26 aqpanda aýa raıy qandaı bolady
NUR-SULTAN. QazAqparat - «Qazgıdromet» mamandary 26 aqpanda bolatyn erekshe meteorologııalyq qubylystarǵa boljam jasady, dep habarlaıdy QazAqparat.
Qazaqstan aýmaǵynyń basym bóliginde fronttardyń áserinen turaqsyz aýa raıy saqtalady.
Keı ýaqytta qar jaýady.
Respýblıkanyń batysynda – jańbyr men qar jaýady.
Tek elimizdiń ońtústigi men soltústiginde jaýyn jaýmaıdy.
Respýblıkanyń keı jerlerinde tuman túsedi, kóktaıǵaq bolyp, jaıaý burqasyn soǵady. Jel kúsheıedi.
Shyǵys Qazaqstan oblysynda boran men tuman boljanady. Jel jyldamdyǵy 15-20 m/s jetedi.
Aqmola, Túrkistan oblystarynyń keı jerlerinde jaıaý burqasyn kóterilip, tuman túsedi. Túnde keı jerlerde jeldiń kúshi 15-20 m/s bolady.
Atyraý, Batys Qazaqstan, Aqtóbe, Jambyl oblystarynyń keı jerlerinde boran soǵady.
Atyraý oblysynyń keı jerlerinde tuman túsip, kóktaıǵaq bolady.
Jambyl oblysynyń keı jerlerinde tuman túsedi, Batys Qazaqstan oblysynda jel ekpini - 15-20 m/s.
Almaty oblysynyń keı jerlerinde jel 17-22 m/s deıin kúsheıedi, túnde - tuman, kóktaıǵaq.
Túnde Qostanaı, Qaraǵandy, kúndiz Mańǵystaý oblystarynyń keı jerlerinde jel qarqyny - 15-20 m/s.
Mańǵystaý oblysynyń keı jerlerinde kóktaıǵaq bolady. Qaraǵandy oblysynda tuman túsedi.
Túnde Almaty, Soltústik Qazaqstan, Qaraǵandy, Mańǵystaý oblystarynyń keı jerlerinde, Túrkistan oblysynyń soltústiginde qatty aıaz bolady.
