26 kásiporyn EKSJ elektrondyq platformasy arqyly satyp alýǵa qatysý úshin ótinim berdi
ASTANA. KAZINFORM – Búgin Premer-mınıstrdiń orynbasary Qanat Bozymbaevtyń tóraǵalyǵymen «Energetıkalyq jáne kommýnaldyq sektorlardy jańǵyrtý» ulttyq jobasyn iske asyrý jónindegi Jobalyq keńseniń otyrysy ótti.
Qarasha aıynan bastap meks.zakup.sk.kz elektrondyq satyp alý platformasy iske qosyldy. Bul platformada ulttyq jobaǵa qatysýshy barlyq kommýnaldyq kásiporyn tirkelgen.
Modernization.kz portalynyń málimetine súıensek, 26 kásiporyn 174 joba boıynsha jalpy somasy shamamen jarty trıllıon teńgege ótinim berip úlgergen. 2026 jylǵa qajetti taýarlardyń tizimi anyqtaldy. Ulttyq jobany júzege asyrý úshin taýar jetkizýge daıyn 680 áleýetti ERS-merdiger men 172 otandyq óndirýshi aıqyndaldy.
Jıynda az qamtylǵan azamattardy turǵyn úımen qamtamasyz etý sharalary da qaraldy. Bıyl 9,6 myń otbasy kommýnaldyq qyzmetterge jumsaǵan shyǵyndarynyń bir bóligin óteý boıynsha ótemaqy aldy.
Qanat Bozymbaev turǵyn úı kómegin kórsetý tetigin jeńildetýdi jáne halyq arasynda qoldanystaǵy memlekettik qoldaý sharalary boıynsha túsindirý jumystaryn kúsheıtýdi tapsyrdy.
Buǵan deıin Bozymbaev energetıka salasyndaǵy satyp alý platformasyn 1 qarashaǵa deıin engizýdi tapsyrǵanyn jazǵan edik.