardy. 2022 jyly QR Tsıfrlyq damý, ınnovatsııalar jáne aeroǵarysh ónerkásibi mınıstriniń keńesshisi bolyp taǵaıyndaldy.

Qazirgi qyzmetin 2026 jylǵy shildeden bastap atqaryp keledi.

2003 jyly «Qurmet» ordenimen marapattalǵan.

Aqan JUMAǴULOV, Qylmystyq ister jónindegi kassatsııalyq sottyń tóraǵasy

1971 jyly Shyǵys Qazaqstan oblysynda dúnıege kelgen. 1994 jyly E.A. Bóketov atyndaǵy Qaraǵandy memlekettik ýnıversıtetin quqyqtaný mamandyǵy boıynsha bitirgen.

Eńbek joly: 1988-1989 jyldary Zaısan avtokólik kásipornynyń slesari, 1993-1994 jyldary Shyǵys Qazaqstan oblysy kólik prokýratýrasynyń tergeýshisi, prokýrordyń kómekshisi, aýdandyq prokýrordyń orynbasary, Shyǵys Qazaqstan oblysy prokýratýrasy basqarmasynyń prokýrory, 1994-1996 jyldary Óskemen qalasy Oktıabr aýdany prokýratýrasynyń aǵa tergeýshisi, 1996-1997 jyldary Shyǵys Qazaqstan oblysy prokýratýrasynyń tergeý basqarmasynyń prokýrory boldy. 1997 jylǵy sáýir-tamyz aralyǵynda Óskemen qalasy prokýrorynyń kómekshisi, 1997-1998 jyldary Shyǵys Qazaqstan oblystyq prokýratýrasynyń tergeý basqarmasynyń prokýrory, 1998-2000 jyldary Shyǵys Qazaqstan oblysy Katonqaraǵaı aýdany prokýrorynyń orynbasary, 2000-2001 jyldary Óskemen qalasy prokýrorynyń kómekshisi, 2001 jylǵy naýryz-sáýir aralyǵynda Semeı óńirlik qarjy polıtsııasy basqarmasynyń anyqtaý bóliminiń bastyǵy qyzmetine taǵaıyndaldy. 2001-2003 jyldary Shyǵys Qazaqstan oblystyq qarjy polıtsııasy departamentiniń anyqtaý bóliminiń bastyǵy, 2003-2004 jyldary Shyǵys Qazaqstan oblystyq qarjy polıtsııasy departamentiniń ekonomıkalyq jáne qarjylyq qylmystardy anyqtaý bóliminiń bastyǵy qyzmetine taǵaıyndaldy. 2004-2005 jyldary Shyǵys Qazaqstan oblysynyń Ekonomıkalyq jáne sybaılas jemqorlyq qylmystaryna qarsy kúres departamentiniń ishki ister bóliminiń aǵa ınspektory, 2005-2010 jyldary Óskemen garnızony áskerı sotynyń sýdıasy, 2010-2013 jyldary Shyǵys Qazaqstan oblysy Rıdder qalalyq sotynyń tóraǵasy, 2013-2015 jyldary Semeı qalalyq sotynyń tóraǵasy, 2015-2017 jyldary Astana qalasynyń mamandandyrylǵan aýdanaralyq ekonomıkalyq sotynyń tóraǵasy laýazymynda eńbek etti. 2017-2020 jyldary Batys Qazaqstan oblystyq sotynyń qylmystyq ister jónindegi sot alqasynyń tóraǵasy, 2020-2022 jyldary Almaty qalalyq sotynyń qylmystyq ister jónindegi sot alqasynyń tóraǵasy, 2022 jyly Astana qalalyq sotynyń tóraǵasy, 2022-2025 jyldary Astana qalasynyń sot tóraǵasy boldy.

Qazirgi qyzmetin 2025 jylǵy maýsymnan bastap atqaryp keledi.

Murat YRǴYBAEV, Qazaqstan Respýblıkasy Quryltaıynyń depýtaty

1991 jyly Soltústik Qazaqstan oblysy Aıyrtaý aýdanynda dúnıege kelgen. 2013 jyly Sh. Ýálıhanov atyndaǵy Kókshetaý memlekettik ýnıversıtetin agronom mamandyǵy boıynsha, 2015 jyly A.Myrzahmetov atyndaǵy Kókshetaý ýnıversıtetin ekonomıka jáne bıznes magıstri dárejesimen bitirgen.

Eńbek joly: 2010-2012 jyldary Soltústik Qazaqstan oblysy Aıyrtaý aýdanyndaǵy «Kýtýzovskoe Alıbı» JShS-nyń esepshi-agronomy, 2013-2014 jyldary QR AShM AKK MIK-niń Eńbekshilder aýdandyq aýmaqtyq ınspektsııasynyń ósimdikter karantıniniń bas maman ınspektory, 2014 jyly osy komıtettiń Bulandy aýdandyq aýmaqtyq ınspektsııasynda ósimdikter karantıni jónindegi bas maman-ınspektor boldy. 2014-2015 jyldary Aqmola oblysy aýyl sharýashylyǵy basqarmasynyń eginshilik jáne astyq naryǵyn retteý bóliminde astyqty saqtaý jáne óńdeý jónindegi bas maman, 2015-2018 jyldary Aqmola oblysy aýyl sharýashylyǵy basqarmasynyń ekonomıkalyq taldaý jáne boljaý bóliminde agroónerkásiptik keshendi damytý jáne kredıt saıasaty jónindegi bas maman, 2018 jyly Aqmola oblystyq aýyl sharýashylyǵy basqarmasynyń aýyl shaýrashylyǵy ónimderin qaıta óńdeý jáne marketıng bóliminiń basshysy qyzmetine taǵaıyndaldy. 2018-2020 jyldary Aqmola oblysy aýyl sharýashylyǵy basqarmasynyń ekonomıkalyq taldaý jáne boljaý bóliminiń basshysy, 2020-2022 jyldary Aqmola oblysynyń aýyl sharýashylyǵy jáne jer qatynastary basqarmasy basshysynyń orynbasary, 2022-2023 jyldary QR Aýyl sharýashylyǵy mınıstrligi Eginshilik departamenti dırektorynyń orynbasary, 2023-2024 jyldary QR Aýyl sharýashylyǵy mınıstrligi Eginshilik departamentiniń dırektory boldy. 2024-2025 jyldary «Aýyl» partııasy tóraǵasynyń keńesshisi, 2025 jylǵy tamyz — 2026 jylǵy tamyz aralyǵynda QR Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıteti tóraǵasynyń orynbasary boldy.

Qazirgi qyzmetin 2026 jylǵy tamyzdan bastap atqaryp keledi.

Nurtas OŃDASYNOV, memleket jáne qoǵam qaıratkeri

1904 jyly Ońtústik Qazaqstan oblysynyń Túrkistan aýdanynda dúnıege kelgen. BK (b)P Ortalyq komıteti janyndaǵy Joǵary partııa mektebin bitirgen. 1920-1926 jyldary Tashkenttegi qazaq mektep-ınternatynda tárbıelenip, Túrkistan orman tehnıkýmynda oqyǵan.

Eńbek joly: 1926-1930 jyldary Qyzylorda oblystyq orman sharýashylyǵynda ormanshynyń kómekshisi, sý sharýashylyǵy bóliminde statıst, Jambyldaǵy Talas zertteý partııasynda kishi tehnık, Shymkent oblystyq sý sharýashylyǵy bóliminde tehnık bolǵan. 1931-1938 jyldary Tashkent ırrıgatsııa ınstıtýtynyń bólim meńgerýshisi, keńshar dırektorlaryn daıarlaý kýrstary dırektorynyń orynbasary, Qazaqstan orman sharýashylyǵy tresiniń dırektor orynbasary jáne dırektory, Qazaq KSR Jer halyq komıssarıaty basqarmasynyń bastyǵy, 1938 jyly Shyǵys Qazaqstan oblystyq atqarý komıtetiniń tóraǵasy laýazymyna taǵaıyndalǵan. 1938-1951 jyldary Qazaq KSR Halyq Komıssarlary Keńesiniń tóraǵasy, 1954-1962 jyldary Qazaq KSR Joǵarǵy Keńesi Tóralqasy tóraǵasynyń orynbasary, tóraǵasy, Gýrev (Atyraý) oblystyq atqarý komıtetiniń tóraǵasy, oblystyq partııa komıtetiniń birinshi hatshysy qyzmetterin atqarǵan. 1946 jyly Qazaq KSR Ǵylym akademııasyn qurý jumystaryna jetekshilik etti. 1962 jyldan bastap Máskeýde ǵylymı jumyspen aınalysty.

Ulttyq kadrlardy daıarlaýǵa erekshe kóńil bóldi. Arabsha-qazaqsha, parsysha-qazaqsha túsindirme sózdik jazǵan.

Eki Eńbek Qyzyl Tý ordenimen jáne úsh Lenın ordenimen marapattalǵan. Nurtas Ońdasynovtyń esimi Túrkistan oblysyndaǵy birqatar mektepter men qalalar men aýyldardyń kóshelerine berilgen.