26 qańtarǵa arnalǵan aýa raıy boljamy
ASTANA. QazAqparat - 26 qańtar kúni antıtsıklonnyń áserinen Qazaqstannyń basym bóliginde jaýyn-shashynsyz aýa raıy saqtalady.
Respýblıkanyń keı jerlerinde jel kúsheıip, tuman men jaıaý burqasyn kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Ońtústik Qazaqstan, Qyzylorda oblystarynyń keı jerlerinde 18-23 m/s jyldamdyqtaǵy jeldiń ekpini 30 m/s artýy múmkin. Ońtústik Qazaqstan oblysynyń taýly aımaqtarynda jaıaý burqasyn bolady.
Aqtóbe oblysynyń keı jerlerinde jaıaý burqasyn júrip, jeldiń kúshi 18 m/s artady, Mýgodjar aýdanynda onyń ekpini 23-28 m/s jetpek.
Jambyl, Shyǵys Qazaqstan, Qostanaı oblystarynyń keı jerlerinde jaıaý burqasyn, tuman, 15-20 m/s ekpindegi jel kútiledi, Jambyl oblysynda jeldiń jyldamdyǵy 23 m/s deıin kúsheıedi.
Qaraǵandy, Mańǵystaý oblystarynyń keı jerlerinde tuman kútiledi, jel 15-20 m/s kúsheıedi.
Atyraý oblysynyń keı jerlerinde jeldiń jyldamdyǵy 15-20 m/s artady.
Batys Qazaqstan, Pavlodar oblystarynyń keı jerlerinde tuman boljanady.
Almaty, Jambyl, Qaraǵandy, Shyǵys Qazaqstan oblystarynyń keı jerlerinde qatty aıaz saqtalady.
Úskirik aıaz sondaı-aq Ońtústik Qazaqstan oblysynyń jekelegen aýmaqtarynda kútiledi.
Aqmola, Pavlodar, Qyzylorda oblystarynyń keı jerlerinde de aýa temperatýrasy kúrt tómendeıdi.
