26 aqpan kúngi aýa raıy boljamy
ASTANA. QazAqparat - 26 aqpan kúni Qazaqstannyń basym bóliginde atmosferalyq frontaldy bólikterdiń ótýine baılanysty qubylmaly aýa raıy saqtalady. Keı jerlerde jaýyn-shashyn jaýady, tek respýblıkanyń ońtústik-shyǵysynda jaýyn-shashynsyz kún raıy kútiledi. Jekelegen óńirlerde tuman, kóktaıǵaq, burqasyn, ekpindi jel boljanady, dep habarlaıdy QazAqparat.
«Qazgıdromet» RMK-nyń aqparatyna sáıkes, Aqmola oblysynyń keı jerlerinde burqasyn, kúndiz kóktaıǵaq kútiledi, jel 18 m/s kúsheıedi.
Batys Qazaqstan, Qostanaı oblystarynyń keı jerlerinde burqasyn, tuman boljanady, jeldiń jyldamdyǵy 15-20 m/s artady. Batys Qazaqstan oblysynda kóktaıǵaq bolýy yqtımal.
Qyzylorda, Jambyl oblystarynyń keı jerlerinde tuman kútiledi, kúndiz jel 15-20 m/s kúsheıedi. Qyzylorda oblysynda kóktaıǵaq bolady.
Túnde Aqtóbe, Almaty oblystarynyń keı jerlerinde tuman kútiledi. Almaty oblysynyń Jalańashkól aýdanynda jeldiń 15-20 m/s jetedi.
Túrkistan oblysynyń keı jerlerinde tuman, 15-20 m/s ekpinde jel boljanady.
Shyǵys Qazaqstan, Qaraǵandy oblystarynyń keı jerlerinde jel 15-20 m/s kúsheıedi. Qaraǵandy oblysynda jaıaý burqasyn júredi. Shyǵys Qazaqstan oblysynda sondaı-aq tuman boljanady.
Pavlodar oblysynyń keı jerlerinde burqasyn kútiledi, kúndiz jel 18 m/s jetedi.
Soltústik Qazaqstan oblysynyń keı jerlerinde tuman, kúndiz jaıaý burqasyn boljanady.
Atyraý, Mańǵystaý oblystarynyń keı jerlerinde tuman, kóktaıǵaq kútiledi.
