26 aqpan. Tulǵalar týǵan kún

ASTANA. QazAqparat – Búgin, ıaǵnı 26 aqpanda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

70 jyl buryn (1953) memleket qaıratkeri, Qazaqstan Respýblıkasy Parlamenti Senaty janyndaǵy Senatorlar Keńesi tóraǵasynyń orynbasary Birǵanym Saryqyzy ÁITІMOVAdúnıege keldi.

Batys Qazaqstan oblysynda týǵan. Oral pedagogıkalyq ınstıtýtyn, Qazaq memlekettik ýnıversıtetin bitirgen.

Orta mekteptiń oqytýshysy, keńshar komsomol komıtetiniń hatshysy, Oral oblystyq komsomol komıtetiniń sektor, bólim meńgerýshisi, qalalyq, oblystyq komsomol komıtetiniń birinshi hatshysy qyzmetterin atqarǵan. 1990-1993 jyldary - Qazaqstan Respýblıkasy Joǵarǵy Keńesi Jastar isi jónindegi komıtetiniń tóraǵasy. 1993-1996 jyldary - Qazaqstan Respýblıkasy Jastar isi, týrızm jáne sport mınıstri, Qazaqstan Respýblıkasy Parlamenti Senatynyń depýtaty, Halyqaralyq ister, qorǵanys jáne qaýipsizdik komıtetiniń múshesi. 1996-2002 jyldary - Qazaqstan Respýblıkasynyń Izraıldegi Tótenshe jáne Ókiletti Elshisi. 2002-2004 jyldary - Qazaqstan Respýblıkasynyń Italııadaǵy Tótenshe jáne Ókiletti Elshisi, Grekııadaǵy, Maltadaǵy Tótenshe jáne Ókiletti Elshisi mindetin qosa atqarýshy. 2004-2007 jyldary - Qazaqstan Respýblıkasy Premer-Mınıstriniń orynbasary, Bilim jáne ǵylym mınıstri. 2007-2013 jyldary - Qazaqstan Respýblıkasynyń BUU janyndaǵy turaqty ókili. Kýba Respýblıkasyndaǵy Elshi mindetin qosa atqarýshy (2007-2013); Solomon araldaryndaǵy Elshi mindetin qosa atqarýshy (2012-2013). ); Qazaqstan Respýblıkasy Parlamenti Senatynyń depýtaty (2013-2019); Halyqaralyq qatynastar, qorǵanys jáne qaýipsizdik komıtetiniń múshesi (2014-2019); Áleýmettik-mádenı damý jáne ǵylym komıtetiniń tóraıymy (2017-2019).

Qazirgi qyzmetinde – 2019 jyldyń qyrkúıek aıynan. «Qurmet», «Qurmet belgisi» ordenderimen, medaldarmen marapattalǵan.

58 jyl buryn (1965) QR Joǵarǵy sotynyń sýdıasy Abaı Jambyluly RAHMETÝLLIN dúnıege keldi.

Omby oblysynda (RF) týǵan. S.M Kırov atyndaǵy Qazaq memlekettik ýnıversıtetin, zańger mamandyǵy boıynsha bitirgen (1990).

Eńbek joly: Kókshetaý oblystyq advokattar alqasynyń stajeri, zań keńesshisi, Kókshetaý oblysy ádilet departamentiniń jetekshi mamany; sýdıa, tóraǵa orynbasary, Kókshetaý qalalyq sotynyń tóraǵasy (1990-2002); Aqmola oblystyq sotynyń qylmystyq ister bóliminiń tóraǵasy (2002-2004); Qazaqstan Respýblıkasy Joǵarǵy Sotynyń sýdıasy (2004-2007); Ońtústik Qazaqstan oblystyq sotynyń tóraǵasy (2007-2012); Shyǵys Qazaqstan oblystyq sotynyń tóraǵasy (2012-2015); Qazaqstan Respýblıkasy Joǵarǵy sotynyń qylmystyq ister jónindegi qadaǵalaýshy keńesiniń tóraǵasy (2015-2016); Qazaqstan Respýblıkasy Joǵarǵy sotynyń qylmystyq ister boıynsha sot kollegııasynyń tóraǵasy (2016-2019).

Qazirgi laýazymynda - 2019 jyldyń shilde aıynan bastap.

«Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan.

50 jyl buryn (1973) Qaraǵandy oblysy ishki saıasat basqarmasynyń basshysy Nurlan Rahmetollauly BIKENOV dúnıege keldi.

Qaraǵandy oblysy Nura aýdanynda týǵan. Úsh joǵary bilimi bar – bıolog, tarıhshy jáne ekonomıst.
Eńbek jolyn Nura aýdanynyń Kýıbyshev keńsharynda jumysshy bolyp bastaǵan. Sodan keıin Zaharovka aýylynyń mektebinde ustazdyq etti.
2001 jyldan bastap memlekettik qyzmette. Qatardaǵy mamannan bastap basshy laýazymdaryna deıin eńbek jolynan ótti. Qaraǵandy qalasynyń ishki saıasat bólimin basqardy. Qaraǵandy oblysynyń ishki saıasat basqarmasy bastyǵynyń orynbasary, Osakarov aýdany ákiminiń orynbasary boldy. 2016-2020 Qaraǵandy oblysynyń din isteri basqarmasynyń basshysy qyzmetin atqardy. 2020-2022 jyldary Qaraǵandy qalasy ákiminiń orynbasary.

Qazirgi qyzmetinde – 2022 jyldyń qańtar aıynan bastap.

44 jyl buryn (1979) Qazaqstan Respýblıkasy Parlamenti Senaty janyndaǵy Zań shyǵarý protsesin jetildirý jónindegi keńestiń múshesi Natalıa Vıssarıonovna PAN dúnıege keldi.

Qaraǵandy oblysy Abaı qalasynda týǵan. 1999 jyly E. Bóketov atyndaǵy Qaraǵandy memlekettik ýnıversıtetin, 2016 jyly – Kolýmbııa ýnıversıtetin (AQSh) támamdaǵan. Mamandyǵy boıynsha – halyqaralyq zańger, ekonomıst.

Eńbek jolyn 1999 jyly bastaǵan. 1999–2003 jyldary QR Qarjy mınıstrliginiń Zań qyzmeti departamentiniń bas mamany, bólim meńgerýshisi, quqyqtyq saraptama bólimi bastyǵynyń orynbasary, zańnamany júıeleý jáne quqyqtyq jappaı oqytý qyzmetterin atqarǵan. 2003–2008 jyldary QR Prezıdent Ákimshiliginiń Zańnama jáne quqyqtyq saraptama bóliminiń keńesshisi, aǵa sarapshysy, bas sarapshysy, bas keńesshisi bolyp qyzmet atqarǵan. 2008 jyldan bastap 2012 jylǵa deıin — QR Prezıdenti Ákimshiliginiń Memlekettik quqyq bóliminiń ınspektory, sektor meńgerýshisi bolyp eńbek etken. 2012–2014 jyldary QR ÁM Tirkeý qyzmeti jáne quqyqtyq kómek kórsetý komıtetiniń tóraǵa orynbasary laýazymyn atqarǵan. 2014–2016 jyldary QR ÁM Tirkeý qyzmeti jáne zań qyzmetin uıymdastyrý departamenti dırektorynyń orynbasary qyzmetin atqarǵan. 2016 jyldyń jeltoqsan aıynan bastap – QR ÁM Zııatkerlik menshik quqyǵy departamentiniń dırektory qyzmetin atqarǵan. 2017-2022 jyldary Qazaqstan Respýblıkasy Ádilet vıtse-mınıstri.

Qazirgi qyzmetin 2022 jyldyń sáýir aıynan beri atqaryp keledi.

«Qurmet» ordenimen marapattalǵan.