26 aqpan. Tulǵalar týǵan kún
Búgin, 26 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
73 jyl buryn (1953) memleket qaıratkeri, Qazaqstan Respýblıkasy Parlamenti Senaty janyndaǵy Senatorlar Keńesiniń múshesi Birǵanym Saryqyzy ÁITІMOVA dúnıege keldi.
Batys Qazaqstan oblysynda týǵan. Oral pedagogıkalyq ınstıtýtyn, Qazaq memlekettik ýnıversıtetin bitirgen.
Eńbek jolyn orta mekteptiń oqytýshysy, keńshar komsomol komıtetiniń hatshysy, Oral oblystyq komsomol komıtetiniń sektor, bólim meńgerýshisi, qalalyq, oblystyq komsomol komıtetiniń birinshi hatshysy bolyp bastaǵan. 1990-1993 jyldary QR Joǵarǵy Keńesi Jastar isi jónindegi komıtetiniń tóraǵasy. 1993-1996 jyldary QR Jastar isi, týrızm jáne sport mınıstri, QR Parlamenti Senatynyń depýtaty, Halyqaralyq ister, qorǵanys jáne qaýipsizdik komıtetiniń múshesi, 1996-2002 jyldary QR Izraıldegi Tótenshe jáne ókiletti elshisi, 2002-2004 jyldary QR Italııadaǵy Tótenshe jáne ókiletti elshisi, Grekııadaǵy, Maltadaǵy Tótenshe jáne ókiletti elshisi mindetin qosa atqarýshy. 2004-2007 jyldary QR Premer-Mınıstriniń orynbasary, Bilim jáne ǵylym mınıstri, 2007-2013 jyldary QR BUU janyndaǵy turaqty ókili, 2007-2013 jyldary Kýba Respýblıkasyndaǵy Elshi mindetin qosa atqarýshy, 2012-2013 jyldary Solomon araldaryndaǵy Elshi mindetin qosa atqarýshy, 2013-2019 jyldary QR Parlamenti Senatynyń depýtaty, 2014-2019 jyldary Halyqaralyq qatynastar, qorǵanys jáne qaýipsizdik komıtetiniń múshesi, 2017-2019 jyldary Áleýmettik-mádenı damý jáne ǵylym komıtetiniń tóraıymy qyzmetin atqardy.
61 jyl buryn (1965) QR Joǵarǵy Sotynyń sýdıasy (múshesi), Joǵarǵy Sottyń mamandandyrylǵan sot alqasynyń múshesi Abaı Jambyluly RAHMETÝLLIN dúnıege keldi.
Omby oblysynda (RF) týǵan. 1990 jyly S. M. Kırov atyndaǵy Qazaq memlekettik ýnıversıtetin zańger mamandyǵy boıynsha bitirgen.
Eńbek jolyn 1990 jyly Kókshetaý qalalyq zań konsýltatsııasynda advokat qyzmetinen bastady. 1992-1993 jyldary Kókshetaý qalalyq halyq sotynda ákimshilik jáne atqarýshylyq is júrgizý sýdıasy, sondaı-aq halyq sýdıasy laýazymynda qyzmet etti. 1993-1995 jyldary Kókshetaý qalalyq halyq soty tóraǵasynyń orynbasary, 1995-1996 jyldary Kókshetaý qalalyq sotynyń tóraǵasy, 1996 jyly Kókshetaý qalalyq sotynyń tóraǵasy bolyp qaıta taǵaıyndalyp, bul qyzmetti 2002 jylǵy maýsymǵa deıin atqardy. 2002-2004 jyldary Aqmola oblystyq sotynyń qylmystyq ister jónindegi sot alqasynyń tóraǵasy, 2004-2007 jyldary QR Joǵarǵy Sotynyń sýdıasy, 2007-2012 jyldary Ońtústik Qazaqstan oblystyq sotynyń tóraǵasy, 2012-2015 jyldary Shyǵys Qazaqstan oblystyq sotynyń tóraǵasy, 2015-2016 jyldary QR Joǵarǵy Sotynyń qylmystyq ister jónindegi qadaǵalaý sot alqasynyń tóraǵasy, 2016-2019 jyldary QR Joǵarǵy Sotynyń qylmystyq ister jónindegi sot alqasynyń tóraǵasy laýazymyn atqarǵan.
2019 jylǵy shildeden bastap — QR Joǵarǵy Sotynyń sýdıasy (múshesi), Joǵarǵy Sottyń mamandandyrylǵan sot alqasynyń múshesi.
«Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan.
58 jyl buryn (1968) Ulytaý oblysy polıtsııa departamentiniń bastyǵy Nurhat Kenjebaıuly ORAZBAEV dúnıege keldi.
Gýrev (qazirgi Atyraý) oblysynda týǵan. 1991 jyly Gýrev pedagogıkalyq ınstıtýtyn, 1997 jyly QR MTK Almaty joǵary tergeý mektebin, 2008 jyly RF ІІM Akademııasyn támamdaǵan.
Іshki ister organdaryndaǵy alǵashqy eńbek jolyn 1991 jyly bastaǵan. 1991-2019 jyldary orta jáne basshy quramnyń ártúrli jedel laýazymdarynda qyzmet atqarǵan. 2019-2022 jyldary Atyraý oblysy polıtsııa departamenti bastyǵynyń orynbasary laýazymynda qyzmet atqardy. 2022-2026 jyldary Atyraý oblysy polıtsııa departamentiniń bastyǵy qyzmetinde boldy.
Qazirgi laýazymyn 2026 jyldyń qańtar aıynan bastap atqaryp keledi.
53 jyl buryn (1973) Qaraǵandy oblysy Іshki saıasat basqarmasynyń basshysy Nurlan Rahmetollauly BIKENOV dúnıege keldi.
Qaraǵandy oblysy Nura aýdanynda týǵan. Úsh joǵary bilimi bar — bıolog, tarıhshy jáne ekonomıst.
Eńbek jolyn Nura aýdanynyń Kýıbyshev keńsharynda jumysshy bolyp bastaǵan. Sodan keıin Zaharovka aýylynyń mektebinde ustazdyq etti.
2001 jyldan bastap memlekettik qyzmette. Qatardaǵy mamannan bastap basshy laýazymdaryna deıin eńbek jolynan ótti. Qaraǵandy qalasynyń ishki saıasat bólimin basqardy. Qaraǵandy oblysynyń ishki saıasat basqarmasy bastyǵynyń orynbasary, Osakarov aýdany ákiminiń orynbasary boldy. 2016-2020 Qaraǵandy oblysynyń din isteri basqarmasynyń basshysy qyzmetin atqardy. 2020-2022 jyldary Qaraǵandy qalasy ákiminiń orynbasary.
2022 jyldyń qańtar aıynan bastap qazirgi qyzmetinde.
48 jyl buryn (1978) Qazaqstan Respýblıkasy Ulttyq ekonomıka vıtse-mınıstri Erlan Ermekuly SAǴYNAEV dúnıege keldi.
Aqmola oblysynda týǵan. Soltústik Qazaqstan memlekettik ýnıversıtetin, Soltústik Qazaqstan zań akademııasyn jáne Qaraǵandy memlekettik ýnıversıtetin bitirgen.
Eńbek jolyn 1999 jyly Soltústik Qazaqstan oblysy boıynsha Salyq komıtetinde bastaǵan.
Ár jyldary aýdannyń Salyq komıteti tóraǵasynyń orynbasary, QR Qarjy mınıstrligi Memlekettik kirister komıtetiniń aýmaqtyq departamentteri men ortalyq apparattaryndaǵy salalyq basqarmalar basshysy qyzmetterin atqardy.
2008-2021 jyldary Mańǵystaý, Qaraǵandy, Qostanaı jáne Atyraý oblystary boıynsha salyq departamentteri basshysynyń orynbasary bolyp jumys istedi. 2021-2025 jyldary QR Ulttyq ekonomıka mınıstrligi Salyq jáne keden saıasaty departamentiniń dırektory qyzmetin atqardy.
Qazirgi laýazymyn 2025 jyldyń tamyzynan bastap atqaryp keledi.
47 jyl buryn (1979) «Parlamentarızm ınstıtýty» RMK dırektory Natalıa Vıssarıonovna PAN dúnıege keldi.
Qaraǵandy oblysy Abaı qalasynda týǵan. 1999 jyly E.Bóketov atyndaǵy Qaraǵandy memlekettik ýnıversıtetin, 2016 jyly Kolýmbııa ýnıversıtetin (AQSh) támamdaǵan. Mamandyǵy boıynsha — halyqaralyq zańger, ekonomıst.
Eńbek jolyn 1999 jyly bastaǵan. 1999-2003 jyldary QR Qarjy mınıstrliginiń Zań qyzmeti departamentiniń bas mamany, bólim meńgerýshisi, quqyqtyq saraptama bólimi bastyǵynyń orynbasary, zańnamany júıeleý jáne quqyqtyq jappaı oqytý qyzmetterin atqarǵan. 2003-2008 jyldary QR Prezıdent Ákimshiliginiń Zańnama jáne quqyqtyq saraptama bóliminiń keńesshisi, aǵa sarapshysy, bas sarapshysy, bas keńesshisi bolyp qyzmet atqarǵan. 2008 -2012 jyldary QR Prezıdenti Ákimshiliginiń Memlekettik quqyq bóliminiń ınspektory, sektor meńgerýshisi bolyp eńbek etken. 2012-2014 jyldary QR ÁM Tirkeý qyzmeti jáne quqyqtyq kómek kórsetý komıtetiniń tóraǵa orynbasary, 2014-2016 jyldary QR ÁM Tirkeý qyzmeti jáne zań qyzmetin uıymdastyrý departamenti dırektorynyń orynbasary, 2016-2017 jyldary QR ÁM Zııatkerlik menshik quqyǵy departamentiniń dırektory, 2017-2022 jyldary QR Ádilet vıtse-mınıstri qyzmetin atqardy. Áleýmettik jobalar jáne qoǵamdyq bastamalar ortalyǵynyń jetekshisi, QR Parlamenti Senaty janyndaǵy Zań shyǵarý protsesin jetildirý jónindegi keńestiń múshesi boldy.
Qazirgi laýazymyn 2025 jyldyń maýsymynan beri.
«Qurmet» ordenimen marapattalǵan.
45 jyl buryn (1981) Jambyl oblysynyń avtomobıl joldary jáne jolaýshylar kóligi basqarmasynyń bastyǵy Murat Quttybaıuly SAÝRYQOV dúnıege keldi.
Jambyl oblysy Jambyl aýdanynda týǵan. Jambyl ýnıversıtetin «Kólik ınjeneri» mamandyǵy boıynsha bitirgen (2002); M. H. Dýlatı atyndaǵy Taraz memlekettik ýnıversıtetin bitirgen (2006).
Eńbek joly: 2005-2013 jyldary QR Kólik jáne kommýnıkatsııa mınıstrligi Kólik ınfraqurylymyn damytý komıtetiniń Jambyl oblysy boıynsha bas mamany, 2013-2018 jyldary Jambyl oblysy ákimdiginiń qurylys, jolaýshylar kóligi jáne avtomobıl joldary basqarmasynyń avtomobıl joldary bóliminiń bas mamany, 2018 jyly Jambyl oblysy ákimdiginiń qurylys, jolaýshylar kóligi jáne avtomobıl joldary basqarmasynyń avtomobıl joldary basqarmasynyń basshysy, 2018-2019 jyldary Jambyl oblysy ákimdiginiń jolaýshylar kóligi jáne avtomobıl joldary basqarmasynyń avtomobıl joldary basqarmasynyń basshysy, 2019-2023 jyldary Jambyl oblysy ákimdiginiń jolaýshylar kóligi jáne avtomobıl joldary basqarmasynyń avtomobıl joldary basqarmasynyń basshysy laýazymyn atqardy.
2023 jyldyń aqpanynan beri qazirgi qyzmetinde.