26 qarasha. Týǵan kún ıeleri
ESІMDER
61 jyl buryn (1957) Semeı qalasynyń ákimi Ermak Bıdahmetuly CÁLІMOV dúnıege keldi.
Shyǵys Qazaqstan oblysy Kúrshim aýdanynda týǵan. 1981 jyly Qazaq saıası tehnıkalyq ınstıtýtyn taý ınjener-marksheıderi mamandyǵy boıynsha, 2001 jyly Qazaq memlekettik quqyqtyq akademııasyn zańger mamandyǵy boıynsha aıaqtady.
Óz eńbek jolyn ShQO Glýbokoe aýdany Ertis polımetall kombınatynyń Berezovskıı ken ornynda shahtynyń jerasty taý sheberi bolyp bastady. 1985 jyldan 1987 jylǵa deıin qaýipsizdik tehnıkasy boıynsha bas ınjenerdiń orynbasary, Ertis ken ornynyń №3 jerasty taý ýchaskesiniń bastyǵy bolyp jumys atqardy. 1987-1989 jyldary - Ertis ken orny partııalyq bıýrosynyń hatshysy. 1989-1994 jyldary - ShQO Glýbokoe aýdany Ertis polımetall kombınaty Ertis ken ornynyń №3 jerasty taý ýchaskesiniń bastyǵy. 1994-1996 jyldary - ShQO Glýbokoe ákimdigi basshysynyń birinshi orynbasary. 1996-1997 jyldary - Glýbokoe aýdany «Ertis polımetall kombınaty» aktsıonerlik qoǵamynyń senimdi basqarýshysy. 1997-1999 jyldary - Glýbokoe aýdany ákiminiń orynbasary. 1999-2000 jyldary - Glýbokoe aýdany «Ertis mys balqytý zaýyty» JShS, «Taý-ken baıytý kombınaty» JShS konkýrstyq basqarýshysy. 2001-2008 jyldary - Glýbokoe aýdany ákiminiń orynbasary. 2008-2009 jyldary - ShQO kásipkerlik jáne ónerkásip basqarmasynyń bastyǵy. 2009 jyldyń shildesinen 2009 jyldyń qarashasyna deıin ShQO Rıdder qalasynyń ákimi.
2009-2010 jyldary Shyǵys Qazaqstan oblysy ákiminiń orynbasary. 2010-2015 jyldary Zyrıan aýdanynyń ákimi. Qazirgi qyzmetinde 2015 jyldan.
58 jyl buryn (1960) Qazaqstan Respýblıkasynyń Grýzııadaǵy Tótenshe jáne Ókiletti Elshisi Baýyrjan Álimuly MUHAMEDJANOV dúnıege keldi.
Jambyl oblysynyń Merki aýdanynda týǵan. S.Kırov atyndaǵy Qazaq memlekettik ýnıversıtetin (Ál-Farabı atyndaǵy Qazaq Ulttyq ýnıversıteti) bitirgen.
1983-1990 jyldary - Qazaq memlekettik ýnıversıtetiniń oqytýshysy. 1990-1994 jyldary - Joǵarǵy Keńes Tóraǵasynyń aǵa konsýltanty, sektor meńgerýshisi, bólim meńgerýshisiniń orynbasary, hatshylyq meńgerýshisi, Qazaqstan Respýblıkasy Joǵarǵy Keńesiniń zań jáne quqyqtyq saraptaý bóliminiń meńgerýshisi. 1994-1997 jyldary - Qazaqstan Respýblıkasy Prezıdent apparatynyń zań shyǵarý bastamasy bólimi meńgerýshisiniń orynbasary, meńgerýshisi, QR Prezıdenti Ákimshiligi zańnama jáne quqyqtyq saraptaý bóliminiń meńgerýshisi, QR Joǵarǵy sot keńesiniń hatshysy. QR Joǵary tártiptik keńesiniń múshesi, QR Prezıdent Ákimshiliginiń zań jáne sot-quqyqtyq júıesi máseleleri jónindegi bólimniń meńgerýshisi. 1997-2000 jyldary - QR Ádilet mınıstri. 2000-2002 jyldary - QR Prezıdenti Ákimshiligi Basshysynyń orynbasary. 2002-2003 jyldary - QR Premer-mınıstriniń orynbasary. 2003-2005 jyldary - QR Prezıdenti Ákimshiligi basshysynyń orynbasary. 2005-2009 jyldary - QR Іshki ister mınıstri qyzmetterin atqarǵan. 2009 jyldyń sáýirinen - Qazaqstan Respýblıkasy Parlamenti Senatynyń depýtaty. 2011-2013 jyldary - Mańǵystaý oblysynyń ákimi. QR-nyń Lıtva Respýblıkasyndaǵy Tótenshe jáne Ókiletti elshisi jáne QR-nyń Latvııa Respýblıkasyndaǵy Tótenshe jáne Ókiletti elshisi mindetin qosa atqarýshy (2013-2018).
Qazirgi qyzmetin atqarýǵa 2018 jylǵy mamyrda kiristi.
ІІІ dárejeli «Barys» (2004), «Parasat» (1999) ordenderimen; «10 jyl Astana» (2008) medalimen; QR Qurmet gramotalarymen; Reseı Federatsııasy, Belarýs Respýblıkasy, Armenııa, Ázerbaıjan, Grýzııa, Ýkraına, Qyrǵyzstan jáne Tájikstan sııaqty memleketterdiń 20-dan astam medalimen nagradtalǵan.
57 jyl buryn (1961) Shahtınsk qalasynyń ákimi Serjan Jańabekuly AIMAQOV dúnıege keldi.
Qaraǵandy oblysynyń Qarqaraly qalasynda dúnıege keldi. 1983 jyly Qaraǵandy Polıtehnıkalyq ınstıtýttyń ınjener-mehanık mamandyǵyn oqyp shyǵady; 2001 jyly Zamanaýı gýmanıtarlyq ınstıtýtyn támamdap ekonomıka bakalavry dárejesin ıelenedi; Qazaq jáne orys tilderin jiti biledi. 1978 jyldan Qaraǵandy polıtehnıkalyq ınstıtýttyń stýdenti. 1983 jyldan bastap Qaraǵandy oblysynyń Tutyný odaǵynyń avtobazasynyń Qarqaraly avtokolonnasynyń mehanıgi bolyp jumys atqarady. 1987 jyldan bastap Qaraǵandy oblysynyń, Qarqaraly aýdanynyń QR LKSM-nyń 2 hatshysy bolady. 1989 jyldan bastap Qarqaraly aýdandyq aýkomnyń Kompartııasynyń nusqaýshysy bolady. 1990 jyly qalalyq atqarýshy komıteti tóraǵasynyń orynbasary bolyp, Qarqaralynyń qalalyq ákimshiliginiń bólim meńgerýshisi qyzmetin atqarady. 1994 jyldan Qarqaraly qalasy ákiminiń orynbasary bolyp taǵaıyndalady. 1997 jyldan Qarqaraly aýdany salyq komıtetiniń tóraǵasy bolady. 2000 jyldyń maýsym aıynan Qarqaraly aýdan ákiminiń orynbasary bolyp taǵaıyndalady. 2007 jyldan Qaraǵandy oblysynyń qurylys basqarmasynyń basshysynyń orynbasary. 2010 jyldyń tamyzynan Qarqaraly aýdanynyń ákimi bolyp taǵaıyndalady. 2011 jyldyń qazanynan bastap Qaraǵandy oblysy Osakarov aýdanynyń ákimi laýazymyn atqardy. Qazirgi qyzmette 2015 jylǵy maýsym aıynan.
57 jyl buryn (1961) Qazaqstan Respýblıkasy Prezıdent Ákimshiligi Basshysy hatshylyǵynyń meńgerýshisi Úmbetbaı Aqparuly MAǴZUMOV dúnıege keldi.
Tselınograd aýyl sharýashylyǵy ınstıtýtyn aýylsharýashylyq óndirisiniń ekonomıst- uıymdastyrýshysy mamandyǵymen bitirgen.
Eńbek jolyn 1987 jyly bastaǵan. Ár jyldary Astana qalasynyń ákimdiginde, Qazaqstan Respýblıkasynyń Indýstrııa jáne saýda mınıstrliginde, «Nur Otan» HDP, Qazaqstan Respýblıkasy Prezıdentiniń Ákimshiliginde, Qazaqstan Respýblıkasynyń Reseı Federatsııasyndaǵy elshiliginde qyzmet etken. 2009-2014 jyldary - Qazaqstan Respýblıkasy Qorǵanys mınıstriniń keńesshisi. 2014-2016 jyldary - Astana qalasy ákiminiń kómekshisi.
Qazirgi qyzmetinde - 2016 jyldan beri.
«Qurmet» ordenimen, «Eren eńbegi úshin» medalimen, 4 mereıtoılyq medaldarmen nagradtalǵan.
50 jyl buryn (1968) Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń tóraǵasy Qaıyr Ómirsadyquly RYSKELDІNOV dúnıege keldi.
Burynǵy Taldyqorǵan oblysynda dúnıege kelgen. 1994 jyly Almaty zooveterınarlyq ınstıtýtyn «mal dárigeri» mamandyǵy boıynsha, 2008 jyly «Femıda» zań akademııasyn «zańger» mamandyǵy boıynsha támamdaǵan.
2004-2007 jyldary Aqmola oblysy Egindikól aýdany ákiminiń orynbasary, 2007-2012 jyldary Shortandy aýdany ákiminiń orynbasary bolǵan. Aqmola oblysy Qorǵaljyn aýdanynyń ákimi (2012-2018).
Qazirgi qymetin atqarýǵa 2018 jylǵy mamyr aıynda kiristi.
48 jyl buryn (1970) Qazaqstan Respýblıkasynyń Horvatııa Respýblıkasyndaǵy Tótenshe jáne Ókiletti Elshisi Tólejan Tursynuly BARLYBAEV dúnıege keldi.
Qaraǵandy oblysynyń Temirtaý qalasynda týǵan. 1992 jyly Reseı memlekettik gýmanıtarlyq ýnıversıtetti támamdaǵan.
Túrli jyldary QR Syrtqy ister mınıstrliginde, QR Prezıdent Ákimshiliginde eńbek etken.
Qazirgi qyzmetinde - 2017 jyldyń mamyrynan.
39 jyl buryn (1979) Aqmola garnızony áskerı sotynyń tóraǵasy Almat Meshitbaıuly BABATOV dúnıege kelgen.
Ol Qyzylorda qalasynda týǵan. Qazaq memlekettik zań akademııasyn bitirgen (2001).
Eńbek joly: Astana qalasy Ádilet depertamenti normatıvtik-quqyqtyq aktilerdi tirkeý bóliminde jetekshi mamany (2001-2002); Pavlodar oblysy Ádilet basqarmasynyń jetekshi, bas mamany (2002-2003); Qazaqstan Respýblıkasy Ádilet mınıstrligi Zańnama departamentiniń jetekshi, bas mamany (2003-2005); Astana qalasy Sottar ákimshisiniń sot oryndaýshysy (2005-2006); Astana qalalyq sotynyń bas mamany (2006); Astana qalasy Sottar ákimshisiniń sot oryndaýshysy (2006-2007); Qazaqstan Respýblıkasy Tótenshe jaǵdaılar mınıstrliginiń normatıvtik-quqyqtyq aktilerin qamtamasyz etý bóliminiń bas mamany (2007); Qazaqstan Respýblıkasy Joǵarǵy Soty janyndaǵy Sot ákimshiligi jónindegi komıteti kadr jumysy bóliminiń bas mamany (2007-2008); Qazaqstan Respýblıkasy Joǵarǵy Soty janyndaǵy Sot ákimshiligi jónindegi komıteti sottardyń qyzmetin uıymdastyrý basqarmasynyń sarapshysy (2008); Qazaqstan Respýblıkasy Básekelestikti qorǵaý agenttiginiń Aqmola, Qaraǵandy oblystary jáne Astana qalasy boıynsha óńiraralyq ınspektsııasynyń bas mamany (2008-2009); Astana qalasy Almaty aýdandyq sotynyń sýdıasy (2009-2013); Qyzylorda qalalyq sotynyń tóraǵasy (2013-2017).
Qazirgi laýazymyn 2017 jyldan beri atqaryp keledi.