26 aqpanda Reseı prezıdenttigine úmitkerlerdiń debattary bastalady
ASTANA. QazAqparat - Dúısenbi, 26 aqpan kúni Reseı Federatsııasy prezıdenttigine úmitkerlerdiń saılaýaldy debattary bastalady, dep habarlaıdy QazAqparat TASS agenttigine silteme jasap.
Saılaýaldy debattar úshin tegin efırlik ýaqytty: «Rossııa 1», «Pervyı kanal», «Rossııa 24», «TV Tsentr», Reseıdiń qoǵamdyq telearnasy, «Radıo Rossıı» telearnasy, «Maıak» jáne «Vestı FM» usyndy.
RF Ortalyq saılaý komıssııasynan málim etkendeı, telearnalar men radıostantsııalar «birlesken agıtatsııalyq is-sharalardyń» formatyn ózderi belgileıtin bolady. ıAǵnı olar pikirsaıys, «dóńgelek ústel» nemese debattar túrinde ótýi múmkin.
Reseıdiń is basyndaǵy prezıdenti, jańa merzimge óz-ózin usynyp otyrǵan Vladımır Pýtın debattarǵa qatysýdan bas tartqandyqtan, telekórermender jeti kandıdattyń: Sergeı Babýrınniń («Reseı jalpyhalyqtyq odaǵy» partııasy), Pavel Grýdınınniń (Reseı Federatsııasy Kommýnıstik partııasy), Vladımır Jırınovskııdiń (Reseıdiń lıberaldy demokratııalyq partııasy), Ksenııa Sobchaktyń («Azamattyq bastama»), Maksım Sýraıkınniń («Reseı kommýnısteri»), Borıs Tıtovtyń (Ósim partııasy) jáne Grıgorıı ıAvlınskııdiń («Alma») pikir talasyn tamashalaıtyn bolady.
Aıta keteıik, Reseıdiń lıberaldy demokratııalyq partııasynyń tóraǵasy Vladımır Jırınovskıı tikeleı efırdegi keıbir saılaýaldy debattardan bas tartyp, olardy aldyn ala jazyp kórsetýdi usyndy.
Foto: tass.ru
